少年成長今日: 4|主題: 16132

收藏本版

發帖

返回列表

跳至頁

查看: 13565 | 回覆: 0

唔衰得！ [複製鏈接]

csir3290

子爵府

積分: 12791

1^#

發表於 21-10-31 11:12 |只看該作者 |倒序瀏覽 |打印

中國人父母教仔女嘅方法有陣時真係有啲陋習，教仔女除咗「唔錯得」之外，作為父母嘅喺子女面前亦都「唔衰得」！

乜嘢係唔衰得，就係有啲父母喺仔女面前乜嘢情況之下都覺得自己絕對啱晒，有錯都係人哋錯，仲唔可以認低威。

早兩個禮拜睇到網上面有一篇文章投訴有個家長車住個細路等錶位唔唔守規矩，人哋落車話佢嘅時候仲要喺自己個仔面前覺得自己完全冇錯仲鬧返轉頭，最衰係車入面嘅細路仔竟然學埋個呀媽咁鬧人仲哋叫人哋去食屎！呢一種唔守規矩唔可以人哋面前輸仲要死撐嘅家長比比皆是。好常出現嘅就係呢啲唔守規矩嘅情況，仲覺得自己湊住個細路仔就大曬，乜嘢都要讓個細路仔，又或者唔守規矩仲要理直氣壯，俗語講死雞撐飯蓋就呢啲。見到呢啲家長，你都真係費事再同佢哋講，因為根本就冇道理可言。呢啲家長以為會贏咗場交，但最慘嘅咪又係害到自己嘅仔女。

死不認錯，仲要乜嘢都係人哋有問題，到頭來都係害苦咗自己仔女，咁樣教細路仔會令佢哋學到啲乜嘢呢？最慘嘅係細路仔仲有幾十年人要做，學到呢種態度受苦嘅就係佢哋自己嘅仔女。

除咗人哋面前唔衰得之外，喺自己家人尤其是係仔女面前更加唔衰得。呢啲通常喺爸爸身上就更加容易見到，呢種家長喺仔女面前要做到樣樣都識樣樣都曉，自己講嘅就係道理，人哋講嘅就係歪理，仔女出聲嘅唔理講乜都係駁嘴，就算有錯都唔係自己錯一定係人哋錯，當講唔過人嘅時候就用權威或者發惡去令自己嘅仔女甚至老婆屈服。呢啲家長可能喺職業上面就鵪鶉，但係返到屋企就乜嘢都要威要話曬事。其實咁樣對細路仔嘅影響又係好大，因為我哋係平凡人，凡人都會做錯嘢或者有嘢唔識有嘢唔懂，其實正正我哋就係要教識細路仔做人要謙虛，做錯嘢咪認錯同埋道歉囉，唔識咪一齊搵下資料大家一齊了解囉！。如果人哋唔聽自己講，發脾氣發惡就更加差，其實只不過喺度教緊細路仔用脾氣去控制他人。

我自己就覺得喺仔女面前道歉冇問題，做錯嘢其實就應該係道歉，就算嗰個係自己仔女或者老婆都冇問題。另外，更加要話畀佢哋知我哋唔係超人，唔係識得曬所有嘢。更重要嘅就係等佢哋知道遇到唔識嘅嘢就要主動去尋求答案同點樣去搵解決方法，所以我有陣時遇到佢哋問我唔識嘅嘢，我都會喺佢哋面前揾吓書同資料後先至嘗試解答佢哋嘅問題。

有啲家長以為唔衰得，乜嘢都知道乜嘢都話曬事，喺仔女面前就有權威同埋地位，但係我就覺得「極度嘅自卑先至會造成極端嘅自大」，如果身為家長嘅對自己係有信心，根本就唔會擔心喺仔女面前會冇咗地位。教仔女寬容教仔女量度，教仔女謙卑，所有呢一啲嘅品格都係要由家長自己做起。所以家長千萬唔好以為「唔衰得」就係好叻，其實懂得認完先至係最重要，亦都係教仔女最重要嘅一課。

0 0 0

私人傳訊

跳至頁

返回列表

回覆

發帖

熱門搜尋：

少年成長 今日: 4|主題: 16132

瀏覽過的版塊

少年成長今日: 4|主題: 16132