少年成長

跳至

首頁
1

尾頁
   0


男爵府

積分: 8330

2021勳章


發表於 21-4-11 10:52 |顯示全部帖子
呢兩個禮拜社交平台成日都有單新聞跟進,就係有對父母虐打個小朋友最後仲搞到個小朋友過咗身。另外又有個爸爸又係因為教仔打到個細路仔滿身傷痕最後又係畀警察拉咗。聽到呢啲新聞真係好有感受同唔明白究竟要幾嬲同埋幾唔受控制先至可以打到細路仔咁樣呢?可能我哋呢一代自細都有畀父母打所以覺得打係應該,我自己細個都有畀阿爸阿媽打,開頭都會驚但係大大吓就會發覺其實打完都係咁,不過當然我阿爸阿媽去到我中學嘅時候都已經冇再打我。


到我自己做爸爸我真係唔覺得打細路仔係有用,可能開頭真係會有阻嚇作用,但係當佢越嚟越大其實都作用都只會越嚟越細。而且當你一開始用打呢個方法係咪當個細路仔重複犯錯嘅時候只會越打越嚴重呢。我唔敢話我冇打過自己對仔女,但係都係好細個兩三歲嘅時候佢哋做錯事只係好細力咁打手板,之後就已經再冇打過。之後我會用罰企嘅方法,到大啲就連罰企都冇用過因為其實真係好耐都冇罰過對仔女。用打作為懲罰無非都係希望啲細路仔知道做錯,但係最大嘅問題就係令到啲細路仔覺得原來做錯嘢就要用打嘅方法解決,既然父母都係咁做,到佢哋將來長大亦都會覺得凡親做錯嘢就可以用打嚟解決。做錯嘢我只係需要教我哋細路仔承擔責任,被打絕對唔係對應嘅懲罰,例如成績唔好你打佢係為咗乜嘢呢?反而要搵出成績唔好嘅原因,如果係懶嘅咁可能個懲罰就係會冇得去玩一啲佢鍾意玩嘅嘢。總之打絕對唔係對應嘅懲罰,亦都唔會教到細路仔負責任只不過係令佢驚。


我明白有時教仔女的確係令到父母好容易忟憎,但係正正做父母就係要eq高,要時刻提醒自己要控制情緒,要好警覺自己嘅情緒開始不受控制嘅時候就要馬上自己行開,俾自己一啲空間去緩和情緒。我哋要知道細路仔做錯事根本就係常有,點樣教重點就喺父母身上,我真係唔覺得打就可以解決問題,打就可以教好個細路仔,既然解決唔到問題,更差嘅係令到親子關係越嚟越惡化,咁點解仲要用打呢個方法呢?教仔女可以有好多方法,亦都有好多方法比用打好。每一個小朋友出世之後都應該得到大人嘅愛護同埋愛錫,新聞睇到嘅呢一啲要打到個細路仔咁,根本就唔係人嘅表現。以為用打可以解決一切問題嘅父母,最終都只會自食其果,因為一旦當你開始不自制咁用打嚟解決問題,其實就一路越嚟越推開自己嘅細路仔,而且只不過係因為佢哋細個佢哋唔識還手或者冇能力還手,但係當佢長大嘅時候,父母嘅年紀都越嚟越大最終仲係咪可以打呢!而且當個細路仔一旦開始還手就永遠返唔到轉頭。所以做父母真係要謹慎而且小心用打呢個懲罰方法,我唔否定可以有即時阻嚇嘅效果,但係一定唔可以係常用,就算用都要非常謹慎小心咁去用,我諗細路仔好難會明白點解一邊父母打得自己咁犀利一邊又話愛錫自己,所以父母真係要小心諗下呢個問題。


水晶宮

積分: 67505

牛年勳章 2021勳章


發表於 21-4-11 13:12 |顯示全部帖子
從來都唔打仔, 亦唔鼓勵其他父母咁做...

點評

csir3290    發表於 21-4-11 17:10


大宅

積分: 2851


發表於 21-4-11 23:51 |顯示全部帖子

回覆樓主:

只有衰人先覺得暴力可以解決問題!體罸只會令關係惡化。

點評

csir3290    發表於 21-4-12 20:43


大宅

積分: 1475

牛年勳章


發表於 21-4-17 17:04 |顯示全部帖子
打完全無補於事
但好多父母,唔係想解決問題,想發洩咋

點評

csir3290    發表於 21-4-17 20:36


民房

積分: 11


發表於 21-6-4 19:20 |顯示全部帖子
csir3290 發表於 21-4-11 10:52
呢兩個禮拜社交平台成日都有單新聞跟進,就係有對父母虐打個小朋友最後仲搞到個小朋友過咗身。另外又有個爸 ...

我細細個一二年班時,默書唔合級,會比阿媽用梳打手掌,現在回看返,打手掌唔可以唔可以令我比心機讀書,只會令我覺得好討厭讀書,要錯的生字繼續錯,沒有找對方法,點打都冇用

點評

csir3290    發表於 21-6-4 20:49

首頁
1

尾頁

跳至
你需要登錄後才可以回帖 登入 | 註冊