母乳餵哺

跳至

首頁
1

尾頁
   0


大宅

積分: 2169


發表於 21-10-6 13:56 |顯示全部帖子
背景:有兩個小朋友,一個2歲,一個new born得兩星期人仔。

大仔係全人奶,基本上餵到而家呢刻。
阿妹,我都係全人奶餵緊佢。
最令我崩潰嘅係我大仔而家其實只係瞓覺先要啜奶奶,但佢睡眠質素係好差,半夜會醒三幾次,每次一扎醒就會搵奶啜。之前一直都由佢,覺得佢肯啜我都會俾,但而家我多左個女,佢都需要食,有時我仔扎醒,咁啱我女又要夠鐘食奶,我根本分唔到身,如果唔理個仔佢就會一直喊,喊到醒晒,然後全家醒晒。但阿妹食奶係好緊要,有時啲時間上阿哥扎醒而阿妹未醒我都仲可以滿足佢,但我又會舊佢食晒阿妹啲奶...唉…其實有無人教我應該點處理,同點幫我仔戒左啜住瞓


侯爵府

積分: 22178

2021勳章


發表於 21-10-9 01:05 |顯示全部帖子
你戒遲左……有無神隊友幫手。其實2歲佢都可以明白你講咩,日頭同佢講多d奶奶要比bb食,佢大個啦唔可以食啦。等佢有心理準備先,強化佢哥哥身份。


大宅

積分: 2169


發表於 21-10-9 13:14 |顯示全部帖子
mcs74 發表於 21-10-9 01:05
你戒遲左……有無神隊友幫手。其實2歲佢都可以明白你講咩,日頭同佢講多d奶奶要比bb食,佢大個啦唔可以食啦 ...

係,我真係戒遲左,應該bb未出世就要調下佢。而家真心覺得好難搞。我有神隊友幫手,但佢始終太依賴我,又啜慣左,然後佢又太醒瞓,一扎醒如果我餵緊阿妹妹,佢就會醒晒,而家叻仔左唔會喊,會等我但就變左佢唔瞓覺坐喺到等,又影響埋佢睡眠... 然後有時同佢講,只可以啜少少,咁佢而家又好少少,會自己停,但停完又係典好耐都瞓唔返。

而我,搞完阿妹又到佢,真係心力交瘁...我自己都無得好好休息。坐月已經日日送佢返學,傷口其實仲有痛,我自己都好崩潰,之前日日喊,又唔敢話俾老公知,驚影響埋佢情緒...真係有苦自己知。


大宅

積分: 2134


發表於 21-10-12 14:39 |顯示全部帖子
回覆 一嚿大番薯 的帖子

一人食一邊是否可行?


大宅

積分: 2169


發表於 21-10-12 15:20 |顯示全部帖子
yiszwa 發表於 21-10-12 14:39
回覆 一嚿大番薯 的帖子

一人食一邊是否可行?

唔可行,因為阿妹太細粒,然後阿哥又一定要趴住我黎啜,扎左成半個身上我到,然後佢一陣又會左擰右擰,所以無得諗 ...sigh...


大宅

積分: 2134


發表於 21-10-12 16:34 |顯示全部帖子
一嚿大番薯 發表於 21-10-6 13:56
一扎醒就會搵奶啜

係咪無安全感?比個奶咀佢啜?


大宅

積分: 2169


發表於 21-10-12 16:44 |顯示全部帖子
yiszwa 發表於 21-10-12 16:34
係咪無安全感?比個奶咀佢啜?

我地可以試嘅方法都試過,奶咀都有俾過佢,一啜就知就醒,即刻唔啜要搵返我..而家慢慢同佢講緊道理,佢會好左但都要啜少少,之後我一拎開佢無爆喊,但就碌極都瞓唔返,但開頭瞓嗰下都係要我


大宅

積分: 2134


發表於 21-10-13 11:11 |顯示全部帖子
一嚿大番薯 發表於 21-10-12 16:44
我地可以試嘅方法都試過,奶咀都有俾過佢,一啜就知就醒,即刻唔啜要搵返我..而家慢慢同佢講緊道理,佢會 ...

感覺個行為似 爭寵 ,因為妹妹出咗世,可能冷落咗哥哥,佢想你陪佢多啲。


珍珠宮

積分: 36120

2021勳章


發表於 21-10-14 03:57 |顯示全部帖子
如果佢醒咗,一邊餵妹妹一邊拍拍大仔,將安撫嘅動作由啜奶轉做拍拍,睇下得唔得?
其實真係要狠心,應該之前用懷孕做籍口介
你而家仲要小心佢唔好覺得你要細唔要大,或怪佢搶晒妹妹d 奶


大宅

積分: 2169


發表於 21-10-14 14:19 |顯示全部帖子
Nbs 發表於 21-10-14 03:57
如果佢醒咗,一邊餵妹妹一邊拍拍大仔,將安撫嘅動作由啜奶轉做拍拍,睇下得唔得?
其實真係要狠心,應該之 ...

你講得啱呀,我最擔心係驚佢以為我係偏心阿妹,淨係阿妹有得啜所以搞到佢無得啜。因為正值佢而家係trouble 2,加上屋企多個新成員佢呷醋,我真係驚再迫佢戒埋啜奶奶佢會好失落。因為阿妹返黎開始,佢都失落左一排,而家先叫做好返啲。同埋爸爸成日陪佢玩,佢就開朗返,所以我好兩難,又唔知點幫佢戒,又唔知呢段時間戒又會對佢有咩影響,但唔戒我又慘,唉…總之我好頭痛,真係唔識點做好。

有試過一邊餵阿妹,一邊拍住佢,佢係醒晒嗰種,其實佢都慘,如果一扎醒見唔到我佢係會喊到好淒涼,然後一直瞓唔返等到我再陪佢瞓俾佢啜先會瞓得返。所以其實係大人細路都好慘。


大宅

積分: 2169


發表於 21-10-14 14:46 |顯示全部帖子
yiszwa 發表於 21-10-13 11:11
感覺個行為似 爭寵 ,因為妹妹出咗世,可能冷落咗哥哥,佢想你陪佢多啲。
...

係呀,其實都理解佢心態,因為由我入院生b時嗰五日,佢好掛住我,每晚都喊到好淒涼瞓唔到,然後到我出院又多左個妹,突然間係會好大打擊嘅。事實係我有時餵人奶,又係真係會成日要抱住阿妹餵佢就真,但除左餵奶時間,基本上我陪到阿哥都會喺佢隔離。我都盡晒力..


珍珠宮

積分: 36120

2021勳章


發表於 21-10-14 15:25 |顯示全部帖子
話比佢聽係因為大個仔所以介奶,而唔係因為妹妹
讚下佢大個仔

不過佢呢個數歲都仲細,明d 唔明d, 係要一段過渡同辛苦嘅時期喇
日間有無人幫你手? 返學接送,bb 沖涼,日間餵奶 等可唔可以外判比其他人做? 雖然我讚成大仔返學接送媽媽自己做返會好d, 不過頭一個月比住人做先喇,第二三個月好 d 就可以自己做返


大宅

積分: 2169


發表於 21-10-14 16:12 |顯示全部帖子
Nbs 發表於 21-10-14 15:25
話比佢聽係因為大個仔所以介奶,而唔係因為妹妹
讚下佢大個仔

而家係我送返學,公公幫我接放學。佢係要我送返學,我自己都想俾返啲安全感佢,放學已經放左手俾公公。其實佢係算乖,同佢講下都明明地。但始終經歷緊trouble 2,同時又呷醋,所以我自己盡量都想滿足佢等佢有返啲安全感。
但沖涼嗰啲,佢會要媽媽,所以姐姐都幫我唔到。有時真係分唔到身。坐月都好似無坐過咁。

其實佢而家都算好左,我只俾佢啜少少,然後拎出黎佢會肯停,但就會喊下或者左碌右碌成個鐘先會瞓得返..又會一直話唔要媽媽,叫媽媽入返醫院咁 其實佢又係慘嘅...唉…所以我真係好頭痛..


珍珠宮

積分: 36120

2021勳章


發表於 21-10-14 18:15 |顯示全部帖子
一嚿大番薯 發表於 21-10-14 16:12
而家係我送返學,公公幫我接放學。佢係要我送返學,我自己都想俾返啲安全感佢,放學已經放左手俾公公。其 ...

其實佢好叻仔㗎啦,不過始終都係仲細,都要啲時間適應,就算佢明都唔係一下子改到。加油


大宅

積分: 2169


發表於 21-10-14 19:00 |顯示全部帖子
Nbs 發表於 21-10-14 18:15
其實佢好叻仔㗎啦,不過始終都係仲細,都要啲時間適應,就算佢明都唔係一下子改到。加油
...

係呀,其實佢都真係算係咁,好叻仔好乖,所以我唯有慢慢黎,但過程真係十分艱辛,好多謝你地聽我講下呻下,生完荷爾蒙影響定唔知點解,真係好易喊又諗埋一邊。日日都情緒低落。好彩有朋友有老公扶持住,如果唔係我都唔知自己挨唔挨到今日。每日真係瞓得嗰三個鐘,好嘅有四個鐘..全部都係濕下濕下咁瞓...真係好辛苦,希望呢段時間快啲過..

首頁
1

尾頁

跳至
你需要登錄後才可以回帖 登入 | 註冊