夫婦情感 今日: 2 | 主題: 42426

積分: 1871

1^#

發表於 20-9-27 12:36 |只看該作者 |倒序瀏覽 |打印

近幾年，我開始對自己的天真感到後悔。我跟老公結婚17年，仔都升中一了。拍拖未滿3個月，他已捉我行婚紗展，當年我自己得2X歲。識佢時覺得大家既共同興趣都係做義工，而且佢好孝順老人家。拍左半年拖已答應佢結婚，拍拖未夠1年，佢因工作壓力長期失眠，而有抑鬱症，好後尾我先知佢呢次係抑鬱症復發。

我天真地以為佢對我對家人好就得，佢訓唔到覺都唔影響我。但咁多年黎，抑鬱症除左失眠外，有焦慮症，嘈鬱症，但幸好都未有出手打我同阿囝。

阿囝出世頭6年，佢拼命工作，無理過我地。我都同朋友親戚笑說，我係單親家庭。

0 0 0

私人傳訊

積分: 1871

2^#

發表於 20-9-27 12:38 |只看該作者

Blue_Blue 發表於 20-9-27 12:36
近幾年，我開始對自己的天真感到後悔。我跟老公結婚17年，仔都升中一了。拍拖未滿3個月，他已捉我行婚紗展 ...

8年前意外有左第2個B，佢話佢想自殺，咁我迫住落左個B。個時我心好痛，我跟佢冷戰左1年多，亦有談及離婚，但佢話想睇住阿囝大，叫我比D時間佢。直至有一次佢係街暈左入院。係佢無家人理佢之下，和阿囝份上，我原諒左佢。自此佢理屋企多咗，同阿囝玩多左又對阿仔嚴左。

朋友和社工都覺得阿囝好乖好生性，但我先生郁啲就鬧佢，我好心痛阿囝。而且佢又會話佢跳樓係阿囝迫佢。我唔想呢D負面情緒再帶比阿囝同我。加上佢每次一失控，在家大叫大哭，又暈，我真的越來越心寒。

私人傳訊

積分: 1871

3^#

發表於 20-9-27 12:39 |只看該作者

Blue_Blue 發表於 20-9-27 12:38
8年前意外有左第2個B，佢話佢想自殺，咁我迫住落左個B。個時我心好痛，我跟佢冷戰左1年多，亦有談及離婚， ...

我先生亦好易受身邊既人影響，我親戚過身，佢朋友媽媽過身，佢同事有癌症等等，佢都會Down左落黎。情緒一Down，佢就好易比阿囝激親。阿囝一做唔到佢要求，佢就駡。

最近一次，我們又為咗阿囝而嘈，佢每次喊時都會數我的不是，講自己有幾可憐。但佢無諗過佢自己早午餐食麥皮係因為醫生要佢要控制體重，咁佢選擇食麥皮（佢話節省時間又方便）。佢賴左我大洗，阿囝洗佢好多錢補習。佢可以好幾年都唔買衫，係因為我公司有貨板取，但佢話佢要慳錢，佢比同事笑佢D恤衫一係直條一係格仔。每次佢D朋友都會打比我問我地係咪等錢洗。

私人傳訊

積分: 1871

4^#

發表於 20-9-27 12:41 |只看該作者

Blue_Blue 發表於 20-9-27 12:39
我先生亦好易受身邊既人影響，我親戚過身，佢朋友媽媽過身，佢同事有癌症等等，佢都會Down左落黎。情緒一D ...

當然唔係佢咁講，我父母借錢我地買樓，我父母幫我湊仔，食飯又係父母家。根本唔係佢所講咁。而且我有收入。佢又不滿我加保（保險是我一出來工作已買的）和轉工，我加保，係因為佢唔能夠比保障我同阿囝，我唔想我死後，佢地無左保障。加上我老公身體有其他病係買唔到保險。

相反，老公屋企人從來冇support過我哋，奶奶話佢有7個囝囡，唔理得咁多。老公個家姐話，佢都唔聽人講，有自己個套，極之固執，所以佢地無人會同我老公講佢的不是。當年老公抑鬱症復發，佢自己一個人住，佢屋企人無人睇過佢。佢阿媽只會拜神，求符水比佢飲。

私人傳訊

積分: 1871

5^#

發表於 20-9-27 12:42 |只看該作者

Blue_Blue 發表於 20-9-27 12:41
當然唔係佢咁講，我父母借錢我地買樓，我父母幫我湊仔，食飯又係父母家。根本唔係佢所講咁。而且我有收入 ...

個刻，雖然佢求婚成功，其實我都有猶豫嫁唔嫁佢。但我唔嫁佢，佢好似無人理，我又唔忍心，所以我話我真系好天真。

最近個次佢大叫大喊，數我不是。我除了感到心寒，還感到他眼神好凶，我怕佢會捉我個仔跳樓。因為佢成日覺得我同佢嘈，都系阿囝影響。佢話阿囝專登挑釁佢。

個次之後，佢為咗同我和好，佢願意一齊見心理學家。依家佢同阿仔關係好好。但我自己真系返唔到去從前，我好想離開。但我又必須要顧及阿仔嘅心情。社工都唔建议我话分就分，因為驚我先生尋死。

私人傳訊

積分: 1871

6^#

發表於 20-9-27 12:42 |只看該作者

Blue_Blue 發表於 20-9-27 12:42
個刻，雖然佢求婚成功，其實我都有猶豫嫁唔嫁佢。但我唔嫁佢，佢好似無人理，我又唔忍心，所以我話我真系 ...

我呢排成日自己入左房，阿囝係廳同我先生睇電視或打機。我先生都可以嘈，話我地孤立佢，當佢透明。阿囝都識得講，媽媽無呀！媽媽煮野都煮埋爸爸個份。

好煩，其實佢比我靜靜地，我可以唔急住離婚。但佢要求我回復當初，我就真的做唔到。

我都唔知條路可以再點行...

私人傳訊

Belavizio

積分: 7894

7^#

發表於 20-9-27 12:57 |只看該作者

樓主，首先要醫好先生個病先。佢本身有冇食緊藥？

私人傳訊

積分: 1871

8^#

發表於 20-9-27 13:09 |只看該作者

Belavizio 發表於 20-9-27 12:57
樓主，首先要醫好先生個病先。佢本身有冇食緊藥？

佢好定時食藥同覆診，佢好想有健康既身體照顧我地。佢亦有見醫院既臨床心理學，有上過認知行為治療，靜觀。但佢性格問題，呢D都改變唔到佢。

我對住佢都係有佢講無我講。我問佢D朋友，醫務社工點同佢溝通，佢地都係話只聽佢講野。

就係無人肯企出黎提佢，話佢。所以呢個衰人就係我。我比D育兒專家既Video和文章佢睇，想佢同阿囝溝通好D，佢駡我話佢唔識教仔。

叫佢同阿囝一齊見社工，佢話社工講就叻，同埋只會企係我地個邊，所以佢都唔願意見

私人傳訊

yurijm

珍珠宮

積分: 44005

9^#

發表於 20-9-27 14:36 |只看該作者

無意冒犯
你先生係咪仲有精神方面問題？
有少少似妄想
另外，你要留意下囝囝
如果爸爸真係有精神方面問題
唔知會唔會遺傳落小朋友度？
希望你都唔好忽略囝囝

見你話囝囝現升中一
真係要睇緊啲，青春期好易會誘發潛在風險

私人傳訊

kaka2003922

積分: 1171

10^#

發表於 20-9-27 15:39 |只看該作者

Blue_Blue 發表於 20-9-27 12:36
近幾年，我開始對自己的天真感到後悔。我跟老公結婚17年，仔都升中一了。拍拖未滿3個月，他已捉我行婚紗展 ...

我明白。我家人都有焦慮症。可惜依個社會同政府係唔會幫到我地。其實家人壓力一定唔俾病人少。好唔好得返好睇個人。就算好得返都要幾年或以上嘅時間。我覺得你可以搵家人幫手分擔。可否個仔一星期住幾日娘家? 分開下影響少d。講個藉口可以專心溫習。問問你老公醫生意見。因都怕個仔受影響。同時精神病有機會遺傳。留意下小朋友。記得搵人幫手。

私人傳訊

kaka2003922

積分: 1171

11^#

發表於 20-9-27 15:42 |只看該作者

kaka2003922 發表於 20-9-27 15:39
我明白。我家人都有焦慮症。可惜依個社會同政府係唔會幫到我地。其實家人壓力一定唔俾病人少。好唔好得 ...

記住。次次覆診都要同醫生講你老公情況。病人一定話自己冇事的。你最後跟埋去

私人傳訊

Belavizio

積分: 7894

12^#

發表於 20-9-27 15:55 |只看該作者

回覆 Blue_Blue 的帖子

你可以請工人姐姐嗎？工人姐姐主要照顧你仔仔，而你就專注你老公度。
聽你描述，你先生會認為你只理阿仔而忽略咗佢，所以會發脾氣。有了姐姐亦可分擔你嘅情況。

私人傳訊

積分: 1871

13^#

發表於 20-9-27 16:43 |只看該作者

yurijm 發表於 20-9-27 14:36
無意冒犯
你先生係咪仲有精神方面問題？
有少少似妄想

我有一齊見醫生，醫生確定先生唔係有妄想症。
當年醫生話抑鬱唔係精神病，所以無遺傳，咁我地先生小朋友。
一路有社工跟我仔仔，佢似我比較樂天。但一向樂天的我，現在都會被他的負面情緒影響。

私人傳訊

積分: 1871

14^#

發表於 20-9-27 16:44 |只看該作者

Belavizio 發表於 20-9-27 15:55
回覆 Blue_Blue 的帖子

你可以請工人姐姐嗎？工人姐姐主要照顧你仔仔，而你就專注你老公度。

阿囝都中一了，當年唔請姐姐，由我父母照顧。所以現在呢刻都唔會請姐姐了。

私人傳訊

積分: 1871

15^#

發表於 20-9-27 16:55 |只看該作者

kaka2003922 發表於 20-9-27 15:39
我明白。我家人都有焦慮症。可惜依個社會同政府係唔會幫到我地。其實家人壓力一定唔俾病人少。好唔好得 ...

本帖最後由 Blue_Blue 於 20-9-27 16:56 編輯

我屋企在金錢同心靈上都好Support我，但就唔方便同我先生傾。
佢屋企人，金錢和心靈上就完全無Support。所以我對佢屋企人好失望。但我老公成日仲覺得佢阿媽好。話我老豆D 壞習慣教壞我個囝。咁我老豆係老粗，你想佢點。幫你湊小朋友，煮埋飯比我地一家食，接送個外孫返學放學去補習，幫我地買廁紙，買生果。但奶奶又做左什麼？我當年生完，奶奶什麼都無比過我。煲野比我食都無。相信佢都係個句，佢咁多細路，唔關心得咁多。所以當年我老爺都係無人照顧。

私人傳訊

akimmother

複式洋房

積分: 238

16^#

發表於 20-9-27 17:17 |只看該作者

回覆樓主:

如果經濟不成問題，建議醫生同心理學家都睇私家。講真政府醫生俾得你嘅時間心機有限，藥物選擇有限。

我覺得你先生雖然有食藥，但未去到情緒穩定。唔係專家，好容易誤會佢係性格差，而唔覺得係病情影響。

私人傳訊

bsg

積分: 6171

17^#

發表於 20-9-27 17:26 |只看該作者

akimmother 發表於 20-9-27 17:17
如果經濟不成問題，建議醫生同心理學家都睇私家。講真政府醫生俾得你嘅時間心機有限，藥物選擇有限。

我覺 ...

係呀！用適當藥物會幫助到呀！

私人傳訊

peggykwan

積分: 6237

18^#

發表於 20-9-27 17:50 |只看該作者

你先生幾歲？

等佢心情好時，問清楚佢想點

私人傳訊

Pianocake