單親天地今日: 0|主題: 18393

收藏本版

發帖

返回列表

跳至頁

查看: 21242 | 回覆: 5

應該將會做未婚媽媽 [複製鏈接]

FW2023

別墅

積分: 518

1^#

發表於 23-1-2 12:42 |只看該作者 |倒序瀏覽 |打印

意外有咗24週左右，發覺男友完全唔想負責任…唉…
不過即使一早知，我諗我都會生落嚟，因為年紀唔細，今次可能係唯一一次有機會生下自己嘅寶寶。
但一旦未婚生子，相信將來會面對好多好多…
所幸自己有份穩定工作，月入30k左右，同父母住細佬一家移咗民，生咗就4個一齊住，父母都好支持我生。但佢哋始終年紀大，唔想佢哋太辛苦，可能生完請個保姆/鐘點每日幾個鐘幫輕吓公公婆婆，佢哋有幫手下湊應該ok返d。
2歲就入希望佢入到N班，預咗工餘時間都比晒佢，陪玩陪做功課。
我自己睇件事都係正面嘅，但又驚自己諗得太簡單，始終未做過人阿媽，究竟30k夠唔夠養小朋友？想知多d單親現況可以作好d準備，亦希望喺度識到d同路人互相傾訴、支持吓，希望大家多多指教。

另外，都想問吓大家意見，男朋友本身係單親爸有個女，自稱要養女及父母負擔重，講明唔可以金錢支援到BB（但我知佢係仲有嘅，不過唔想拎埋出嚟啫⋯⋯）要我獨自養，佢話可付出有限度時間陪伴，咁女女起碼仲有同爸爸相處機會，唔會冇爸爸。
但經過佢表態我已經好心淡好心淡，好想同佢分手，但分手後我相信佢好大機會會不聞不問，個女永遠未見過老豆都唔定。佢好錫自己本身個女，所以我又有d期望會唔會生咗落嚟之後佢哋有緣份會越嚟越錫個女？我哋仲可以一齊行落去？