人生第一次打水光針
之前從來都未試過做針劑嘅醫美療程,最多都係打下laser。
但之前完成咗total九個月A酸嘅療程,皮膚一路仲係好乾,仲乾到有紋,於是決定都係試吓打水光針。
間嘢都係朋友介紹俾我, total打左3ml 保濕+ 3ml 膠原。
敷咗麻醉九個字之後,醫生極速同我手打水光針,成個過程都好快應該唔使半個鐘。
不過對我來講就真係好痛,雖然敷咗麻醉,但都係純粹麻醉左表皮層,針入到去肉入面都係痛。
不過好彩醫生好快手,所以痛苦嘅過程都唔係維持咗好耐。
啱啱打完嗰陣時塊面好多針窿,又腫,痛到冇咩感覺。好彩第二日放假,有多一日時間休息。
建議做依類療程嘅姊妹都係趁禮拜六日先好做。
但因為有針口位係接近眼,所以都有瘀血。
頭兩日真係唔適宜出街,因為成塊面都好多針窿,要時間恢復。
佢係用納米針頭,即晚返到屋企可以用普通洗面奶洗面同搽保濕。
到第三日塊面先好少少,可以化少少妝出街。到第四日同朋友食飯,朋友都唔覺我有做過啲乜嘢住,不過就話我塊面好似白淨左。
至於保濕程度可能要過多一兩個禮拜先開始feel得到,不過而家塊面嘅細紋好似少咗,唔知係咪心理作用。
我再過多兩個星期再update下大家。