吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 40+人生下半場想點過？

自由講場今日: 3342|主題: 1300035

收藏本版

回覆發帖

返回列表

跳至頁

樓主: singdream

30 31 32 3334

積分: 12469

661^#

發表於 23-8-1 18:28 |只看該作者

本帖最後由 mini122 於 23-8-1 18:30 編輯

singdream 發表於 23-8-1 13:03
實行咗接近一年既40+提早退休生活，依家來檢視下：
1. 辭職之前構思既生活大致上做到，除咗旅居，未能進行 ...

樓主，想問下你同老公係咪一齊退咗？佢有咁多時間陪你去旅行嘅。一齊退應該會開心啲？
第三點可唔可以講多少少？下半埸想要啲咩？
第六點非常同意呀，隨心自在最重要，
唔需要刻意討好任何人

私人傳訊回覆引用

華妹妹

侯爵府

積分: 20160

662^#

發表於 23-8-1 18:38 |只看該作者

3333 發表於 23-8-1 18:13
泰國去玩係幾好，不過我覺得人生路不熟，語言文字唔識，同埋有啲地方幾落後吓，人到老咗多病痛，醫療OK嗎 ...

好多人係擔心治安，我又唔係太擔心，我同c6本身都係大擔既人。
醫療應該ok, 到時唔ok咪番香港。
語言去到學，用英文講住先，再落係就Google translate ，只要有心就乜野都可以克服到。

私人傳訊回覆引用

singdream

子爵府

積分: 12276

663^#

發表於 23-8-1 18:44 |只看該作者

mini122 發表於 23-8-1 18:28
樓主，想問下你同老公係咪一齊退咗？佢有咁多時間陪你去旅行嘅。一齊退應該會開心啲？
第三點可唔可以講多 ...

我老公未退啊，40幾歲炸，佢要繼續搵多d錢，咁我先退得安心嗎～，同埋佢好怕悶，好鍾意做嘢㗎，不過佢份工好易攞假，同埋都多假，公司又準員工WFH，所以佢去邊到都ok，搞掂的嘢就得。

第三點就係，經過疫症、經過勞勞碌碌既上半場，原來我要既嘢唔多，唔洗名牌、唔洗跟風人有我有，我自己只需做自己鍾意既事就得，唔好追悔過去，唔好擔憂未來，好好享受呢刻擁有既野，好好經營自己既家庭，只care家人、好朋友就夠，其他既人，唔會再傷神去理。

私人傳訊回覆引用

3333

子爵府

積分: 10279

664^#

發表於 23-8-1 18:48 |只看該作者

singdream 發表於 23-8-1 13:03
實行咗接近一年既40+提早退休生活，依家來檢視下：
1. 辭職之前構思既生活大致上做到，除咗旅居，未能進行 ...

我同你嘅半退休感受好接近！
辭職後我都減少咗好多「無謂社交」，只想見自己相處舒服嘅人，見完佢哋係輕鬆減壓嘅，而唔係見完返去幾日個心都谷住咁嘅。同老公感情仲好咗，之前返工放工回家係半條人命咁，同老公少咗溝通交流，有時仲會帶工作情緒返屋企。之前工作壓力未必係workload而係人事關係，要顧及好多嘢。有時我寧願柄埋一邊自己埋頭工作唔使同人講嘢。
之前40年好多時唔知自己想點，而家年屆不惑，開始明白自己真正想要嘅係乜嘢，古人真係無講錯，四十不惑，五十知天命。

私人傳訊回覆引用

singdream

子爵府

積分: 12276

665^#

發表於 23-8-1 18:50 |只看該作者

3333 發表於 23-8-1 18:27
之前嘅40幾年接受嘅教育同觀念就係努力讀書勤力工作搵錢買樓結婚生仔湊大新一代再幫手湊孫一代⋯來到UK幾 ...

其實呢種都係我好鍾意既寧靜生活！後生時好似過度活躍症咁無時停，又跳傘又潛水，好怕悶，到依家，我最嚮往既生活係：同一兩個好朋友，或者屋企人，係coffee shop或者屋企，飲下花茶、食下水果，傾下日常無聊事，好簡單好滿足，想像中都係笑容滿面咁，今年呢d場面都出現過幾次啦，知足啦！

私人傳訊回覆引用

singdream

子爵府

積分: 12276

666^#

發表於 23-8-1 19:00 |只看該作者

3333 發表於 23-8-1 18:48
我同你嘅半退休感受好接近！
辭職後我都減少咗好多「無謂社交」，只想見自己相處舒服嘅人，見完佢哋係輕鬆 ...

同你好似！我以前份工壓力好大，人事又煩，我放工係攤係sofa，飯到無食、涼都無沖，訓到凌晨兩點，跟住小朋友同老公已訓覺，我就沖涼再訓，感覺好耐無同屋企人交流過咁，屋企人見我咁疲累，講嘢細細聲驚吵到我，總之氣氛好壓逼，於是咬實牙根，完成自己目標後，就頭也不回地辭職，我想有健康身體去陪老公、仔女多過攬住d錢，呢個時勢，都唔知自己有幾耐命…何必逼死自己？

私人傳訊回覆引用

JChan

水晶宮

積分: 67878

醒目開學勳章 BK Milk勳章

667^#

發表於 23-8-1 19:07 |只看該作者

singdream 發表於 23-8-1 13:03 實行咗接近一年既40+提早退休生活，依家來檢視下：
1. 辭職之前構思既生活大致上做到，除咗旅居，未能進行，小朋友仲讀書中，未能放心

2. 10個月裡面，去咗6次旅行，兩次全家去，4次我同老公、朋友去，好relax好chill，慢活

3. 沈澱咗幾個月，開始明白自己下半場想要既嘢

4. 無返長工，只做PT，內心好平靜，從未失眠過

5. 好少買衫，慳咗唔少錢。以前返工要裝身、壓力大要買嘢減壓，依家著來著去都係果幾套舒服既T shirt短褲。

6. 只見好朋友、親人，其他小小要作狀、講假話既場合都唔去，越來越鍾意呢種心態既自己。

7. 屋企斷捨離，發現間屋大咗好多

8. 同仔女、老公bonding更牢固，因為有心情有耐性去傾計

9. 夜訓咗少少，要改善！盡量12點前訓

.

退休生活差唔多啦

我一定要十點前瞓唔係就耳鳴

私人傳訊回覆引用

3333

子爵府

積分: 10279

668^#

發表於 23-8-1 19:15 |只看該作者

singdream 發表於 23-8-1 18:44
我老公未退啊，40幾歲炸，佢要繼續搵多d錢，咁我先退得安心嗎～，同埋佢好怕悶，好鍾意做嘢㗎，不過佢份工 ...

jm我同你嘅情況差唔多！我老公都係鍾意返工，而家份工佢返得好開心，假期多公司算好睇重佢，我之前提議我哋一齊50歲就退休佢唔制，佢鍾意返呢份工！我同佢同年都係40出頭，而家我提早咗7年半退休，雖然收入係少咗好多但多咗時間煮啲佢鍾意嘅嘢食畀佢，有時間心情陪佢周圍玩，而唔係以前咁放工攰到攤喺梳化訓到不省人事，攰到週末假期寧願訓覺都唔陪佢出門玩。
其他感受同你一樣，原來你係呢個世界上另一個我