懷孕前後 今日: 9 | 主題: 329691

積分: 902

1^#

發表於 20-3-31 00:15 |只看該作者 |倒序瀏覽 |打印

我知道，在此平台的媽媽都應該歡天喜地去迎接新生命。但我曾經都好開心去迎接⋯但最終都係好傷心去送別小天使。由得知醫生的報告，抽羊水，到決定放棄。過程來得好快,好急，根本消化唔到。到做引產過程需要只係1日的時間，但個日的經歷好似過咗一年咁長。到而家坐小月，感覺更加辛苦。辛苦唔係身體，而係心靈，情緒。就連自己老公都唔想同佢講野，覺得佢完全唔識關心自己，好多野都唔會開心。到底我地做左天使媽媽的路仲可以點。

0 0 0

私人傳訊

chingching876

積分: 2767

2^#

發表於 20-3-31 00:55 |只看該作者

我同你一樣，過程來得太急
俾d時間自己，真係唔係一時三刻接受
慢慢會好好多……加油

私人傳訊

uckukuku

男爵府

積分: 9047

3^#

發表於 20-3-31 00:56 |只看該作者

我遇上的是胎停，無痛無血，醫生話係自然淘汰。發現時個胎已經停止生長好耐，所以不用選擇，好平靜咁"處理"咗，然後休息，然後回復原本的生活，基本無喊過。身體亦都無乜事，睇中醫之後仲好過以前。

但同期都有朋友懷孕，順利生產，過咗好多個月之後見到人地啲湊仔相就會唸：如果我嗰個無事都有咁大了...... 我的"傷心curve"真係足足一年咁長，小產後差不多隔咗一年，某日Ｍ痛到無返工要睇醫生攞假紙，個家庭醫生唔係成日睇，當日係佢幫我寫懷孕證明，佢問我ＢＢ點樣，我話無咗了。返到屋企之後，係張床碌下碌下，突然莫名失落流咗兩滴眼淚，先至發現傷心其實埋在心底。嗰種空虛感，真係要交俾時間。

女人係鐘意用講出來做心情抒發。有啲好好ge老公可能可以聽老婆講唔開心，但男人一般會覺得越講越傷心，不如唔好講。可能其實佢都傷心，只係唔想或者唔識表達，特別係男人好怕如果自己都表露出嚟，會令到老婆更傷心。我小產前後係咁search"胎停" "小產"，先至知道其實好多人都試過，只不過好難同身邊親友講。嚟討論區同唔識ge人傾下偈，都係我紓援心情方法之一。

相信你咁快做到決定，代表個問題嚴重到，即使有機會再揀多次，都會係一樣，沒有其他辦法。ＢＢ有缺憾其實好多時係機率，未必自己或者老公ge錯，好無奈，但真的不用怪自己。換咗係我，萬一真係check到有重病，出咗世都係要受苦，只要咁樣唸我點傷心都唔會後悔。只是覺得好可惜，然後更加珍惜未來再返嚟ge小天使。啲媽媽話呢，小天使執齊行理就會再返嚟搵你架。祝你早日釋懷

唔好意思寫到咁鬼長

點評

varievarie

發表於 20-3-31 10:35

私人傳訊

santse8584

積分: 271

4^#

發表於 20-3-31 03:06 |只看該作者

我上年3月都係照結構發現，之後做羊水晶片，最後23+5引產。
當時好多嘢太短時間內發生，好多嘢諗，完全瞓唔到，但老公就瞓到豬咁。我初時都有嬲佢，後來先知其實佢都好傷心，不過佢用其他方式去排解。同埋佢覺得自己要硬淨先支持到我，所以先會表現到好似無乜感覺咁。
FB有個stillbirth媽媽gp, 全部都係同路人嘅分享，亦有好多實用資訊，你可以去睇吓。
希望你保重身體，足夠休息，快啲恢復。至於心靈上嘅傷口，時間真係最好嘅藥，唔使逼自己，慢慢嚟，加油。

私人傳訊

積分: 902

5^#

發表於 20-3-31 10:03 |只看該作者

回覆 uckukuku 的帖子

是喊，一見到電視機播邊個藝人大肚，生仔個感覺都唔好受。可能身邊個男人真係好似係你咁講，唔鍾意講出口，連安慰我嘅說話都唔識講。女人真係好慘，陀住又係自己一個辛苦，引流又自己一個承受，傷心都只係一個人。
條路真係好辛苦

私人傳訊

積分: 902

6^#

發表於 20-3-31 10:05 |只看該作者

回覆 santse8584 的帖子

我入左了，但仲未有力氣去講自己經歷⋯

私人傳訊

minibobo_2019

積分: 432

7^#

發表於 20-3-31 10:28 |只看該作者

回覆樓主:

好難行，多少會影響夫妻關係同性生活，不過頭一兩個月女士身體既hormone仲晌高位，慢慢先會跌落去正常，所以情緒波動大都有機會因為hormone影響，唔駛太擔心自己好似難左控制咁

好認同男人其實都傷心，只係表現既方式同時間唔同，我朋友既老公係BB走左4，5年之後先可以開口再講件事，我自己老公係幾個月之後講番話佢好驚，因為冇左BB, 我又成個唔同哂，佢好驚連個老婆都冇埋，又唔敢喊怕我傷心。我都係個刻先知，佢其實有幾大壓力，有幾傷心。

之後就放開左啦，我信兩公婆開心，BB先會再選我地lee個屋企去住。心裡面會掛住，亦多謝BB探過路，相信佢來過一定係有原因既。

私人傳訊

積分: 902

8^#

發表於 20-3-31 10:38 |只看該作者

回覆 minibobo_2019 的帖子

多謝你的留言，令我明白到原來真係會有呢種情緒波動。同埋原來老公都會好大壓力，我仲好怪佢由引產後到而家都唔識關心我，我喊時仲叫佢行開唔洗理我⋯

私人傳訊

smiletkl

積分: 2957

9^#

發表於 20-3-31 11:46 |只看該作者

我上年四月照結構先知bb有問題，20w引產，今胎六月生啦，養好身體，期待bb再來吧

私人傳訊

小菜豆

侯爵府

積分: 23843

2024年龍年勳章

10^#

發表於 20-3-31 11:54 |只看該作者

smiletkl 發表於 20-3-31 11:46
我上年四月照結構先知bb有問題，20w引產，今胎六月生啦，養好身體，期待bb再來吧
...

妳好積極喎...引產後唔夠4個月再懷孕?

私人傳訊

積分: 902

11^#

發表於 20-3-31 12:16 |只看該作者

回覆 smiletkl 的帖子

你好幸福。羨慕

私人傳訊

smiletkl

積分: 2957

12^#

發表於 20-3-31 15:06 |只看該作者

小菜豆發表於 20-3-31 11:54
妳好積極喎...引產後唔夠4個月再懷孕?

四月尾引產，大概六星期後黎M，醫生話唔使等，黎一次M就可以試，我休息左五個月左右，之後一試就中了

我醫生知道我心理壓力好大，鼓勵我不要怕，一定要再試，每次懷孕都係獨立的，我都想鼓勵樓主，正面思考，準備好就重新出發

私人傳訊

minibobo_2019

積分: 432

13^#

發表於 20-3-31 17:06 |只看該作者

Liz1234 發表於 20-3-31 10:38
回覆 minibobo_2019 的帖子

多謝你的留言，令我明白到原來真係會有呢種情緒波動。同埋原來老公都會好大壓 ...

本帖最後由 minibobo_2019 於 20-3-31 17:06 編輯

無論之後再要BB定點，保住兩公婆關係先令一切有可能。

真係好多人都試過冇左1至2個BB, 係普遍既，只係大家都冇拎傷心事出來講...但講起，我身邊好多朋友，或朋友既親人都試過，有d 臨生先發現冇左心跳，大家都係痛過，但真心想有BB，半驚住都頂d勇氣出來行出陰霾

加油JM, you are really not alone.

私人傳訊

積分: 902

14^#

發表於 20-3-31 17:07 |只看該作者

回覆 smiletkl 的帖子

多謝你分享和鼓勵🙏

私人傳訊

積分: 902

15^#

發表於 20-3-31 17:10 |只看該作者

回覆 minibobo_2019 的帖子

係呀，其實真係都有好多人都試過。只不過自己冇經歷過就唔知當中的苦有幾苦。

私人傳訊

minibobo_2019

積分: 432

16^#

發表於 20-3-31 17:14 |只看該作者

Liz1234 發表於 20-3-31 17:10
回覆 minibobo_2019 的帖子

係呀，其實真係都有好多人都試過。只不過自己冇經歷過就唔知當中的苦有幾苦。 ...

本帖最後由 minibobo_2019 於 20-3-31 17:15 編輯

我自此之後都學習左，如果有朋友新婚，或者結左幾年未生，唔好多口問幾時有好消息

因為永遠唔知人地可能經歷過乜事。自己痛過，要有同理心...

私人傳訊

santse8584

積分: 271

17^#

發表於 20-3-31 17:24 |只看該作者

smiletkl 發表於 20-3-31 15:06
四月尾引產，大概六星期後黎M，醫生話唔使等，黎一次M就可以試，我休息左五個月左右，之後一試就中了

我 ...

我係上年3月尾引產，認真坐小月同搵中醫調理，而家24週喇。今年7月生，咁啱同我上一個BB預產期差一個星期咋，我覺得係BB返黎搵我哋。
其實真係會驚，多咗好多擔心，幸好老公同屋企人都好支持我，醫生都係話每次懷孕都係獨立，我先至有勇氣再試。
希望各位同路人都可以加油，條路係真係真係真係好難行，但我相信懷抱希望，雨後總有彩虹。

私人傳訊

積分: 902

18^#

發表於 20-3-31 18:18 |只看該作者

回覆 santse8584 的帖子

祝福您和BB!加油呀。係既！凡事要向好方面去想，做人先會積極。

私人傳訊

積分: 902

19^#

發表於 20-3-31 18:21 |只看該作者

好多謝您們咁位的留言鼓勵和分享！
看過您們的一字一句，心情比昨晚已經好了好多，可能真係受荷爾蒙影響，心情可以好快就大起大跌。我都好想快啲雨過天青，出現雨後彩虹。

私人傳訊

kvi