夫婦情感 今日: 11 | 主題: 42421

積分: 351

1^#

發表於 20-7-1 23:10 |只看該作者 |倒序瀏覽 |打印

想問大家有冇試過為咗管教方式而鬧交。

我本身係爸爸, 教仔有時會大聲鬧阿仔, 但老婆好鍾意呢個時候幫個仔。每次咁樣我都好唔開心,令我好氣餒，我亦都相信時日一來，阿仔亦都唔會再聽我教。

想虛心問下大家有冇遇過呢個情況，你哋又會點做？

0 0 0

私人傳訊

Cqy00

大宅

積分: 2375

2^#

發表於 20-7-1 23:15 |只看該作者

sunbath 發表於 20-7-1 23:10
想問大家有冇試過為咗管教方式而鬧交。

我本身係爸爸, 教仔有時會大聲鬧阿仔, 但老婆好鍾意呢個時候幫個仔 ...

一方教仔，另一方吾可以插咀

就算覺得對方鬧得吾啱，甚至過火，都等細路訓晒覺，兩公婆平心靜氣傾，傾下次點處理

私人傳訊

積分: 351

3^#

發表於 20-7-1 23:25 |只看該作者

Cqy00 發表於 20-7-1 23:15
一方教仔，另一方吾可以插咀

就算覺得對方鬧得吾啱，甚至過火，都等細路訓晒覺，兩公婆平心靜氣傾，傾下 ...

多謝你回覆,其實同太太講過呢個方向,但佢似乎唔多理或者明白。

老實講,再係咁,衰人我做哂,但最慘係冇成效。令人好氣餒

私人傳訊

積分: 11243

4^#

發表於 20-7-1 23:56 |只看該作者

不如你同你太太大家坦白啲講一下遇到呢啲情形，大家應該點樣處理先！

不過我又好想同你講，如果你係為咗教嘅就唔應該大聲鬧佢哋！因為你係想教佢，而唔係為發洩情緒！
喺呢個時候如果你只係鬧佢，小朋友領悟不到你教緊佢啲乜，因為佢哋當時係在恐懼狀態下！

到佢地青春期嘅時候，就會用返畀呢個方式同你做對抗！如果你小朋友仲係細個，應該好好建立親同佢哋嘅關係，鬧呢種方式對現在嘅小朋友嚟講唔係一個好方法！
唔知道你在甚麼情況下鬧？係教功課？係佢態度唔好？或者其他原因？其實可以事先同佢講清楚個規定，佢真係做唔到嘅，你可以收起佢一啲最喜歡嘅嘢，等佢態度改變之後才再畀番佢！當然每個階段年齡嘅小朋友處理方法都唔一樣，得閒可以去圖書館借啲書睇下！

私人傳訊

積分: 11243

5^#

發表於 20-7-2 00:02 |只看該作者

如果係因為學習上嘅問題，樓主你又要搞清楚究竟會唔會有其他原因，好似我仔有過度活躍同亞氏保加，佢喺學校根本上完堂等於冇上堂，明白咗呢個原因，我就會每天都等他放學回家重新再教！

如果係態度問題，你又要諗下佢呢啲態度最大機會係喺邊度學返嚟，然後再同佢更正！

正如你覺得佢唔啱，你就鬧佢！咁如果佢覺得人哋唔啱，佢咪一樣以鬧嘅方式來處理囉！

簡單嚟講無論發生任何令你嬲嘅事，最緊要係搵到個原因先再去解決！

私人傳訊

積分: 351

6^#

發表於 20-7-2 06:49 |只看該作者

wingyaumama 發表於 20-7-1 23:56
不如你同你太太大家坦白啲講一下遇到呢啲情形，大家應該點樣處理先！

不過我又好想同你講，如果你係為咗教 ...

wingyaumama, 多謝你回覆。

我多數鬧都係小朋友做錯嘢,例如整污糟地方或者唔肯聽指令。

我會借d書睇下, 補足下自己這方面的方法。

私人傳訊

Belavizio

男爵府

積分: 7892

7^#

發表於 20-7-2 07:19 |只看該作者

敎育小朋友，係好段練父母嘅忍耐力。唔同階段的小朋友，專注力都唔同，父母在小朋友學習上難免有磨擦。

樓主無提小朋友年紀，我自己會用鼓勵方式訓練小朋友。

其實就算鬧，都有技巧的，你蹲低跟小朋友眼對眼成平衡線，聲線要平穩，用詞要簡單易明，指出錯誤地方。如果佢改正好，要讃賞及鼓勵。

太太在你管敎小朋友時插咀，都有不妥當，同太太傾下，揾個共識。

私人傳訊

積分: 351

8^#

發表於 20-7-2 07:26 |只看該作者

Belavizio 發表於 20-7-2 07:19
敎育小朋友，係好段練父母嘅忍耐力。唔同階段的小朋友，專注力都唔同，父母在小朋友學習上難免有磨擦。

樓 ...

多謝你回覆, Belavizio。

小朋友宜家四歲多,的確教養小朋友對父母係好大嘅磨練。

我小朋友學習上專注力冇乜問題,主要問題係食飯同聽從指令。

食飯鍾意落地玩,太太會跟住餵,之前已經同太太講過長此下去唔係辨法。

聽從指令方面, 小朋友通常聽到唔會即刻做,會拖延。好頭痛。

私人傳訊

Belavizio

男爵府

積分: 7892

9^#

發表於 20-7-2 07:57 |只看該作者

本帖最後由 Belavizio 於 20-7-2 07:58 編輯

sunbath 發表於 20-7-2 07:26
多謝你回覆, Belavizio。

小朋友宜家四歲多,的確教養小朋友對父母係好大嘅磨練。

四歲小朋友，專注力大概20鐘左右咋。

我都唔建議追食飯，要同小朋友講食飯完先可以落地玩，錯過咗就要下一餐先有得食，中途佢話肚餓唔可以比小食，免得佢以為總會有嘢食，之前的指示就白費。

家長可能會唔忍心會餓親，但依家嘅小朋友，營養係好夠，只要訓練佢每餐留枱進餐時間漸漸增長，問題不大。希望幫到你。

私人傳訊

積分: 11243

10^#

發表於 20-7-2 09:06 |只看該作者

很久以前明珠台有一節目講述一位教小朋友嘅專家，到有小朋友有問題嘅家中作客，及教導家長如何處理小朋友的問題！

最衰我唔記得咗個節目名稱，但係我覺得好啱用，唔知有冇其他人可以幫到你！

私人傳訊

積分: 11243

11^#

發表於 20-7-2 09:12 |只看該作者

本帖最後由 wingyaumama 於 20-7-2 09:26 編輯

坦白講，你太太追飯餵食，我就唔贊成啦！通常我會擺個鐘喺小朋友面前，講明長針到邊個數目字，我就會收碗筷！但家長一定要狠下心，講得出做得到(這點很重要，同時其他人要配合)！下餐之前只可以畀啲生果，小食就免，要狠下心讓他知道肚餓的滋味，試多幾次佢就會明白！

如果佢曳你要罰佢，必定要講原因，而非鬧！相對，如佢做到你想佢做的事或做對的事，你要好具體講明讚佢嘅原因！
例如：你今日好主動將啲玩具放返落玩具箱，我非常之欣賞你！跟住可以畀個擁抱佢！但千祈唔好就只話你好乖喎，咁樣佢係唔明白自己被讚賞嘅地方喺邊！

要改變太太，首先你改變一下自己教導子女嘅方法先，相信這樣你太太會較明白你的用心！

私人傳訊

CCHINGC

積分: 10431

12^#

發表於 20-7-2 09:16 |只看該作者

恕我直言，你地夫婦倆教養方法都出左問題，你大聲鬧阿仔，日子耐左，根本唔會有任何作用，親子關係只會越來越差，太太追食飯，日子耐左，小朋友唔會認為食飯係佢自己嘅事，建議本書俾你地睇：解決日常教養問題1001種方法，入面除左講到父母教養應有態度，仲會教你好實在方法，遇到小孩唔同問題，父母可以點幫佢地

私人傳訊

積分: 11243

13^#

發表於 20-7-2 09:21 |只看該作者

追飯餵，通常得兩個原因！

第一，怕小孩子挨餓！
第二，家務太繁重，想快快趣趣讓小朋友吃完飯去處理！

如果係第一，就試用我上面嘅方法！
如果係第二，你就要考慮一下是否需要幫輕家中的家務！

私人傳訊

小菜豆

侯爵府

積分: 23831

2024年龍年勳章

14^#

發表於 20-7-2 09:25 |只看該作者

本帖最後由小菜豆於 20-7-2 09:40 編輯

sunbath 發表於 20-7-2 07:26
多謝你回覆, Belavizio。

小朋友宜家四歲多,的確教養小朋友對父母係好大嘅磨練。

我仔都係4歲有多, 父母角色大槪同你們差不多, 爸爸鬧得多D, 有時打
我不會阻止, 因為這是父子相處方式,做母親就算幾了解子女都好, 都不會明白男生特性
我仔好自我, 偏偏對爸爸又愛又畏懼, 暫時我認同爸爸係治到呢個自我男孩。
作為母親個仔每次被打, 感受仲痛過自己, 因為母親經歷十月懷胎係肉赤唔捨得打...
試下了解太太育兒想法。
除咗追住餵飯, 你太太是否過份保護小朋友?太縱佢?所以雙方管教理念唔一致?餵飯係唔好, 但不要太執著, 有些小朋友對食興趣不大, 我仔都係。試過餓佢都唔食。
要餵要氹。但我仔冇需要追住餵。自小培養食飯要坐定定, 食飽才離開坐位。
相信小朋友再大D要飲食自主時, 佢地就會自己食而主動拒絕被餵食。唔洗擔心變港孩。
我小時候都係媽咪餵大, 咪一樣大大下自己食唔洗餵。
試過因為DADDY打小兒而當面同DADDY爭執, 結果個仔當下情緒好大喊得勁過被DADDY打,
因為小朋友渴望父母同在和陪伴, 但唔想見到因父母吵鬧而毀滅了他的安全感。

私人傳訊

積分: 351

15^#

發表於 20-7-2 09:39 |只看該作者

CCHINGC 發表於 20-7-2 09:16
恕我直言，你地夫婦倆教養方法都出左問題，你大聲鬧阿仔，日子耐左，根本唔會有任何作用，親子關係只會越來 ...

多謝你，CCHINGC。我都覺得我哋出現問題,所以上嚟請教大家。我都正在反省一下自己嘅方法,只係心中有所懷疑。

多謝你提供嘅書本,會參考一下。

私人傳訊

積分: 351

16^#

發表於 20-7-2 09:46 |只看該作者

小菜豆發表於 20-7-2 09:25
我仔都係4歲有多, 父母角色大槪同你們差不多, 爸爸鬧得多D, 有時打
我不會阻止, 因為這是父子相處方式,做 ...

多謝你,小菜豆。

太太未至於縱容小朋友,我暫時覺得問題出現係我同太太身上,我哋係某d教養方法同小朋友問題上有所唔同。

我唸我要沉澱一下,思考一下如何處理。

你哋都好好,比咗好多建議同書本參考。

其實你哋通常點樣同太太或丈夫溝通同分擔教養方法?

私人傳訊