單親天地 今日: 2 | 主題: 18273

積分: 0

1^#

發表於 21-1-16 23:35 |只看該作者 |倒序瀏覽 |打印

本帖最後由 skymandy217 於 21-1-17 10:19 編輯

我提出左離婚，佢話好，佢話養唔起我同2個小朋友。我暫時有呢個決左，請問可以嗎？
1.）我決定離婚，搬出來住，呢2年想借暫時申請綜援解決經濟問題，等小朋友讀全日後出來工作。
2.）我可唔可以唔要佢既贍養費同子女既生活費，我知佢一定比唔到，我唔想離婚後仲要繼續追佢錢，同佢有錢銀瓜葛！
3.）撫養權可唔可以歸我，我想去申請公屋！

0 0 0

私人傳訊

積分: 741

2^#

發表於 21-1-17 02:30 |只看該作者

skymandy217 發表於 21-1-16 23:35
C9現時月薪3萬5左右，呢2年因為賭錢，欠銀行90幾萬，做緊債務重組，仲有欠財務多條數，個個月都借來數come ...

去搵社工同埋申請法援。你本身有冇做嘢？小朋友本身邊個湊開？

私人傳訊

積分: 0

3^#

發表於 21-1-17 12:06 |只看該作者

jacksiuyi 發表於 21-1-17 02:30
去搵社工同埋申請法援。你本身有冇做嘢？小朋友本身邊個湊開？

本身無做野，自己湊

私人傳訊

積分: 741

4^#

發表於 21-1-17 12:14 |只看該作者

skymandy217 發表於 21-1-17 12:06
本身無做野，自己湊

如果自己湊開，小朋友仲細，正常個官會判小朋友跟媽媽。法庭會以小朋友利益最大前題去判跟邊個。

私人傳訊

積分: 0

5^#

發表於 21-1-17 12:48 |只看該作者

jacksiuyi 發表於 21-1-17 12:14
如果自己湊開，小朋友仲細，正常個官會判小朋友跟媽媽。法庭會以小朋友利益最大前題去判跟邊個。
...

本帖最後由 skymandy217 於 21-1-22 22:16 編輯

要去到行呢一步，真係好需要大既勇氣！

私人傳訊

積分: 741

6^#

發表於 21-1-17 12:57 |只看該作者

skymandy217 發表於 21-1-17 12:48
要去到行呢一步，真係好需要大既勇氣！自己無從入手，怕離婚手續好覆雜！但如果唔去離婚，我同倆個小朋友 ...

其實唔離婚佢都一樣俾唔到錢啦。
冇話後唔後悔，有小朋友嘅大前題都諗咗小朋友先。
我哩十年離婚已經諗過好幾次，只係一路諗住佢會改。但又好明白佢根本唔會改，好掙扎。
每次佢因為我同佢關係唔好，就攞小朋友出氣，我就好嬲。我大仔因為我哋嘅問題都有情緒問題，我自己都有。舊年真係覺得冇可能再咁落去，因為我仔會影響得好嚴重，所以我咩都唔諗，只係想分開。小朋友對我嚟講最重要。

私人傳訊

積分: 0

7^#

發表於 21-1-17 13:34 |只看該作者

jacksiuyi 發表於 21-1-17 12:57
其實唔離婚佢都一樣俾唔到錢啦。
冇話後唔後悔，有小朋友嘅大前題都諗咗小朋友先。
我哩十年離婚已經諗過 ...

無錯 D男人口口聲聲話會改，根本都改唔到！
當初可以偷偷地拎埋我d結婚既金去押，我選擇咗原諒。之後我再借過10萬比佢還財務，佢話會還清哂出面財務條數，應承我唔會再賭，我選擇左信佢。我覺得只要大家一齊挨過呢幾年，會過返正常生活！點知比我知道左佢拎左筆錢去賭，又繼續借財務。我今次唔會再相信佢了！
你講得無錯，就係為左小朋友，唔想再比佢拖累！
現階段單方面申請離婚好定係申請共同離婚好？
邊樣手續無咁覆雜？

私人傳訊

積分: 741

8^#

發表於 21-1-17 14:33 |只看該作者

skymandy217 發表於 21-1-17 13:34
無錯 D男人口口聲聲話會改，根本都改唔到！
當初可以偷偷地拎埋我d結婚既金去押，我選擇咗原諒。之後我再 ...

你可以直接去法援拎form，以不合理行為申請離婚。要寫封信點樣不合理行為，詳細少少。同埋要申報收入等資料，因法援唔係免費，都要因應你嘅經濟情況批。
填好後再寄或親身交返法援，哩段時間最好親身交，因疫情可能唔知寄幾耐先收到。
之後我冇記錯嘅，法援批咗之後會叫你入數，我自己就好似俾咗千幾蚊。俾錢後就會俾你揀律師，或法援安排律師俾你。
有律師之後就會同律師見面，簽文件等。上庭前會填一份經濟報表同有關仔女嘅安排等等。之後上庭就等官判。然後就係暫准離婚令，同絕對離婚令。
我舊年大約6月開始申請，10月上庭，嚟緊會出暫准離婚令。
你可以參考吓。

私人傳訊