夫婦情感

跳至

首頁
23456...13

尾頁
   29


大宅

積分: 2820

2021勳章


發表於 20-8-30 19:04 |顯示全部帖子
本帖最後由 CoiCoi 於 20-8-30 21:17 編輯
chubett 發表於 20-8-30 13:24
可唔可分享多d分居左一個月之後點樣關系好返?

如果唔介紹故事長篇我大概可以講下⋯

本身我話我搵地方搬,佢話不如大家冷靜下佢租住朋友間屋住,但其實佢間中係我返工時間都借意返黎執野又寫信又做返以前從來唔做既家務,又話住唔慣想返黎,過程都幾個月。咁其實我諗諗下都想搵地方搬走,一來我唔想佢再煩到朋友,二來我真係想試下自己生活,咁中途出現有位以前識落既朋友問我同唔同佢一齊,佢想我不如簽紙同佢一齊,我話俾我考慮一下⋯

咁個段時間個位朋友都似我男朋友咁照顧我,話幫我手搬屋同執野,我自己去搵地產搵樓睇,再同我老公講我會搬走同搬返我買既所有野,因為當年買樓我老公話佢買佢供,咁我話我負責裝修同買傢俬電器,個刻我係間屋度行落返所有既野好感慨,而家講起都有D眼濕濕除左諗起當年同佢好開心咁諗屋企裝修,當年係買新樓,得閒就會揸車去睇佢起成點,好期待呢個家,所有回憶,到我幻想我搬走所有既野,得返一個空空既家,空空既廚房,感覺真係好唏噓,我諗緊係咪無彎轉,我係咪要去親手破壞一切,簽紙同另一位一齊,覺得我咁跟人走點睇我⋯ 呢番話我同返我老公講,佢有問我乜唔係諗住跟佢一齊,佢話拎走所有野唔緊要,最慘係拎走埋你,所以我最後留返低,我話睇黎我心仲未捨得走,未緣盡,不如再嘗試磨合一下,真係有日死心我就唔再回頭。

其實仲有插曲係,佢好緊張話不如去買過對婚戒重頭開始,個個星期就去訂左又拉左我去做埋和合,暫時差不多一年,都有改善左,我亦無再屈就自己,唔再每樣野都就晒佢,唔鍾意出聲同黑面唔再吞左當無野,俾返D家務佢做,學做港女


複式洋房

積分: 102


發表於 20-8-30 21:22 |顯示全部帖子
CoiCoi 發表於 20-8-30 19:04
如果唔介紹故事長篇我大概可以講下⋯

本身我話我搵地方搬,佢話不如大家冷靜下佢租住朋友間屋住,但其實 ...

我諗有時做到太好反而男人係唔會珍惜

到無左先識珍惜

重點係你有第二個選擇時

佢地咪緊張囉


複式洋房

積分: 102


發表於 20-8-30 21:22 |顯示全部帖子
CoiCoi 發表於 20-8-30 19:04
如果唔介紹故事長篇我大概可以講下⋯

本身我話我搵地方搬,佢話不如大家冷靜下佢租住朋友間屋住,但其實 ...

咁一開始係咩事分居

有無小朋友?


大宅

積分: 2820

2021勳章


發表於 20-8-30 22:08 |顯示全部帖子
chubett 發表於 20-8-30 21:22
我諗有時做到太好反而男人係唔會珍惜

到無左先識珍惜

係,條件仲明顯再俾佢好,所以佢話初初打定輸數我跟佢走,以前我真係覺得為佢付出太多,所以直到我覺得自己開始變透明,佢每星期兩三日佢都打機打得夜,我返工早起我自己訓,自己睇電視,睇電話,好多好多生活中既事忍耐太久,我情緒一次過爆發,不停喊,所以提出分居,但最後都叫大家俾一個機會大家再重新開始,而家我無咁在乎佢,感覺舒服好多


大宅

積分: 2820

2021勳章


發表於 20-8-30 22:22 |顯示全部帖子
本帖最後由 CoiCoi 於 20-8-30 22:30 編輯
chubett 發表於 20-8-30 21:22
咁一開始係咩事分居

有無小朋友?

因為本身我基因有問題同好耐之前我有過一個小朋友無要,所以我地都決定唔要小朋友,我同老公本身性格好似,但婚後我覺得大家有改善左既,不過我好多野都忍左,家務我做開,佢唔主動幫都係我自己做,佢制係倒下垃圾,洗碗假日煮飯,有時連抹天花吊燈都係我抹。

我以前時間觀念比較差,但同佢一齊好左,因為佢成日都會打黎吹我,到後期就算約左佢拍拖食飯,唔趕既,但可能之前約左朋友睇衫,去做facial遲左,一收到佢電話就會好驚好緊張連單都唔拎就走,我朋友形容我好似變左另一個人咁樣神經衰弱,我就開始知自己出現問題。

之前又因為政見問題,同埋我覺得佢好少send msg我,多數我收到回覆係ok, 好, 我回家了,再之前唔係我提出叫佢返黎屋企前問下我係邊,順路車埋我或姐出門口問我去邊車埋我,好奇怪佢唔會主動問,其實我本身有車牌,曾經因為呢樣野我直頭想買返車揸唔使佢。有時我同我媽出街佢又唔會send msg,佢有時會揸佢另外一架係電單車出去又唔講低,問佢點解唔講低聲,佢話佢都係係附近揸郁一郁架車,話返我點解唔主動send msg佢呢,愈黎愈心淡,所以男人係到真係失去至會回頭,我都有講如果我只係同佢拍拖,我已經走左唔會回頭,唯一好係節日佢會book定檯訂定花,咁個日我至發現我自己存在


子爵府

積分: 11874


發表於 20-8-30 22:59 |顯示全部帖子
season2525bb 發表於 20-8-24 10:09
佢係覺得 我覺得有問題果的 佢覺得無問題..
我諗 去沙灘玩 佢話個仔會曬黑 同好熱
去行山 佢又怕累 又熱 ...

me too.問佢乜只答嗯,多句都冇,想講多2句咀臉已黑好似話你烦。
同佢講有佢自己的興趣之馀都要理下小朋友。同d囝囡冇溝通,只做个負责俾錢的老豆係有問題,佢吾like又開始大家嘈。
咁樣我都吾知点同佢生活!


複式洋房

積分: 102


發表於 20-8-31 00:13 |顯示全部帖子
CoiCoi 發表於 20-8-30 22:22
因為本身我基因有問題同好耐之前我有過一個小朋友無要,所以我地都決定唔要小朋友,我同老公本身性格好似 ...

同我現在情況好似
唯一唔同係我有一個bb女



大宅

積分: 2820

2021勳章


發表於 20-8-31 00:26 |顯示全部帖子
chubett 發表於 20-8-31 00:13
同我現在情況好似
唯一唔同係我有一個bb女

有小朋友做法唔同啊,我無小朋友計劃任何野都較易,當時我都有睇過離婚點做,只係要搞資產分配,同上律師樓簽紙,分居一年就可以。其實之前有一刻都諗過想要小朋友,但一來自己問題盡量唔想要下代,二代對方真係令我好放心做爸爸我至會為生小朋友,咪辛苦只有自己。

但你地有無傾過呢個問題?因為之前我有提出過佢又會話返點解我唔做主動,我話為左屋企我少左約朋友。點知佢唔知我為左屋企咁做不特止仲話唔想我無晒朋友無叫我唔約朋友,吹脹。我講完換來都係無奈,佢唔當我認真我就提出分居,因為本身我性格比較任性,想做就做,我無小朋友又有自己工作,只係我怕我媽佢地擔心我年紀開始大未必易遇到另一個岩既人照顧我,咪我覺得有時唔使佢我一樣生活到,其實件事上都係因為佢仲有愛,咪都係差一步大家就bye bye。最緊要大家仲有心去維繫,有不滿就提出,咪遲左其中一方死左心,點救都救唔到架


大宅

積分: 3206


發表於 20-9-1 04:11 |顯示全部帖子
我都係,可能年紀大左冇左愛既感覺


大宅

積分: 2807

2021勳章


發表於 20-9-5 11:02 |顯示全部帖子
回覆 season2525bb 的帖子

同是天涯淪落人從未諗過原有人咁似我⋯⋯⋯⋯⋯唉


伯爵府

積分: 16563

牛年勳章 2021勳章


發表於 20-9-5 15:53 |顯示全部帖子
season2525bb 發表於 20-8-25 02:01
唉..其實都係唔捨得個小朋友同想俾個完整家庭佢..所以先會一直忍

我都係,明明偽單親,佢從來唔會同我地出去玩,就算一家人出去食飯都冇。但偏偏個仔好痴佢,好鐘意爸爸。如果仔唔痴佢,兩個感情淡既話,我會揀同個仔兩個人生活算。

現在我們的關係就是那麼近,這麼遠。跟他一起差不多30年,偏偏兩個人生活在同一屋子裡,但又那麼疏離。有時候好想有一個擁抱,但等不到。
Nothing is prefect in this world. We all are perfectly imperfect.


大宅

積分: 4024

2021勳章


發表於 20-9-5 17:41 |顯示全部帖子
本帖最後由 beebee67890 於 20-9-5 17:51 編輯

回覆 Yusum 的帖子

我都係,有時同佢講嘢佢冇乜反應我會叫佢食屎,起腳踢佢,玩嗰隻唔係好大力,平時稱呼會叫佢全名、老公公、臭八公、死八公等等……,佢行過非禮下佢,有時又會無端端讚下佢,佢答我嘢唔係我想要嘅反應,我會講明佢要畀咩反應,要佢再做過返應,當然氣氛係和諧,同唔好喺佢好攰心情唔好嘅時候咁做啦,另外有時佢攰嘅時候,又會扮下關心佢幫佢按下腳鏈下膊頭咁,日常多啲互動慢慢慣咗感覺氣氛會好啲


男爵府

積分: 5255

2021勳章


發表於 20-9-5 20:35 |顯示全部帖子
Yusum 發表於 20-8-24 10:46
本帖最後由 Yusum 於 20-8-24 10:48 編輯

其實你有無唸過轉個形式去問?

一d都唔好笑
如果本身對人感覺負面
應該會會更加煩厭


洋房

積分: 83


發表於 20-9-6 01:29 |顯示全部帖子
season2525bb 發表於 20-8-24 10:03
我有做過架 但我無論同佢講咩 佢都係答我 嗯~
再加上 我真係搵唔到同佢有咩共同話題..
真係有種 最熟悉的 ...

完全明白你,對住佢都覺得辛苦,有時諗系咪自己應該主動d,但問题系佢唔會變,唔覺得咁嘅婚姻有問题,咁我做咩要主動,有時真系好想離婚,可能佢無錯,只系沒有找到對的人…無奈,小朋友細.


複式洋房

積分: 204


發表於 20-9-6 05:22 |顯示全部帖子
season2525bb 發表於 20-8-24 10:09
佢係覺得 我覺得有問題果的 佢覺得無問題..
我諗 去沙灘玩 佢話個仔會曬黑 同好熱
去行山 佢又怕累 又熱 ...

你老公同我老公好相似⋯⋯都係咁


複式洋房

積分: 127

2021勳章


發表於 20-9-6 15:07 |顯示全部帖子
season2525bb 發表於 20-8-22 13:49
拍拖到生小朋友已經都11年
由以前日日Whatsapp
到依家一日10個都無 亦唔知道可以講的咩..

搭伙的婚姻 ..... 有時我都會咁諗


翡翠宮

積分: 88683

2021勳章


發表於 20-9-14 19:32 |顯示全部帖子
season2525bb 發表於 20-8-22 13:49
拍拖到生小朋友已經都11年
由以前日日Whatsapp
到依家一日10個都無 亦唔知道可以講的咩..

我同老公都冇點whtapp


男爵府

積分: 6335

2021勳章


發表於 20-9-14 21:23 |顯示全部帖子
season2525bb 發表於 20-8-22 13:49
拍拖到生小朋友已經都11年
由以前日日Whatsapp
到依家一日10個都無 亦唔知道可以講的咩..

睇到你嘅標題連內容,有種想喊嘅感覺。大家嘅關係越來越疏離,我focus家庭生活,但另一半仲好想有激情。呢種感覺我比唔到佢... 彷彿呢10年淨係得我成熟咗咁,而佢一直都仲停留喺廿歲日日去玩嘅日子。。


大宅

積分: 1609


發表於 20-9-16 22:58 |顯示全部帖子
199707100304 發表於 20-9-5 15:53
我都係,明明偽單親,佢從來唔會同我地出去玩,就算一家人出去食飯都冇。但偏偏個仔好痴佢,好鐘意爸爸。 ...

雖然我無你同c6噤耐,但感覺一樣。好孤單, 好想有愛。


大宅

積分: 1801


發表於 20-9-16 23:32 |顯示全部帖子
BK惡霸 發表於 20-9-6 01:29
完全明白你,對住佢都覺得辛苦,有時諗系咪自己應該主動d,但問题系佢唔會變,唔覺得咁嘅婚姻有問题,咁我 ...

係, 有時真係會諗最初點解會同呢個人結婚,唔通真係愛情係盲目嘅?



首頁
23456...13

尾頁

跳至
熱門主題
婚外情 ... 2 3 4 5 6 .. 8
你需要登錄後才可以回帖 登入 | 註冊