吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 準備踏上新旅程！

單親天地今日: 0|主題: 18362

收藏本版

發帖

返回列表

跳至頁

查看: 5461 | 回覆: 36

準備踏上新旅程！ [複製鏈接]

happyending05

複式洋房

積分: 316

1^#

發表於 20-6-8 18:13 |只看該作者 |倒序瀏覽 |打印

本帖最後由 happyending05 於 20-6-8 21:10 編輯

感謝大家對我嘅鼓勵同支持！
唔好意思，我太耐冇上線

同大家分享好消息：
我已經搞緊離婚！上年12月開始申請法援
(本來應該快啲但因為疫情關係5月先有進展)
另外嘅係剛派左屋(體恤安置)準備去睇！！
應該年底前就可以離開個家人！
好感恩，一路以黎幫過我嘅人，佢地將我帶返人間。
其實依然迷惘，但總算見到希望嘅署光。

下文：呻下依半年黎發生咩事

(長文～～～)

0 0 0

私人傳訊

happyending05

複式洋房

積分: 316

2^#

發表於 20-6-8 18:54 |只看該作者

happyending05 發表於 20-6-8 18:13
感謝大家對我嘅鼓勵同支持！
唔好意思，我太耐冇上線
同大家分享好消息：

我已經睇透左，所以選擇用好來好去嘅態度對佢地個家人，
自從姑仔單野，大家嘅衫分開洗分開掠，幫下手做家務仁至義盡。
我同先生都妥協好離婚，
12月中我就去申請法援，
而社工亦幫我搞緊體恤安置，
社工更有親自打電話同我99講，話會盡快幫我離開，希望大家可以互相忍讓，和睦相處多一年半載。
所以去到新年大家都相處融洽。

私人傳訊

happyending05

複式洋房

積分: 316

3^#

發表於 20-6-8 19:00 |只看該作者

happyending05 發表於 20-6-8 18:54
我已經睇透左，所以選擇用好來好去嘅態度對佢地個家人，
自從姑仔單野，大家嘅衫分開洗分開掠，幫下手做家 ...

我先生上年11月尾開始返番地盤，算係一個新開始，
勤力做到1月中放新年假(即係返得個幾月)
搵返黎嘅錢有還返少少信用卡嘅錢(真係好少，好過冇)
佢自己都要還債，仲有新年要用錢，所以份糧都唔係幫得幾多。
我個人好簡單，只要你付好你嘅責任，
我就會好好地同你相處，所以依段期間我地關係和睦，
會帶bb周圍去玩，人地眼中好溫馨，不過有苦自己知啦。
最重要以bb為主，令佢感覺溫暖，有爸爸媽媽陪佢成長。所以我同老公傾好，只要你願意比贍養費養個仔，我都願意帶bb出黎同你玩比你見。
其實我仔真係好愛佢爸爸，但值唔值得愛又係一回事。
我嘅期望佢爸爸盡好父親責任就夠。

私人傳訊

happyending05

複式洋房

積分: 316

4^#

發表於 20-6-8 19:17 |只看該作者

happyending05 發表於 20-6-8 19:00
我先生上年11月尾開始返番地盤，算係一個新開始，
勤力做到1月中放新年假(即係返得個幾月)
搵返黎嘅錢有還 ...

天意就係喜歡弄人～
好好地勤力返左個幾月工，新年就爆發疫情
初七開始返工返左兩三日就停工。
62都一樣被停工，3月頭先開返工。
我老公依然冇工開。。。
佢爭我張卡2萬幾，其實話多真係唔多，有返工兩三個月都還得哂，但對於單親冇經濟收入嘅我黎講真係好多。minpay找完又返一半息。
總之又為錢頭痛，本來預算3月份就可以兩清。
但停工都冇辦法，我唯有用自己錢還住minpay先。
重點#
6299其實都知疫情問題被停工，大家都冇辦法。但係62同先生都停緊工嘅時候，佢地有意無意就會係我同我先生面前講：你幾時比家用？下個月唔比你地3個搬出去住。
依個時候叫我搬？唔諗大人都要諗下個細啦..

私人傳訊

happyending05

複式洋房

積分: 316

5^#

發表於 20-6-8 19:31 |只看該作者

happyending05 發表於 20-6-8 19:17
天意就係喜歡弄人～
好好地勤力返左個幾月工，新年就爆發疫情
初七開始返工返左兩三日就停工。

因為62都停工，日日係屋企，
而且又成日講說話我聽，聽到好唔舒服，
我唔想日日對住佢地，廢事又有爭執。
所以我寧願冒住風險都日日帶個仔出去我媽到避世。
朝早起身搞掂好，呀仔食好早餐就出門口，買餸過我媽屋企煮中午同夜晚，食完就再返屋企訓。
(我媽咪返工所以中午到夜晚8點屋企冇人)
其實每日咁樣東奔西走真係幾攰。
等到3月份中，我就勸我先生不如出去搵份工，乜都做住先，好過一蚊都冇。
佢：我有搵呀，搵到先得架，依家邊有工返？
我都吹佢唔脹嘅，但比我感覺係你冇盡過力搵，日日係屋企咁濟，又要嫌其他工人工低。

私人傳訊

happyending05

複式洋房

積分: 316

6^#

發表於 20-6-8 19:45 |只看該作者

happyending05 發表於 20-6-8 19:31
因為62都停工，日日係屋企，
而且又成日講說話我聽，聽到好唔舒服，
我唔想日日對住佢地，廢事又有爭執。

到4月頭，佢有工返喇
因為佢都爭緊財務，到期個幾月冇還，
佢問我借3000，話月尾20號出糧即刻還返比我。
初頭我唔肯，但衰心軟借左，主要見佢開返工，點都會有錢嘅...
但返唔夠一個禮拜又被停工。
我都唔知點算，我自己每月都係靠政府幾千蚊過生活，
你唔比家用我唔緊要，但唔好拖累我負債，我冇多餘錢可以負，你應承得我20號，但又比唔到。嬲到又嗌交。
最後30號佢先比返2千我。

私人傳訊

happyending05

複式洋房

積分: 316

7^#

發表於 20-6-8 19:55 |只看該作者

happyending05 發表於 20-6-8 19:45
到4月頭，佢有工返喇
因為佢都爭緊財務，到期個幾月冇還，
佢問我借3000，話月尾20號出糧即刻還返比我。

嗌交嘅時候6299就插嘴，話叫我地聽日搬出去，唔好煩住佢地，而我老公就報警，同警察講話我騷擾佢地一家人，又話我想傷害自己乜乜乜。
由於上次姑仔單野我有備案去醫院驗傷(先生陪我去)，因為咁佢地知道左我有睇精神科，而醫生問我有冇做過傷害自己嘅野，如果有要留院。
所以佢地知道左個遊戲點玩，有睇精神科自殘要困病房，會同分開bb，更可能掙唔到撫養權。
我個刻情緒真係失哂控，我仲比佢地趕左出門口，成個小丑咁抱住bb企門口喊。但我絕對清醒，冇做任何野傷害自己，因為我仲要照顧個仔，但個刻真係好恨自己冇能力做唔到任何野。

私人傳訊

happyending05

複式洋房

積分: 316

8^#

發表於 20-6-8 20:05 |只看該作者

happyending05 發表於 20-6-8 19:55
嗌交嘅時候6299就插嘴，話叫我地聽日搬出去，唔好煩住佢地，而我老公就報警，同警察講話我騷擾佢地一家人 ...

最好笑嘅係，姑仔又拍片，仲講野刺激我
話上次單嘢係我打佢，話報警都冇用，因為佢冇錯，你有病邊個信你？
然後係窗對住走廊大嗌：呢個女人有精神病架，仲有武漢肺炎架，大家小心佢呀！
咁岩就有警察行到我後面
個刻我崩潰。
之後聯絡社工跟進，佢再同99傾。

從個日起，我就做左衰人，嚴禁我仔叫佢地一家人
唔比我仔同佢地接觸。
然後我99怨我話我唔比個孫叫佢。
真係咁錫孫，會唔會係疫情時候不停叫我走。
會唔會成家人當住個孫面前咁對佢呀媽？
你地咁對我地，就預左個孫唔會認你地。
佢依家仲細未識好人壞人。

私人傳訊

happyending05

複式洋房

積分: 316

9^#

發表於 20-6-8 20:12 |只看該作者

happyending05 發表於 20-6-8 20:05
最好笑嘅係，姑仔又拍片，仲講野刺激我
話上次單嘢係我打佢，話報警都冇用，因為佢冇錯，你有病邊個信你？ ...

從前一直唔介意bb同你地相處，
即使姑仔單野，我都冇話過要離間bb同你地嘅關係
因為知道大人嘅事同小朋友無關，無謂令小朋友受罪
所以一直都比bb係屋企自由活動，我自己匿係房，需要時出去睇住佢。
但原來你地根本都唔愛佢，只係當佢一件玩具
想玩嘅時候就要，唔想玩嘅時候就88
枉我仔咁鐘意你地，一口一口一句爺爺嫲嫲姑姑

你地嘅愛真係好噁心！

私人傳訊

happyending05

複式洋房

積分: 316

10^#

發表於 20-6-8 20:24 |只看該作者

happyending05 發表於 20-6-8 20:12
從前一直唔介意bb同你地相處，
即使姑仔單野，我都冇話過要離間bb同你地嘅關係
因為知道大人嘅事同小朋友 ...

好啦，我呻完～
大概最唔開心就係依件事。
其他我都睇化左。

你問我同先生依家咩關係？
真係冇哂感覺，佢只係bb嘅爸爸。
好想快啲搬，佢還哂啲錢就大家兩清～各自各生活。
你願意照顧養呀仔，我都好開通會比個仔你見，
仲可以有Family day。
但你做唔到爸爸責任，大家就以後唔好見。

今日收到好消息話有屋睇啦
嗯～係好嘅開始。

私人傳訊

happyending05

複式洋房

積分: 316

11^#

發表於 20-6-8 21:09 |只看該作者

happyending05 發表於 20-6-8 20:24
好啦，我呻完～
大概最唔開心就係依件事。
其他我都睇化左。

本帖最後由 happyending05 於 20-6-8 21:27 編輯

希望東奔西走嘅日子快啲過～
我相信日子會越來越好

大家都努力，堅強過好每一日。

另外想同大家講嘅係，有情緒病唔可怕
為左小朋友千其唔好做令自己後悔嘅野。
(上面有提及過後果)
我都明白好難控制好難捱，我自己其實都好負面
更封閉左自己令自己冇可以傾訴嘅朋友。
不過人總要過生活，小朋友就係唯一嘅動力來源！
所以即使我幾壓抑，幾唔開心，自閉一陣又會再重新振作。

大家都要加油

私人傳訊

chupachups15

男爵府

積分: 8345

12^#

發表於 20-6-8 21:23 |只看該作者

happyending05 發表於 20-6-8 18:13
感謝大家對我嘅鼓勵同支持！
唔好意思，我太耐冇上線
同大家分享好消息：

樓主，祝福你和孩子早日安定下來，孩子健康成長！你要振作啊！

私人傳訊

happyending05

複式洋房

積分: 316

13^#

發表於 20-6-8 21:40 |只看該作者

chupachups15 發表於 20-6-8 21:23
樓主，祝福你和孩子早日安定下來，孩子健康成長！你要振作啊！

多謝你睇哂我成篇長氣文！
仲有你嘅鼓勵

我會加油

私人傳訊

WongMW2019

複式洋房

積分: 378

14^#

發表於 20-6-9 09:37 |只看該作者

你咁細個但經歷左咁好多野，我覺得你處理得好好：你知道有左，其實可以唔要個ＢＢ。。。但你決定生佢出黎，做一個媽媽，真係需要好大勇氣。你相信一生一世，只係遇唔到一個好男人，但我覺得經一事真係會長一智，你最後離婚但字裡行間我感覺到你唔恨你老公，因為佢既出現都有帶比你快樂（雖然好多事都唔開心）。好快就會離開呢個垃圾家庭，其實你見到佢地成家人，都可以借鏡。個仔係你既，你可以身教佢，令到佢成為一個你想佢成為一個點既人！（我都有２個仔，每日學習中）加油！

私人傳訊

happyending05

複式洋房

積分: 316

15^#

發表於 20-6-9 10:08 |只看該作者

WongMW2019 發表於 20-6-9 09:37
你咁細個但經歷左咁好多野，我覺得你處理得好好：你知道有左，其實可以唔要個ＢＢ。。。但你決定生佢出黎， ...

個時剛有我同老公一齊已經6,7年
真係覺得大家會繼續行落去，普普通通平凡到老。
我願意為BB做一個好媽媽，因為我本身就好鐘意小朋友。
同老公拍拖嘅日子，的確係聽到佢好有大志，
話要點樣搵錢養父母，第日有小朋友會點點點。
而之前拍拖嘅時候同佢屋企人相處得幾好，佢地對我好好，
有日大家食完飯睇電視見到蚵仔煎我講左句想食，第二日佢屋企就叫我黎食飯，佢老豆下廚煮比我食。
對於黎自單親家庭嘅我，感覺真係好溫暖，佢地屋企好熱鬧(家族好多人)，好溫馨。唔似我香港冇親戚，得呀媽同呀妹一個。
所以剛得知有左，真心相信以為大家都成年人，會識諗點計劃將來，但真係...

私人傳訊

happyending05

複式洋房

積分: 316

16^#

發表於 20-6-9 10:25 |只看該作者

happyending05 發表於 20-6-9 10:08
個時剛有我同老公一齊已經6,7年
真係覺得大家會繼續行落去，普普通通平凡到老。
我願意為BB做一個好媽媽， ...

我真係冇諗過佢會差到咁。
冇諗過做左人老豆都可以咁幼稚。
到我真係意識到自己揀錯，個肚都7,8個月大，
真係一條不歸路...我大肚個段時間真係好抑鬱
但一直以黎到依家都係自己一個面對，唔敢同朋友講，我封閉自己。
可能因為媽咪嘅諗法影響，由細到大都灌輸咩應該同人講咩唔應該同人講。
以前拍拖嗌交會同朋友呻，唔明呀媽點解咁諗。
到我有左，我真係明，我唔想個bb比人笑有咁嘅老豆，我唔想比人睇唔起我笑我。
所以真係一路以黎都係自己忍。
大肚個段時間發生好多好多野，連呀媽都唔敢講，驚佢傷心，直到生完幾個月同佢屋企人第一次嘈交，忍唔住先同呀媽講我真係好委屈...

私人傳訊

happyending05

複式洋房

積分: 316

17^#

發表於 20-6-9 10:38 |只看該作者

happyending05 發表於 20-6-9 10:25
我真係冇諗過佢會差到咁。
冇諗過做左人老豆都可以咁幼稚。
到我真係意識到自己揀錯，個肚都7,8個月大，

真係以為佢屋企人當我女..
所以我一直好乖，對佢地冇半句怨言，
大家都係咁好黎好去。
直到我生左，一切唔同哂
原來我生嘅個日，我99對我媽講我大肚成日同老公嗌交，嘈到要跳樓乜乜乜，佢話：佢地再嘈就唔係係到住啦，bb放係到我地揍。
但我媽一直冇對我講，我諗佢一定好傷心...
坐月，我99有意無意都對我媽講，個bb姓x嘅，佢係我地x家人，唔會曳嘅。
我初頭覺得係我媽咪敏感，但依家諗返好多一路以黎佢地屋企對我做嘅野。
原來我始終係一個外人，甚至嗌交佢地趕我走都大大聲話：你唔係姓x架，依到冇你份架。
仲講過好多好多好狠毒嘅說話，話我只係隻免費雞比佢仔訓。
哈

私人傳訊

happyending05

複式洋房

積分: 316

18^#

發表於 20-6-9 10:49 |只看該作者

happyending05 發表於 20-6-9 10:38
真係以為佢屋企人當我女..
所以我一直好乖，對佢地冇半句怨言，
大家都係咁好黎好去。

而當我第一次對佢屋企人反駁，
佢地就指住我話我冇良心，話我冇大冇細
我99仲即刻打電話比佢親朋戚友扮可憐
話我從前好乖講乜都聽，話而家我變晒樣，
話我覺得佢地對我唔好，乜乜乜
就係咁樣，我第一次搬去庇護中心住，一住就大半年。
老公日日求我返屋企，話佢一家人都好掛住bb
BB一歲生日 62仲叫我地返嚟食飯
我心軟返去，覺得始終係個仔嘅爺爺嫲嫲
其實我要求好簡單，只要你肯返工俾家用我就得
所以19年2月尾過完年就返左去住。
但只係一個惡性循環
以為可以改變，但佢依然要做一舊垃圾。
而佢屋企人，我都睇清哂。
本來我真係冇限制BB同佢地相處
今時今日我做惡人，一世都唔會比。

私人傳訊

happyending05

複式洋房

積分: 316

19^#

發表於 20-6-9 11:02 |只看該作者

happyending05 發表於 20-6-9 10:49
而當我第一次對佢屋企人反駁，
佢地就指住我話我冇良心，話我冇大冇細
我99仲即刻打電話比佢親朋戚友扮可 ...

完全睇清睇透。
而且依幾個月，我對另一半嘅諗法唔同左。
你話覺得我字裡行間唔恨我老公
唔係我唔恨，係恨黎都冇用，
因為大家唔會再有可能
我都唔想再為佢牽動我情緒
除左錢銀瓜葛，會令我同佢嘈
依家都係同佢好黎好去相處
佢對bb唔差，係衰在經濟上冇責任感
而我仔都好愛佢，依家都仲會family day
去沙灘，去媽媽gp聚會(大家以為我地好幸福)
我同老公講，如果你想keep住咁樣，
請做好你父親責任，唔好令你仔枉叫你一聲嗲哋。
我諗法好簡單，大家分開，但依然係小朋友父母。
我想我仔有爸爸媽媽錫，所以唔會自私要佢冇爸爸，前題我老公要做好佢嘅責任就夠。
唔恨係假，只係知道恨都冇用