少年成長今日: 0|主題: 15848

收藏本版

發帖

返回列表

跳至頁

查看: 9300 | 回覆: 0

大掃除 [複製鏈接]

csir3290

子爵府

積分: 10929

1^#

發表於 21-2-14 11:03 |只看該作者 |倒序瀏覽 |打印

年近歲晚又係大掃除嘅時候，我同老婆都要返工當然大掃除都係靠工人姨姨。兩個小朋友越嚟越大個，其實間屋嘅雜物都越嚟越多，每年大掃除最煩惱嘅就係呢兩個細路仔嘅雜物同埋玩具，尤其是係細佬，佢對所有嘢都唔捨得掉，佢樣樣嘢都話鍾意，雖然佢兩個平時都肯執嘢，而啲嘢都算整齊。但係因為佢哋嘅嘢越嚟越多其實都有啲亂。

但係唔知點解今年佢兩個一反常態，可能因為今年我同老婆多咗時間在家工作，又成日都執嘢，佢哋見得多而我同老婆今年又分階段叫佢哋開始執嘢，由早幾個禮拜佢哋考完曬試就叫佢哋開始執書櫃書枱，尤其是叫佢哋掉曬啲唔用嘅教科書，唔知係咪因為可以丟教科書所以佢兩個特別興奮，嗰晚我哋放工返到屋企，佢兩個真係將個書櫃執到整整齊齊，所有嘢放得非常之好，咁我哋梗係大讚佢哋啦！跟住我老婆同佢哋講話今年想買盤大啲嘅蘭花，所以想佢哋執番啲空位出嚟，點知第二日放工返到嚟佢兩個同我哋講話佢哋已經將窗台上面嘅所有嘢執好曬，仲執得好整齊而且掉咗好多嘢添。佢哋咁自動自覺當然我哋又係大讚佢哋啦！而且亦都係真係執得非常整齊。早兩日我哋去放工返到嚟佢哋又即刻展示佢哋嘅成果，佢哋已經將佢哋所有嘅玩具雜物唔要嘅全部掉曬，仲玩得而且新淨嘅佢哋就執好曬一袋袋，仲同我哋講話可以捐曬佢。咁我老婆當然即刻同佢哋搵邊度可以捐啦。第二日放工就將幾大袋佢哋嘅玩具捐咗去救世軍。捐完之後返到屋企我同佢哋一齊欣賞佢哋執屋嘅成果再讚佢哋，佢哋兩個對成果都非常滿意。希望佢哋兩個會繼續保持落去啦！

都係嗰句，日日鬧未必有成果，多啲用正面嘅方式同埋邀請佢哋一齊合作邀請佢哋幫手，佢哋覺得可以幫到父母手而且又得到父母嘅讚賞，自然比起不停鬧或者不停抱怨可能效果會仲好，不過當然仲要記住唔好咁奄尖啦！我記得以前佢哋細個嘅時候叫佢哋執嘢就會同佢哋講要掉緊啲舊玩具先至有位置買新嘅，今次竟然完全唔使咁講亦都冇特別叫佢哋點樣執，只係請佢哋幫手同埋等佢哋自由發揮估唔到個成果會咁好！

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 0|主題: 15848

少年成長今日: 0|主題: 15848