响網購天地出過次,想响度再幫佢大大加宣傳😤😤
冇諗過第一次就要幫佢宣傳。。。
我一直有幫Baby kiss買日本連線啲野嘅,但發生咗件事,令到我超嬲,更加懷疑佢呃我
唔知有冇人有類似嘅遭遇
我覺得要比多啲人知佢係點做生意
話說我買咗件90碼嘅變色印花衫,日本嗰邊攞咗100碼,佢順豐過嚟嗰陣我先發現。。。
因為阿囡宜家著90碼都有大,加上係印花,驚放成年會甩,所以同佢講,佢叫我退返比佢
佢就不停要我攞返件衫去佢度,但佢只係星期一至五開4-7,我係FTM,湊住個B,仲要住港島區,邊去到
我同佢講我攞唔到過嚟,佢話唔急,竟然叫我搵親戚朋友攞過去
我心諗你錯咗仲要我特登揾人攞過去
何況我真係冇人攞到過去,問佢有冇其他方法,於是佢就叫我平郵比佢~~
好啦,之後嗰個星期二,我就叫屋企人搵個封,攞去郵局磅下幾錢,之後話佢知,佢都話冇問題
寄之前都有比佢睇個信封個地址啱唔啱,全部野冇問題我就叫我屋企人寄咗去啦~~
雖然隔咗一日假期,但正常2-3日應該收到啦,我就問佢收到未,佢問返我寄情咗未
我同佢確認地址但唔寄係咩玩法?!
我同佢講星期二已經寄咗,佢話未收到。。。
我嗰吓好驚,驚真係寄失咗。。。
之後佢問我點解唔影個郵費嘅QRcode比佢跟蹤?!(其實個code係冇用嘅。。。)
一來我完全唔知宜家可以咁寄,二來佢又冇叫我咁做,我點知要咁,响度馬後砲mg:" />
之後佢話佢冇challenge我,叫我冷靜啲,但我覺得佢已經想將個責任推去我度,覺得係我做得唔啱
到之後個星期二,我再問佢,都話未收到,我就有啲質疑佢。。。
我話我會報警同問郵局。。。
佢當時都同意,仲話想還自己一個清白!
佢話大家都係講個信字,但其實佢試過比漏貨我,我覺得佢真係信唔過
點知佢竟然話大件野係寄唔到入郵箱,係會打比佢,之前啲人寄比佢都係咁囉?!(佢有叫我寫電話响信封上面)
正常郵局只會寫咭仔,唔會打電話比佢
我有比過我臨入郵筒嘅相比佢睇,佢話佢都可以質疑我有冇寄?!
之後勁悔氣咁退錢比我,仲要講到完全我唔啱咁
話嗰百幾蚊唔會呃我,話我麻煩,唔想再同我有瓜葛
仲退曬我啲谷
不過仲好,我本身都諗住唔再幫襯
我一直都覺得好委屈,其實寄咗之後應該係佢嘅責任,佢雖然有退返錢比我,但成件事佢講到係我唔啱咁?!
結果,我真係打去郵局度問~~(好彩我屋企人影曬相,有曬寄件資料~~)
我有不停咁同佢講我做緊啲咩行動,但口話想知真相,但一直都冇覆返我,都唔知係咩道理
郵局又真係好好咁覆返我(第一次覺得政府效率高)
到星期四,郵局搵咗郵差問,原來佢嗰度係劏房,大廈只有一個大郵箱,放曬佢哋嗰層樓嘅件,而個郵箱係大到連啲年度報告書都放得入嘅,我份件一定都入到
而郵差都話佢冇試過送件上佢個單位,更加唔會打比佢啦?!(你估順x咩,幾蚊都要有咁嘅服務)
而因為郵差放過假,所以之前個星期要問返個替假同事有冇派過,但至少星期一之後個郵差冇派過我份件,我都同郵局嗰邊話咗咩事,叫佢哋睇吓可唔可以問到替假同事
之後我同佢講返我問到啲咩啦(雖然佢一直都冇睬我)
結果神奇嘅事就出現啦~~
隔咗半個鐘之後,佢忽然話今日收到份件!!!
但我上面講過,星期一開始郵差確定冇派我份件,咁姐係正常星期二都一定响信箱度啦!租咗一段時間都唔知嗰度有信箱咩?!
星期二嗰日仲要咬牙切齒咁話冇收?!話今日先收到?!
我同佢講冇可能今日先收到,最後佢係答我「我責任只係通知你,我已經收到」
大家自行判斷係咩事
但其實啲個問題之前,已經有好多野發生
態度勁差,成日响谷度話啲媽媽,試過佢叫人去攞貨,有媽媽叫佢買個貨架放,佢好惡咁話返佢個倉唔係用嚟幫人哋放貨🙄
佢要人哋一個星期內去攞貨,如果唔係就寄,但又唔見佢會一個星期內寄貨比人。。。
佢要人24小時內比錢,但未夠24小時就已經再追你比錢。。。
我好有禮貌咁話要屋企人有時間先幫我過到數,佢就話其實想人哋有有禮貌覆佢一聲
但佢自己對人又唔見得有禮貌,同佢講嘢佢都唔會覆你。。。
你要人有禮貌,但自己冇禮貌,都唔知係咩邏輯🙄
我第一次好慶幸約到上去攞貨,點知行行吓就諗起好似有套餐具冇比我,結果打去問佢先發現,但我已經行到好遠,所以話下次先攞
之後我已經冇過佢度攞貨。。。
有次訂咗對鞋,發現2次收貨唔見,之後要我問佢,佢先發現冇比我(聽啲媽媽講,原來佢成日都漏比貨人)
成日話自己冇賺,講到自己做義工咁,其實佢個價都mark up得幾高
總之比錢佢賺之餘,仲要受佢氣
佢啲嘢幾平都假
大家真係諗清楚仲幫唔幫襯佢