吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› Check 手機

少年成長今日: 0|主題: 16047

收藏本版

發帖

返回列表

跳至頁

查看: 25264 | 回覆: 4

Check 手機 [複製鏈接]

csir3290

子爵府

積分: 12213

1^#

發表於 22-7-24 09:29 |只看該作者 |倒序瀏覽 |打印

早幾日同啲同事食晏晝，講下講下話題自然又係講番啲仔女，其中有個同事就講到自從佢個女有咗手機之後，佢就成日都擔心阿女會同啲唔知咩人係啲社交平台度有聯絡，又驚個女畀人呃，所以佢好自豪咁話，佢買部手機畀個女之前就要個女承諾隨時畀部手機佢檢查，而佢個女都會自動畀部手機佢檢查，佢話佢每個星期或者間中就會攞阿女部手機嚟檢查，睇下佢個女有冇畀人蝦或者有冇啲特別情況。我同其他同事都即刻話咁樣佢個女咪好冇私隱喎，我呢個媽媽級嘅同事就即刻話部電話係佢買畀個女嘅，佢當然有權去檢查啦！況且買之前都已經同個女講咗佢會檢查佢個電話。佢話佢連佢老公嘅電話都間唔中會睇下何況係個女呢！不過大家都係同事，雖然我覺得有問題但係都不敢多言。

我諗番自己對仔女，而家都已經有佢哋自己嘅手機，家姐亦都會同佢啲同學喺社交平台度聯絡。但係我同老婆從來都唔會檢查佢兩個部手機，其中最大嘅原因就係每個人都應該有自己嘅空間同埋私隱，就算係細路仔佢嘅私人亦都應該要尊重。所以除非佢哋自己同我哋講，如果唔係我哋一定唔會睇佢哋部手機。我覺得呢度牽涉咗幾個問題，首先雖然話部手機係家長買，理論上應該係屬於家長，但係當你買得部手機畀個細路仔嘅時候，部手機已經係屬於個細路仔自己嘅嘢，你買得部手機畀細路仔就應該要信任個細路仔自己去處理部手機。既然部機係屬於細路仔嘅，唔好話隨便可以攞細路仔部機嚟檢查啦！甚至乎連唔問我都覺得唔應該，問個細路仔可唔可以畀部手機家長睇，你叫個細路仔點答呢，唔想比又驚家長鬧，畀其實又唔願意，咁樣只會越嚟越加劇細路仔同家長之間嘅矛盾，覺得家長唔信任佢哋，冇咗互信好多時就會有爭拗發生。

另外家長擔心細路仔用手機嘅時候唔能夠自律又或者容易畀人蝦又或者容易產生其他問題。咁歸根究底呢啲嘢唔係你畀部手機佢之後用檢查呢個方法就可以解決嘅問題。應該係你畀手機佢之前其實已經慢慢開始教佢哋正確用手機嘅態度，唔用教嘅方法而係只係諗住透過檢查就可以解決問題，可能只不過係令到細路仔更加會將啲嘢收得埋，再加上用手機嘅態度有陣時真係需要家長用身教嘅方式去教佢哋，家長自己其身不正又點樣教到細路仔正確嘅態度呢！

總之用檢查細路仔手機嘅方式，不論係處理細路仔用手機嘅問題又好或者係擔心細路仔喺社交上產生其他問題都好，都唔係一個理想嘅解決方法。最大件事係有啲家長見到細路仔喺社交平台上亂咁講說話或者同人哋有爭拗嘅時候，仲要插隻手落去好似想幫個細路仔出頭而搵人解決問題咁。細路仔用手機種種嘅問題，其實好多時只要家長喺俾手機細路仔用之前，慢慢教導培養佢哋正確嘅態度同埋用法其實都可以避免。再講我覺得人與人之間嘅相處信任係好緊要，所以不能仔女又好，夫妻又好，男女朋友都好，我都好反對美其名就話互相信任大家冇秘密可言，所以大家就可以睇大家嘅手機，其實心底裏反而係一啲唔信任嘅做法。如果家長或者伴侶要用睇手機先至知道對方嘅諗法嘅時候，咁不如諗方法改善一下大家溝通嘅方法仲好。最理想就梗係當仔女遇到問題嘅時候自動會同家長講，不過要做到咁，家長係需要落好多功夫平時處理好同仔女嘅溝通方法。一旦開始咗用檢查嘅方法去睇對方嘅手機，咁檢查到幾時先至停呢！同埋有陣時有啲人檢查係會檢查到上咗癮，一唔睇就會周身唔安樂驚有事發生咁。以為用睇手機嘅方法可以解決好多問題，不如用多啲時間好好地處理好大家溝通同相處嘅方法好過。

0 0 0

私人傳訊

hedhed

伯爵府

積分: 19405

想生BB熱投

2^#

發表於 22-7-31 17:41 |只看該作者

csir3290 發表於 22-7-24 09:29
早幾日同啲同事食晏晝，講下講下話題自然又係講番啲仔女，其中有個同事就講到自從佢個女有咗手機之後，佢就 ...

本帖最後由 hedhed 於 22-8-2 10:21 編輯

太多字，我睇唔晒。我只能同你講，咁細個，唔係事事可以自主，唔知有問題，要家長指引，唔睇住，到出左事，就會發覺自己知得太遲。佢仲肯俾你查時，咪檢，到大個，想自主，就會識鎖機，你到時就睇唔到。

講個例子，我兩公婆都唔打機（唔代表我地唔知佢地有咩玩同唔識玩，只係無興趣）我小朋友同個網友交換寵物，點知俾人俾仲支樹枝佢，換走左佢隻狗。佢仲傻更更唔知咩事。唔係家長睇到，佢聽都聽得多，但身歷其境時，俾人騙左都未知咩事，要大人話佢知，其實你俾人網騙。先知明。

可能你覺得點會唔知，你小朋友鈍。其實我小朋友平時一啲都唔鈍！

私人傳訊

hedhed

伯爵府

積分: 19405

想生BB熱投

3^#

發表於 22-7-31 17:43 |只看該作者

回覆樓主：

本帖最後由 hedhed 於 22-8-2 10:19 編輯

佢係唔知，唔識，估唔到，同無諗過自己真係會遇到⋯

唔識講。宜家咁多有學歷嘅人都會被騙過千萬，我唔明點解你覺得網絡係安全。小朋友唔洗保護，比起你覺嘅私隱，我覺得保護同知道佢搞乜更重要。

私人傳訊

adaho123456

子爵府

積分: 10092

好媽媽勳章畀面勳章

4^#

發表於 22-8-6 20:59 |只看該作者

回覆樓主:

我個女現在17歲，由佢開始用電話果一刻，我就同佢約法三章，我俾錢買機俾佢用，我一定要睇佢個電話，佢當時約十一歲，我話如果佢唔俾我睇，我就唔俾佢用，開頭我經常睇佢電話，隨著佢長大後，我睇佢嘅電話就越來越少，而家我都重可以開到佢電話，但已經冇乜點睇，係有時佢電話APP唔記得關我先會開機幫佢關。
我唔敢講我個女好乖，但起碼佢好多時都會同我講在手機看到嘅嘢和玩遊戲嘅嘢，有D有趣嘅遊戲佢叫我同佢一齊玩，
而家呢個世代要禁止佢哋接觸真係好難，但你可以主動D了解佢哋玩嘅嘢，睇嘅嘢，可以及時對佢哋作出了解和更正，好過乜都唔俾佢知。