少年成長今日: 2|主題: 15845

收藏本版

發帖

返回列表

跳至頁

查看: 13120 | 回覆: 1

放假補習的風波 [複製鏈接]

csir3290

子爵府

積分: 10912

1^#

發表於 21-5-30 12:15 |只看該作者 |倒序瀏覽 |打印

前幾晚放工打電話返屋企，細佬聽電話嘅時候已經覺得佢把聲有啲唔妥，跟住問老婆我老婆已經喺電話講話細佬頭先喺英文補習老師嘅時候發脾氣，之後仲喊曬。老婆話後嚟補習老師同佢講話細佬補習嘅時候唔肯同佢講嘢，補習老師已經盡量嘗試同佢講啲有興趣嘅嘢，細佬都係唔肯開聲。咁補習老師為咗唔好嘥時間所以同家姐練習先，跟住細佬就即刻爆喊啦。補習老師話應該係因為嗰日佢兩姊弟本來放假，細佬喺老師嚟之前喺度畫緊畫同做緊手工，咁補習老師嚟到佢整唔切所以開始心情唔好。再加上我老婆話最主要應該係佢嗰日放假holiday mood，點知又撞啱要補習所以心情更加唔好。

當我返到屋企細佬已經唔敢開聲可能驚我鬧，咁我入咗房之後問我老婆需唔需要罰細佬，佢就話細佬知道錯亦都道咗歉亦都警告咗佢唔可以再有所以今次就算啦。但係我總係覺得細佬應該自己親自再同補習老師道歉，但係我老婆話佢如果唔願意其實講都冇用，既然佢今次已經知道錯就觀察下佢先。

其實我覺得成件事最大嘅原因就係時間分配問題，老婆話放假前嗰日冇同佢心做定心理準備，等佢知道就算放假但係嗰日補習老師都會嚟。我後來同細佬講，我明白佢都體諒佢畫緊畫同埋做緊手工做緊啲自己鍾意做嘅嘢嘅時候，突然間要收埋曬然後補習可能會唔開心，但係都唔可以同老師發脾氣，因為要尊重老師，老師嚟到係教佢嘢而唔係受佢氣，我話成件事我最唔唔心嘅就係佢同老師發脾氣同埋唔尊重老師。佢話佢知道錯以後都唔會，咁我同佢講話下次補習老師嚟嘅時候自己嘗試同佢解釋番件事，佢冇答我只係點頭。但係我都再同佢講如果再有下次我就一定會罰。

我覺得細路仔自細就要教佢尊重人尤其是老師，唔可以隨便發脾氣，如果自細都已經唔識得乜嘢叫做尊重到頭來只會不停撞板。