自由講場

跳至

首頁
12345...12

尾頁
   11


複式洋房

積分: 166


發表於 21-1-22 14:32 |顯示全部帖子
本帖最後由 零利先生 於 21-1-22 16:34 編輯

前題:
1)香港政府 hold 住巨量香港人嘅血汗錢,所以財政上冇問題。2)香港人喺防疫意識上算係幾自律下嘅一群,當然街上間中總會見到有幾個 PK,但整體上就算立例前都自動做到 98% 以上嘅人戴口罩,洗手/搓手做得好足,其他地方真係冇得比,大家有目共睹。
3)香港地少人多,人口高度集中,咁嘅情況下都唔係大爆發,全因 2)

政府一路做嘅嘢根本無的放矢,亂咁嚟。佢關口鬆懈先後引進病毒引發幾波爆發唔喺度再講。

而家嘅限聚令限食令根本無針對個問題所在,志在話自己做咗嘢,2 人 4 人 6 人玩死你班人,夜晚 6 點後食個晚餐變咗高危,餐廳死嘅死亡嘅亡,生意好嘅用膠板放喺枱中間已經當係分咗人坐,塊膠板幾耐抹一次,用乜嘢抹,人哋啲口水留咗喺度揮發留畀下一枱人咁咪更危險? 或者食肆一般枱封咗,只開另一半過咗法例只開一半嘅規定(其實枱嘅密度一樣,證明條例戇居),但事實上又冇乜食飯大爆發喎。唔好講嗰啲公共交通工具,超市,Donki,新樓盤逼死人嘅場面,真係危險嘅話香港一早淪陷咗。

即係證明人多但有戴口罩其實唔係想像中咁危險。

其實經過一年嘅疫情,大家唔多唔少都體會到危險嘅地方係大家喺一個地方停留一段唔短嘅時候,例如兩個鐘,有人唔戴口罩,而且唔係坐定定喺自己位,而係周圍 social,或者大家共同接觸某啲嘢,病毒者散發嘅病毒嘅濃度足以傳染比其他在場人士。

講咗咁多,到底我有咩提議?

1)食肆或者活動場所

而家嘅措施係禁呢個禁嗰個,其實好多被禁嘅場所都好無辜,佢哋本身唔係高危,只不過上面天才官員覺得你高危,所以唔俾你開,例如:美容院唔俾你開,但係有中醫牌嘅按摩店就可以開,咩邏輯嚟?

措施:

任何食肆或活動場所如果發生群體爆疫個案,需要關閉 2 星期並且罰款,罰款金額要有阻嚇性,例如容納到 100人嘅餐廳罰你 150萬,容納到 50 人嘅餐廳發生群體爆疫嘅話罰你 70 萬,20 人嘅餐廳 罰你 15萬,10 人以下餐廳罰你 8 萬。夠甘喇掛?出事後一段時間再爆嘅話罰款加倍,負責人需要負上刑責,餐廳關閉 1 個月。

因為好多人 reply 覺得罰款太重會令餐廳頂唔順或者索性唔開門,我喺度補充返:

『罰則只係個例子,我自己唔係做飲食唔知佢哋嘅承受力。呢個罰款要有阻嚇力(入肉)得來又唔會一下 KO 佢哋。

錢要罰,只係視乎罰幾多。唔可以只勒令停業2星期。』

衛生署可以提供防疫指引你可以點做,例如點清潔,保持空氣流通,勤洗手個啲廢話。但唔硬性規定你一定要做,你可以唔跟,用家鄉做法煲醋食板藍根抗逆都得,但爆咗鑊你就大鑊。

你覺得咁嘅措施下,餐廳老闆會好似而家hea 抗疫定係會認真做好每一個細節務求可以做到生意嘅同時又真正避免到傳染嘅可能性?會唔會安排兩個三唔識七嘅人坐埋對面?會唔會覺得塊膠板好正?食客食完會唔會求其搵塊萬年布抹枱?

到時起碼大家一家人可以坐埋一抬食飯,唔駛好似而家咁,爸爸媽媽一抬,小朋友另一枱。我諗穩陣嘅餐廳唔會容許你十幾個聲稱係家人嘅坐埋一齊。

要相信商人抗疫嘅智慧係好過官員,如果佢哋真係要認真抗疫嘅話。

活動場所:

跳老舞大爆發,但到而家為止好似冇聽聞過有人需要為呢單影響全港嘅第四波而負責。活動場所側側膊唔關我事,跳舞舉辦者,哦。跳舞中招嘅闊太們更加促使開始派 $5000 比佢哋。點解會咁奇怪嘅?

措施:

租借場地同活動舉辦者都要共同負責,有群體爆疫情況要接受處罰,類似以上罰則。每次活動場地同活動舉辦者都需要有一份參加人嘅名單。遇到爆疫時需要將名單交俾有關部門追蹤調查。

咁做你估以後會唔會出現租咗個地方隻眼開隻眼閉閂埋門你哋班友戴唔戴罩都唔關我事嘅情況?

2)個人

而家無啦啦搞『小區』封鎖,硬性檢疫。其實之前啲專家同笑恥佢本尊都講過香港搞全民檢測係唔實際嘅。始終你驗完 negative 又點?一直留喺屋入面直到全港人都 negative 為止?無可能架嘛,人係流動架嘛,你估個個可以好似公務員咁日日唔駛返工去行山呀?你驗完陰性只係代表驗嗰下佢好大機會係無中招嘅,分分中過幾日就唔知喺邊度感染咗返來。咁點,又再做多次全民檢測?無限輪迴?開心嘅只有外判檢測商。

咁點做?

措施:

好似換身份證咁比個時間表大家去自願檢測,係自願。18歲以上可以做。

例如第一星期 18-30歲(用出生年月日定)做檢測,第二星期 31-45 歲做檢測,第三星期 46-60 做,第四星期 61-75 歲,第五星期76歲以上做檢測。

咁點啲人解會自願去做檢測?唔係送你包口罩或者令你感覺我為香港做咗件大事咁虛無縹緲自我感覺良好。

記唔記得舊年政府無啦啦派每人一萬?莫名其妙地海外人士都有人人有份永不落空,財散人唔安樂,對疫情完全冇作用。


今次就係善用庫房嘅公帑。

一個月,如果你做完檢測後嘅一月之後再安排做一次全民檢測,俾第一階段做過檢測嘅人做。

陰性嘅話,恭喜你,有二萬蚊收(或者 3 萬?庫房大把錢,吸引力再大啲,點都好過倒水咁倒去啲唔知咩地方),陽性嘅話,比 $2000 慰問金你。

咁樣可以吸引人做檢測之餘又可以最大程度咁令佢哋喺初步檢測後一個月潔身自愛,小心抗疫,務求攞到獎金。一個月後嘅香港應該可以完全控制到病毒嘅散播。而家強制呢個嗰個,又話封呢度嗰個,只會令人害怕,逃避,加速病毒散播。

總結:香港政府應該善用資源,十幾廿萬養啲廢柴諗埋啲廢橋浪費金錢去『抗疫』,搞咗成年好似仲發緊夢咁。

舊年年頭我已經話咗香港政府應該徵租酒店接收機場入境人士入住作隔離用途,唔係比班人拖喼搭公共交通返屋企做自我隔離咁兒戲,我仲講咗話酒店應該分 3 種收費,平,中,高級比人按需要同喜好自由選擇入住。結果隔咗差唔多一年,個廢政府先開始做呢樣嘢,而且基本上同我嘅講法係一樣嘅嘢。

大陸嗰種小區絕對隔離需要容許以下嘅情況出現,你又制唔制呢?但隔離咗又如何?埋又係繼續爆。你相信呢種措施得嘅話你就傻咗喇。







伯爵府

積分: 18377

2021勳章


發表於 21-1-22 14:44 |顯示全部帖子
零利先生 發表於 21-1-22 14:32
前題:
1)香港政府 hold 住巨量香港人嘅血汗錢,所以財政上冇問題。2)香港人喺防疫意識上算係幾自律下嘅 ...

本帖最後由 Ol0314 於 21-1-22 14:45 編輯

篇文咁長 好難睇

講黎講去都係話開返美容食巿

成日話食野無爆過

之前打邊爐咪爆過囉

美容健身都中過啦

成日話會自律
自律就唔會成個山都係人


點評

emilypyhui    發表於 21-1-23 21:20
賭神    發表於 21-1-22 20:33


子爵府

積分: 11688

2021勳章


發表於 21-1-22 14:47 |顯示全部帖子
零利先生 發表於 21-1-22 14:32
前題:
1)香港政府 hold 住巨量香港人嘅血汗錢,所以財政上冇問題。2)香港人喺防疫意識上算係幾自律下嘅 ...

林鄭最白痴嘅就係補就業計劃,啲錢俾晒大業主大財團,應該排失業救濟金有做檢測先有得攞,全民派錢都唔應該


公爵府

積分: 28151

2021勳章


發表於 21-1-22 14:54 |顯示全部帖子
笑恥果班友睬你都傻,做唔做都月尾準時出糧啦。。做來比人鬧咩。話之你班人c晒

點評

happyyiyi    發表於 21-2-9 11:12


男爵府

積分: 5926

2021勳章


發表於 21-1-22 14:56 |顯示全部帖子
TingTing 發表於 21-1-22 14:54
笑恥果班友睬你都傻,做唔做都月尾準時出糧啦。。做來比人鬧咩。話之你班人c晒 ...



複式洋房

積分: 166


發表於 21-1-22 14:58 |顯示全部帖子
TingTing 發表於 21-1-22 14:54
笑恥果班友睬你都傻,做唔做都月尾準時出糧啦。。做來比人鬧咩。話之你班人c晒 ...


笑恥只係逗份糧出來講嘢,出來面對公眾俾人 x 嘅一個人物,佢自己根本無可能做到抗疫決策。


大宅

積分: 1445

牛年勳章 2021勳章


發表於 21-1-22 14:58 |顯示全部帖子

回覆樓主:

太長冇睇曬,但係一睇到你話食肆有群發就要罰食肆已經唔需要再睇落去, 咁啱有幾個有病嘅人去某個食肆度食嘢, 又關食肆事?罰咁多錢我係老闆我直頭唔開門啦, 完全唔合情理


子爵府

積分: 12054

2021勳章


發表於 21-1-22 15:00 |顯示全部帖子
其實呢個病同自由民主係成正比既, 越高自由民主既地方感染率越高, 如果想清零, 除非用強硬手段, 出入所有場所/交通工具都要用健康碼, 否則唔比入, 咁就簡單得多喇

點評

yan1003    發表於 21-2-3 13:56
emilypyhui    發表於 21-1-23 21:22


男爵府

積分: 5504

2021勳章


發表於 21-1-22 15:02 |顯示全部帖子
我有睇哂,樓主你建議可行,要有罰則,所有要開門的行業有份負責。


子爵府

積分: 10391


發表於 21-1-22 15:04 |顯示全部帖子
話時話,點樣証明我一定就係在這地方染疫呢?有d人到處去,去A店又去B店,但不幸染疫,A 店B店重罚$,又俾人話政府貪$将抗疫責任下放给店铺,其實點做都係煩。
做得盡話強權失自由,做到半桶水不如吾好做,吾做又話視人民生命如蟻般,學張医生話齌,有乜好suggestion?
如果有,而又係皆大歡喜O怨氣,真係可以頒個諾貝爾和平獎俾佢


複式洋房

積分: 166


發表於 21-1-22 15:04 |顯示全部帖子
tsmtang 發表於 21-1-22 14:58
太長冇睇曬,但係一睇到你話食肆有群發就要罰食肆已經唔需要再睇落去, 咁啱有幾個有病嘅人去某個食肆度食 ...


講緊群體爆疫。即係話一班識或者唔識嘅人係某個時間去過你間餐廳而發生感染嘅,呢啲就叫群體感染。

正常來講餐廳防疫措施做得好嘅話,喺餐廳內交叉傳染嘅機會唔高,如果唔係香港已經連續爆疫,何況而家餐廳只係最低限度為咗符合規條嘅防疫措施,根本係 hea 防,咁都爆唔到,證明如果認真防疫嘅話可以做得更好 。

個個都話太長睇唔晒,其實為咗就大家已經分晒段,分晒 point。


大宅

積分: 2322

2021勳章


發表於 21-1-22 15:04 |顯示全部帖子
仲係到講關口問題 而家係香港人自身問題


水晶宮

積分: 53942

牛年勳章 2021勳章 精叻鼠年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


發表於 21-1-22 15:08 |顯示全部帖子
睇完幸好你不是特首/政府部門。

點評

yuyueng    發表於 21-2-9 10:51


別墅

積分: 970

2021勳章


發表於 21-1-22 15:08 |顯示全部帖子

回覆樓主:

樓主,可以去政府網站留言。您的建議很可取。


複式洋房

積分: 166


發表於 21-1-22 15:10 |顯示全部帖子
RT 發表於 21-1-22 15:00
其實呢個病同自由民主係成正比既, 越高自由民主既地方感染率越高, 如果想清零, 除非用強硬手段, 出入所有場 ...


你又同政治掛勾。其實香港喺生活上都好自由,記唔記得舊年年頭政府話無事唔使戴口罩嘅時候香港人已經差唔多全民戴口罩?記唔記得香港曾經幾十日 0 確診? 直至放海員入境散病毒形成第三波。唔記得晒?

呢樣嘢同一個社會嘅公民質素有關係。當然每個社會都有差嘅一批,但整體上香港人起碼喺防疫上係做得好好。

但你做得更好又點?每次都輸入啲病毒人士入來自由走。

健康碼喺香港唔會work,只會整死零售商場。極權國家可以做到,鎖死你度門,綁你喺燈柱,乜都做得出,啲人仲拍手叫好添。但結果都係爆。


男爵府

積分: 8346

2021勳章


發表於 21-1-22 15:11 |顯示全部帖子
自律就唔會咁多人行街啦


大宅

積分: 1445

牛年勳章 2021勳章


發表於 21-1-22 15:12 |顯示全部帖子
零利先生 發表於 21-1-22 15:04
講緊群體爆疫。即係話一班識或者唔識嘅人係某個時間去過你間餐廳而發生感染嘅,呢啲就叫群體感染。

正常 ...

我知乜嘢叫做群體爆發, 但係你群體嘅定義係乜嘢呢?一班人你又覺得應該係幾多人先至為之一班人呢?咁我覺得幾個都已經屬於群體㗎喇喎, 有錯咩?


複式洋房

積分: 166


發表於 21-1-22 15:13 |顯示全部帖子
wongvv19 發表於 21-1-22 15:08
樓主,可以去政府網站留言。您的建議很可取。

政府聽取民意嘅話就唔係而家嘅政府喇,你以為係投訴街上有阻街咁簡單咩?

呢啲嘢只可以靠類似呢度嘅媒體,再由機會經傳媒或網上吸引大眾嘅關注,再令到政府有所回應。


別墅

積分: 970

2021勳章


發表於 21-1-22 15:15 |顯示全部帖子
零利先生 發表於 21-1-22 15:13
政府聽取民意嘅話就唔係而家嘅政府喇,你以為係投訴街上有阻街咁簡單咩?

呢啲嘢只可以靠類似呢 ...

真係無眼睇。xx政府,苦了百姓。


大宅

積分: 1232

2021勳章


發表於 21-1-22 15:19 |顯示全部帖子
剩係講食肆既罸則,即係叫人唔好開門做生意,我係老闆寧願唔做, 仲衰過而家

首頁
12345...12

尾頁

跳至
熱門主題
你需要登錄後才可以回帖 登入 | 註冊