少年成長今日: 0|主題: 15847

收藏本版

發帖

返回列表

跳至頁

查看: 11999 | 回覆: 5

老婆不在身邊的新年 [複製鏈接]

csir3290

子爵府

積分: 10925

1^#

發表於 21-2-28 11:33 |只看該作者 |倒序瀏覽 |打印

老婆終於完成咗十幾日嘅隔離，終於可以一家團聚。諗番呢十幾日仲要撞正農曆新年，其實都幾唔開心最慘重要係俾啲自私嘅人連累嘛。難聽啲講呢十幾日入面就好似做咗單親爸爸咁照顧呢兩個小朋友，幸好仲有工人姨姨幫手，我主要都係陪住呢兩個小朋友等佢哋唔好覺得生活上媽媽唔喺身邊有好大分別，最重要當然係令佢哋唔好太唔開心啦！

喺呢個咁特別嘅假期，我覺得如果只係長時間都只係留喺屋企，細路仔有冇乜特別嘢做其實個氣氛都幾沉悶同唔開心，因為以往嘅農曆新年假期除咗拜年之外我哋都會四圍去玩，所以今年雖然唔可以去拜年老婆又不在，但係我都會帶住佢兩個做返一啲往常我哋全家過年都會做嘅嘢，包括年初一去行大運，出街食下飯同四圍去遊山玩水咁。再加上每餐食飯如果喺屋企就會同老婆zoom，出街的話都會用視像搵埋老婆一齊出嚟，咁就好似一齊食飯咁。年三十晚仲對住個電腦同老婆一齊全家倒數踏入年初一。到年初一一早當然派利是就只係由我派畀佢兩個小朋友，但佢哋兩個都一早透過電腦同我老婆拜年。雖然點都同老婆喺身邊好唔同，但係都盡量希望兩個小朋友唔會因為咁而覺得太孤單太唔開心。

當我老婆完成咗隔離嗰晚，因為要凌晨十二點先至完成隔離可以離開，我已經急不及待即刻去接老婆，佢兩個小朋友喺屋企一路等到差不多凌晨一點我哋先返到屋企，返到屋企一開門阿仔阿女已經即刻衝埋去攬住我老婆，跟住點都要等到我老婆沖完曬涼出嚟同佢哋冚被先至肯瞓。經過呢十幾日我相信我哋會更加懂得珍惜身邊嘅人，一家人關係應該會更緊密。