少年成長

跳至

首頁
1

尾頁
   0


子爵府

積分: 10859


發表於 21-6-13 10:57 |顯示全部帖子
唔知係咪因為而家夜晚冇乜電視好睇,所以多咗睇返啲以前嘅節目重溫,早幾個月前無意間發現一個叫「花姐error遊」節目,睇落又覺得個節目幾好笑幾好睇,跟住阿仔阿女就開始好鍾意睇error,基本上可以重溫有關佢哋嘅節目佢哋都睇曬,再加上老婆早輪同佢哋一齊睇電視劇「男排女將」,就令佢哋連mirror都鍾意埋。


佢兩姊弟雖然未去到瘋狂追星嗰個地步,但係都成日自己聽佢哋啲歌,當見到有啲網上新聞佢哋都會留意。其實我就唔係特別鍾意,因為可能年紀大對呢啲歌星冇乜特別有感覺,只不過覺得佢哋有時啲節目雖然好似有啲無聊,但係幾好笑,有啲新意亦都幾好睇,所以會同佢哋一齊睇。但係我發覺我老婆就同佢哋一齊都幾留心嗰兩隊組合嘅嘢,咁當然因為我老婆要返工冇咁多時間睇啦,但係當佢同兩姊弟傾開計嘅時候,佢兩姊弟就會好有心咁即刻同我老婆講好多關於mirror同error嘅話題。其實佢兩隊組合夾埋咁多個人我都唔係好記得,但係佢兩姊弟就可以分得好清楚,仲好用心咁教我老婆點樣去認佢哋。見佢哋咁鍾意所以我都download佢哋啲歌喺車度聽,佢兩個而家每一次上車就要聽佢哋啲歌。試過有一次我車同事走連我同事都問點解我鍾意聽,同跟得咁貼。可能我同事覺得我呢個年紀唔應該鍾意聽呢啲後生仔嘅歌,但係其實聽落我都覺得ok好聽。


又再一次證明父母只要肯投入仔女鍾意嘅嘢,其實可以有無窮盡咁多嘅話題,父母唔好覺得仔女鍾意嘅嘢自己一定冇興趣,原來只要肯投入少少就可以拉近兩代之間嘅距離。而家我老婆同對仔女中一個經常會講嘅話題一係就係error一係就係mirror。雖然有陣時我都覺得佢哋啲節目無聊,但係見到老婆同佢哋一齊咁多嘢傾,而且坐埋一齊睇佢啲節目都幾好笑,作為一個親子活動其實都幾好呀!時代不停轉變,做父母嘅雖然要工作但都唔好同呢個時代脫節,更加要了解仔女呢個年代鍾意啲乜嘢。成日聽到啲父母講話仔女乜嘢都唔同自己講,其中一個原因就係啲仔女覺得父母唔了解佢哋嘅嘢,又或者父母成日覺得仔女嘅嘢無聊同冇意義。但係其實當父母肯用少少時間去投入下佢哋覺得所謂嘅無聊嘢,就可以打開一個話題同溝通嘅缺口,令到大家都多好多話題多好多嘢講。其實同仔女溝通唔一定要傾親都係啲有意義嘅嘢,有陣時講啲無謂嘢就係為咗將來要講啲重要嘅嘢時候大家可以溝通到嘅準備。


禁止訪問

積分: 115


發表於 21-6-14 15:55 |顯示全部帖子
提示: 作者被禁止或刪除 內容自動屏蔽


大宅

積分: 3633

好媽媽勳章


發表於 21-6-17 11:45 |顯示全部帖子
csir3290 發表於 21-6-13 10:57
唔知係咪因為而家夜晚冇乜電視好睇,所以多咗睇返啲以前嘅節目重溫,早幾個月前無意間發現一個叫「花姐erro ...
認同. 我囡班同學及囡囡同樣好喜歡ERROR , 我同佢會一起睇, 一起分享. 有講有笑. 當有粗俗語時, 我會話呢D唔可以講, 笑下算.
時代唔同, 想同子女有話題, 都要配合下他們. 他們喜歡看什麼, 只要大人有心, 上GOOGLE 一定搵到. 成日只話不認識, 沒興趣, 作為子女點同你有溝通.
終日話以前D歌星點好點好, 但他們是年青人, 唔通鍾意ALAN , 哥哥, 四大天王, EASON 咩. 不過我成日都同阿囡講我喜歡四大天王 ^^

點評

csir3290    發表於 21-6-17 17:40

首頁
1

尾頁

跳至