少年成長

跳至

首頁
12345...6

尾頁
   26


用戶要求終止服務

積分: 7429


發表於 20-4-25 15:40 |顯示全部帖子
我想作為媽媽,湊到孩子大了,一時之間未「轉到型」,由好親密天天抱著他變了若即若離的情況,這是我們要學習的地方。

我家女兒未突變不過都就快,佢現在都有時鬧情緒,又唔知自己想點但又唔想聽大人意見,我通常會拋低意見,然後走開俾空間佢去發下神經先再決定想點。我好少說教,佢當我係朋友,我俾意見佢得佢自己諗,又或者會聆聽多點。我唔係好痴身的媽咪,反而是阿囡鍾意痴我,所以對於佢慢慢長大,我適應得快點。

有時都唔一定係佢對你冷淡,而係佢需要更多空間去適應自己的轉變,有時佢處於唔知自己想點時就無空間去「應酬」阿媽的關心,不要太「上心」,會幫到兩母子/女吧!


大宅

積分: 2795


發表於 20-4-27 12:19 |顯示全部帖子
回覆 titanlow 的帖子

多謝妳分享! 我是屬於好上心既媽咪,所以一下子好難接受…..其實佢而家對我唔係若即若離, 而係好似嬲咗我咁, 唔會主動同我講嘢, 但對爸爸就唔會, 我感覺被孤立所以好難受

好懷疑係咪真係青春賀爾蒙影響….點解單單對我係咁呢?....這些日子會唔會過去呢?



用戶要求終止服務

積分: 7429


發表於 20-4-27 12:35 |顯示全部帖子
回覆 annielui 的帖子

她不主動跟你說話, 換轉是你跟她說話呢? 態度和回應是怎樣的?日常生活中你有甚麼情況會跟她互動? 有甚麼是以前跟現在很不一樣, 例如以前你會問她想食咩, 又或者佢會同你講想食咩, 咁現在有冇改變?


大宅

積分: 2795


發表於 20-4-27 12:53 |顯示全部帖子
回覆 titanlow 的帖子

我而家問佢嘢佢會好冷淡回應, 一句起兩句止, 有得意嘢會比Daddy睇唔會比我睇, 問佢想食咩, 佢以前會直接講, 而家話是但或者無……..

以前我地兩母女會一齊畫畫, 填顏色, 而家問佢不如一齊填顏色, 佢會拒絕….星期六日我地一家三口通常會戶外活動, 行山釣魚咁, 而家都會, 但同我無溝通…..

~




用戶要求終止服務

積分: 7429


發表於 20-4-28 13:46 |顯示全部帖子
回覆 annielui 的帖子

這樣看來真的不是青春期的問題,有點前因後果影響咁喎,當然你直接問佢,佢一定答無野,或者佢自己都諗唔到點解唔想同媽媽講野,又或者佢知但唔想講,唔知你會有咩反應。我提議你找一天自己外出,靜一靜,細細思想一下過往兩母女的相處,再細想一下由小學升到中學這階段有甚麼特別的事發生過,例如:初上中學時,你會否很緊張她的學業?她當時有甚麼回應?有無甚麼事發生後就產生呢個突變?看看是否找得到頭緒,記住係你要好冷靜去思想,當你自己係個第三者咁回顧,而非帶著你自己的情緒去感到被冷待、繼而產生負面的情緒去控訴孩子。
如果有幸搵到一兩個moment 有可能導致關係有裂痕,你可以試下咁樣,約孩子一個時間單獨傾計:

認同感受:媽媽呢半年來觀察到我地之間的關係出現了一點問題,好想同你一起去解決。我細想了由你升中學開始的生活,有幾件事可能令你很失望、生氣(你要描述佢當時的感受),例如:(簡單描述一下發生乜事,當時佢o既感受係點)

(如果你猜得中佢心裡邊o既那條剌,佢可能會靜默,唔會再答你唔係唔知無野之類)
然後你可以為了那些令到佢好唔開心的事情作一個陳述,唔係去說服佢當時媽媽點解咁咁咁,因為你乜乜乜,而係好平靜咁講 - 舉個例,可能有次因為功課或者用電話時間而嘈佢,你可以話當你由一個小學生變成中學生,你會緊張,媽媽都會緊張,擔心你唔適應或者學業上跟唔上,看到你沒把時間放在學業上,反而常常對著電話,我就著急了。我好希望我地傾一下點樣去處理這件事。

佢見到你開放的態度,希望佢肯講自己的感受,等你明白佢多一點。記著,人只會喜歡在安全的環境下,不被批判,被明白的情況下去開放自己講感受。

希望幫到你少少。

PS. 至於以前會一起填顏色,現在不會...可能大個了覺得咁樣做好鬼無聊...嘗試透個DADDY了解一下佢現在的喜好,投其所好才有話題啊!


大宅

積分: 2795


發表於 20-4-28 15:14 |顯示全部帖子
回覆 titanlow 的帖子

好多謝妳既提議, 我會試試, 希望可以搵到真正原因去解開呢個結.....妳好叻, 妳無經歷過都可以分析到咁多, 相信妳同仔女一定相處得好好!!! 感謝妳


用戶要求終止服務

積分: 7429


發表於 20-4-28 18:44 |顯示全部帖子
介紹大家睇:How to Talk So Teens Will Listen & Listen So Teens Will Talk
應該會幫到大家(我唔知有無中文版)


大宅

積分: 2795


發表於 20-4-29 10:54 |顯示全部帖子
回覆 titanlow 的帖子

Thanks a lot !!!!


複式洋房

積分: 449

2020勳章


發表於 20-4-29 13:08 |顯示全部帖子
annielui 發表於 20-4-6 15:56
各位, 我女上F.1後突然病發...不過目標係我, 對我好冷淡, 以往明明好好的......令我好心痛, 請問有無媽咪仔 ...

我知媽媽一定會緊張小朋友,這是愛的表現。 但你想想,如果一個成年人畀上司或者奶奶管實曬都唔鍾意,你的小朋友正在踏入成年階段,正在建立自我。
恕我直言,你小朋友親爸爸多過你,一定係你之前做咗啲嘢令佢對你失去信任, 例如佢提出意見,畀你否決。
但這不是你的錯,因為你有責任教導佢成為一個好人,難免會產生磨擦。她現在好像更年期的人,情緒比較敏感。 解决方法我覺得是重新建立信任,尊重,同理心。


禁止訪問

積分: 39090

2020勳章 畀面勳章


發表於 20-5-1 18:59 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 2795


發表於 20-5-4 13:12 |顯示全部帖子
回覆 hyhyhy 的帖子

好多謝妳意見….我是太後知後覺, 發覺有問題才識上網搵有關青春期既資料, 希望個女可以察覺到我既改變啦…..

多謝妳既支持鼓勵, 我會努力!!!



大宅

積分: 2795


發表於 20-5-4 13:20 |顯示全部帖子
回覆 Hoining 的帖子

多謝妳既分享....三個仔...妳真係好利害呀.....請問妳係點捱過大仔嗰五年和二仔呢三年? 面對佢地既冷漠應如何面對? 我好水皮, 太玻璃心, 成日唸唸吓就會喊....今日同自己講要堅強, 要睇開D...但一見到個女又心痛喇.....真攞命!


禁止訪問

積分: 39090

2020勳章 畀面勳章


發表於 20-5-4 13:32 |顯示全部帖子
提示: 作者被禁止或刪除 內容自動屏蔽


複式洋房

積分: 449

2020勳章


發表於 20-5-4 13:43 |顯示全部帖子
annielui 發表於 20-5-4 13:12
回覆 hyhyhy 的帖子

好多謝妳意見….我是太後知後覺, 發覺有問題才識上網搵有關青春期既資料, 希望個女可 ...

仲算佢而家未明,佢大個回想返會明白你的苦心, 因為你係一個好媽媽,你個女好幸福


大宅

積分: 2795


發表於 20-5-4 14:32 |顯示全部帖子
回覆 Hoining 的帖子
本帖最後由 babyislove 於 20-5-5 19:06 編輯

我一個都頂唔順, 何況妳三個…我要向妳好好學習, 希望有朝一日個女都會視我為朋友, 重拾親密既感覺.....
我地媽媽級, 要一齊加油~


大宅

積分: 2795


發表於 20-5-4 14:59 |顯示全部帖子
回覆 hyhyhy 的帖子

好多謝妳鼓勵我, 這一句好媽媽.我其實都有D慚愧, 我又唔識煮飯又軟弱
….我這半年來我覺得自己好失敗, 質疑自己係咪一個好媽媽….點解個女會唔願意同我交流呢? 好多點解…..

但我而家慢慢唸通, 事情已經發生再自怨自艾都係無幫助…..我惟有做好自己既本份, 用愛去接納個女既轉變, 希望佢有一天會接納返我…..好多謝妳!!!!



複式洋房

積分: 449

2020勳章


發表於 20-5-4 16:35 |顯示全部帖子
annielui 發表於 20-5-4 14:59
回覆 hyhyhy 的帖子

好多謝妳鼓勵我, 這一句好媽媽….我其實都有D慚愧, 我又唔識煮飯又軟弱

不要緊的,我想你女女不要求一個完美的媽媽,但當她從充滿壓力的校園/社會回家時,會希望這個家可以讓她寧靜地休息,
當她有需要的時候,媽媽可以聽她傾訴,向她伸出援手。( 意思是她想獨處的時候不要打擾她,她有需要找你時,才是了解她的時機)


大宅

積分: 2795


發表於 20-5-4 21:32 |顯示全部帖子
回覆 hyhyhy 的帖子

明白,我會努力嘗試,多謝妳!!!


大宅

積分: 2055

2020勳章


發表於 20-6-16 16:06 |顯示全部帖子
放手俾佢自己學下做抉擇同負責任,幾難都要試


大宅

積分: 2795


發表於 20-6-17 12:05 |顯示全部帖子
本帖最後由 annielui 於 20-6-17 12:07 編輯

回覆 Kokomanman 的帖子

知道,謝謝妳!!!我以往係一個擔心型媽咪,好多事都為個女預備好, 我以為咁樣係好, 但原來佢地已經漸漸長大,

我既過度關注,無微照顧反而變成佢既壓力, 或令佢覺得我不信任佢, 所以我現在已儘量放手,


我以往好重視既作息時間,現在只會一句起,不會再催促. 學業方面更是全放手, 她說會自己搞掂就信任佢, 雖然都擔心, 始終由中小升英中,佢又未識管理時間,但既然佢唔需要指導又何必勉強,而且中一是可以跌的階段,可能跌一跌對佢將來更好呢!雖然一下子放手係好難, 但都要堅持!

各位媽咪加油!!! 希望我地既寶貝仔女青春期過後會成為一個更好的自己!!! 共勉之~



首頁
12345...6

尾頁

跳至
你需要登錄後才可以回帖 登入 | 註冊