產前產後

跳至

首頁
1

尾頁
   0


民房

積分: 24


發表於 20-6-24 10:26 |顯示全部帖子
唔好意思,有啲長,但我真係揾唔到人同我傾😭我前年已經流產過一次。最近一次係上年年尾,bb無長大,當時10週,需要藥流。因為有醫生紙同老闆傾好可以比我休息2個幾星期。呢件事都有幾個比較熟同年級大既同事知道。開頭兩個月都係傷心,但仍然覺得自己ok既,我都可以同朋友傾訴到。我老闆都係懷孕中,早我2個月,所以我以為佢會明白我嘅感受。但3月開始,佢個肚都大,開始少番工。點知每次一番黎就叫人睇下佢個肚(特登企係度逼你望)問你覺得大唔大,好唔好睇,問你家人懷孕時個月係米咁。(利申,佢唔係第一胎)。我以為佢只係開心得滯想揾人分享下,我回應下就完結。點知佢每星期都番黎一次,每次唔係叫人睇佢個肚,就話啲bb野用完唔要比我,又話等佢個bb大,我先有都未遲。我婉拒佢又追問我,如果佢唔係我老闆,我真係想鬧佢。最過份一次,佢不停咁話自己影左好靚既孕影,我禮貌上回應左(好冷淡),點知佢原來好想拎岀黎同我開心share,我果下真係忍唔住,直接無視佢同另一同事講野。到佢生左之後,我諗住佢終於都唔會再挑起我啲唔開心野,但原來唔係。到我有公事搵佢,佢就將佢個whatsapp轉做孕照,連續幾日都係我一揾佢,佢就轉icon,其實真係好難睇唔到。成家人番公司又拜神又派紅雞蛋薑醋都派2次。尋日我有個朋友係個whatsapp group度分享喜訊,我發覺自己真係未好番,明明好想恭喜佢,但唔開心掩蓋一切,每次我好少少就有野會刺激到我,我真係好想快啲可以放低。c6已經覺得我好麻煩,唔想再理我,我都唔展望佢可以安撫到我。都有給經歷過既jm你地係點樣重新挀作架?


複式洋房

積分: 133


發表於 20-6-24 12:16 |顯示全部帖子
Kat_1349 發表於 20-6-24 10:26
唔好意思,有啲長,但我真係揾唔到人同我傾😭我前年已經流產過一次。最近一次係上年年尾,bb無長大 ...

試過2次?冇冇搵醫生做個詳細檢查對症下藥先?


民房

積分: 24


發表於 20-6-24 13:53 |顯示全部帖子
回覆 Kailey112020 的帖子

有排政府的慣性流產科,下年年尾先有得睇,私家建議做ivf,但同c6傾唔掂數


大宅

積分: 1270


發表於 20-7-2 04:01 |顯示全部帖子
Kat_1349 發表於 20-6-24 10:26
唔好意思,有啲長,但我真係揾唔到人同我傾😭我前年已經流產過一次。最近一次係上年年尾,bb無長大 ...

有d人係咁衰格,不過把口生喺人地度,點阻都阻唔到,果個仲要係你老細,只能夠講為著份工的話只好忍下,有d人明知講完比對方聽之後果個人唔開心,就偏要講多d,相反你笑住面對,佢搞唔到你就無癮

有啲野係針唔吉到肉唔知痛嘛,多d揾信任嘅朋友傾吓,或者做吓運動出身汗舒發吓就可以瞓個好覺,無壓力下再陀b對bb同媽媽都會好d架

你老公應該係覺得開解完你,你都唔聽,覺得你鑽牛角尖,男人唔會明白,女人只想講吓發洩下,所以想揾人傾時,你可以喺網上或者同朋友傾就最好



大宅

積分: 1163


發表於 20-7-3 04:03 |顯示全部帖子
放鬆,做下運動,睇下d開心影片,或者唔到下次檢查你已經有bb


洋房

積分: 86


發表於 20-7-3 13:58 |顯示全部帖子
我半年流左兩次,大壓力之如成日都好驚下一個都係咁,一齊加油!


民房

積分: 10


發表於 20-7-5 12:35 |顯示全部帖子
回覆 Kat_1349 的帖子

我都係過來人,我2015及上年年中都流產兩次,又係去到八週尾冇咗心跳,但2015嗰次都唔夠上年嗰次hurt,咁啱上年流產後,咁啱開ig又見到兩個朋友有咗,而我99(佢當時都知我啱啱做完吸宮),就同我講c6阿嫂有咗三個月,我到而家仲好記得佢嗰吓笑聲,我逃避咗好耐唔見佢哋,直至佢阿嫂bb出咗世,逼於無耐要浦頭,望住佢個仔,我又諗起自己個b都差不多月份出世,阿99仲要成日whats app叫我哋出席佢個孫嘅滿月啊100日啊,叫我哋上去睇佢個孫,呢d真係有苦自己知!不過真係要少少時間,我都係新年後先有少少痳目了,每次出去食飯如果見佢個b冇喊就抖吓佢玩囉,如果佢個b心情不好,就繼續食飯咁囉。另外呢你最好驗清楚您兩自身有冇問題,先再有bb好d,好似我咁,第二次流產後,係私家驗咗原來我自身染色體有d異常,同埋我當時已經39,咁私家建議我唔好再試自然,直接做ivf,佢亦寫咗紙比我去政府做ivf,7月遞紙上qm,8月又咁好彩比我失驚無神排到公家症,咁九月就開咗針,抽咗十粒,最後得一粒過到pgt,今年四月放咗胎,touch wood講句,而家都暫時仲ok,所以如果您同您先生都好鐘意小朋友嘅話,就真係好好再傾吓,無謂再盲中中用自己身體嚟試,傷身又傷心,仲有其實您而家最好好好調理身體,為下一次做準備


別墅

積分: 525


發表於 20-7-8 18:10 |顯示全部帖子
放鬆d呀jm,有唔開心要講出黎,唔係屈係心度,加油!


複式洋房

積分: 174


發表於 20-7-9 12:27 |顯示全部帖子
回覆 Kat_1349 的帖子

完全明白吖其實講到尾都要靠自己調節心態
同埋點樣去舒發內心嘅唔開心
如果當下真係忍唔到
大哭一場都係其中一個岀口
唔好覺得自己好差喺人面前喊好樣衰
其實都係情感發洩一種
可能上司會因為咁而收斂
好好養好身子
唔好怕
寶寶要黎就檔都檔唔住
加油

首頁
1

尾頁

跳至
你需要登錄後才可以回帖 登入 | 註冊