心聲留言

跳至

首頁
1

尾頁
   1


民房

積分: 26


發表於 23-1-21 23:32 |顯示全部帖子
呢個做法大家可以參考下是否適合自己。

佢地既做法係:
會搵個靜靜地既地方寫一封信,將自己對逝者既心聲好好咁寫出來。
將(以下只供參考,可自行選擇/加減/更改):

唔開心/灰心既時候
有遺憾,如果時光可以倒流既話,想再做好D/重新再來過既事
感受到對方既付出、善意,所以想多謝對方既事
對方做錯,想原諒對方既事
對方做錯,無得原諒對方既事
自己做錯,想對方原諒自己既事
自己做錯,覺得好羞愧唔值得對方原諒既事
關係入面受到既創傷/冤屈/不公
覺得羞於啟齒既事

令你印象最深刻既開心/唔開心既野
你曾經對呢段關係既期望/憧憬
想永遠停留係度的美好時光
最後想對方知道既心聲

完完整整,仔仔細細咁寫哂出來。 無論係歡樂同淚水,滿足同遺憾都詳細咁寫哂出來。
因為呢D都係好重要既回憶,係人生中不可磨滅既一部分,值得好好正視及表達。
寫信改變唔到D咩,但無論結果如何,都值得將自己既感受好好咁寫出來。

然後當逝去既親人係你面前,清清楚楚咁講一次俾佢聽,將心底話好好咁講出來。
講完之後同呢段關係,同逝去既親人,好好咁講再見。

之後視乎唔同人既選擇,可以銷毀信件,作為人生中一段重要關係既休止符;
亦都可以選擇保留信件,在適當時間拿出來回憶。


大宅

積分: 4499

2023勳章


發表於 23-1-21 23:59 |顯示全部帖子
自小有恕憤會寫紙上 , 睡前沐浴時把紙燒棄 。不令事件把自己圍繞 。


侯爵府

積分: 23759


發表於 23-1-22 00:53 |顯示全部帖子
本帖最後由 小圓圓 於 23-1-22 00:58 編輯

親人去左先講無咩實質意義, 但將心底話詳細道出, 不失為抒發情緒的好方法
好好珍惜眼前人, 平時要多溝通, 有咩趁佢仲係度時同佢講清楚, 免得遺憾
親人又好, 朋友又好, 趁佢地健在時要對佢地好, 第日唔一定有機會



民房

積分: 26


發表於 23-1-22 01:01 |顯示全部帖子
回覆 小圓圓 的帖子

該多謝既多謝,該原諒既原諒,該道歉既道歉,該講既講出來...,呢D野就算親人已過身都需要好好去做佢,完成佢
所以就算親人已過身後去寫信,都唔係完全無意義的,都係去完成一些需要完成既事

當然親人在生之時可以完成哂就更好,但做人無需完美





民房

積分: 26


發表於 23-1-22 01:03 |顯示全部帖子
hihi123ah 發表於 23-1-22 01:01
回覆 小圓圓 的帖子

該多謝既多謝,該原諒既原諒,該道歉既道歉,該講既講出來...,呢D野就算親人已過身都 ...


都係去完成一些關係中需要完好好完成既事


大宅

積分: 2128


發表於 23-1-22 01:17 |顯示全部帖子
回覆 hihi123ah 的帖子

其實我哋中國人都有寫信給逝去的親人的習俗,之前我都寫过一封信比我過咗身的屋企人,跟著就燒咗封信比佢,之後就發夢見到佢,唔知算不算報夢。係喎!其實啲鬼佬会不会好像中國人咁燒信?还是寫完封信就算?


民房

積分: 26


發表於 23-1-22 01:35 |顯示全部帖子
回覆 Catty2020 的帖子

佢地會想搵信得過既人讀一次封信,真係無人可以聽自己封信就自己讀一次信既內容。之後要同果個人講再見,之後收埋封信係安全地方。


詳細可以看一本叫The Grief Recovery Handbook, 20th Anniversary Expanded Edition: The Action Program for Moving Beyond Death, Divorce, and Other Losses including Health, Career, and Faith既書。

點評

零食狂    發表於 23-1-22 03:02


大宅

積分: 2128


發表於 23-1-22 01:36 |顯示全部帖子
本帖最後由 Catty2020 於 23-1-22 01:43 編輯
hihi123ah 發表於 23-1-22 01:01
回覆 小圓圓 的帖子

該多謝既多謝,該原諒既原諒,該道歉既道歉,該講既講出來...,呢D野就算親人已過身都 ...

我很認同你的觀點。就算親人已過身,我們仍然可以寫信抒發我們对逝者的思念,跟逝者交流,如同在清明和重陽節的時候,我們也会上山拜祭逝者一樣,呢啲係我們作為後人需要去完成的事。


民房

積分: 26


發表於 23-1-22 03:36 |顯示全部帖子
回覆 Catty2020 的帖子

"我很認同你的觀點。就算親人已過身,我們仍然可以寫信抒發我們对逝者的思念,跟逝者交流,如同在清明和重陽節的時候,我們也会上山拜祭逝者一樣,呢啲係我們作為後人需要去完成的事。"
大家既理解側重點不同。

可能你既觀點比較側重於傳統上作為後代對於逝去親人既責任,例如上山拜祭逝者,同時與逝去親人交流情感,表達追憶思念。

我既出發點係側重於一段關係入面相處既過程中產生左好多野,而呢D野累積左等緊你去完成佢。例如你做錯事需要向佢道歉,佢做錯事需要你原諒,佢幫助過你你好感激想多謝佢,佢令你有其他某D開心,傷心,無奈,焦慮,後悔,欣慰等感覺而呢D感覺未好好表達等等。。。咁而家親人逝世,人世間既關係結束左,但呢D野就仲積左係度等待緊去完成。
做該做既意思係呢度係,完成左關係入面要做既野:將係一段關係入面未道既歉道左佢,未原諒既原諒左佢,未多謝既多謝左佢,未鬧既鬧左佢,未讚既讚左佢,未講既講左佢。。。咁一段關係入面將呢D野完成晒啦,就無野需要再做,就可以放下呢段關係啦。

當然兩者無衝突的。完成左一段關係中既所有野,都可以履行後代責任,拜祭逝去親人,表達懷念。

咁點完成呢?就來到第二個觀點不同既地方:傳統既思念追憶,個人理解係係心入面去諗,或者對住先人靈位去講;外國既做法,係要坐係度用筆寫上面講既野,之後如果可以,就最好揾人讀一次信中內容,真係唔得就自己讀一次,最後要講再見(goodbye),之後收好封信。外國就認為咁樣有效D。


當然兩者係無衝突的,你可以考慮如何做才最好。


點評

Catty2020    發表於 23-1-22 21:24


琥珀宮

積分: 186805

2023年兔年勳章 2023勳章 好媽媽勳章 畀面勳章 環保接龍勳章 BK Milk勳章


發表於 23-1-22 09:38 |顯示全部帖子
本帖最後由 小傑媽媽 於 23-1-22 09:39 編輯
hihi123ah 發表於 23-1-22 03:36
回覆 Catty2020 的帖子

"我很認同你的觀點。就算親人已過身,我們仍然可以寫信抒發我們对逝者的思念,跟逝 ...

我都贊成呢個做法,逝者已矣,但感覺仍在,過去既一切亦不能因此而抹殺,將對故人既思念,懊悔,歉意,感激,寬恕,求諒……各種情懷筆錄低,寄送給遙遠的他,好好咁同佢道別,讓天上的他知道你既心意,好讓佢安息,亦了左自己既一件心事,為彼此劃上一個完美既句號,都係一個好好既做法!

點評

Catty2020    發表於 23-1-22 21:24


大宅

積分: 2128


發表於 23-1-22 21:22 |顯示全部帖子
hihi123ah 發表於 23-1-22 01:35
回覆 Catty2020 的帖子

佢地會想搵信得過既人讀一次封信,真係無人可以聽自己封信就自己讀一次信既內容。 ...
這本書有冇中文翻譯版㗎?我不太明白為何要佢地要揾信得过嘅人幫手讀封信出嚟,其實唔係自己親自讀翻自己封信會仲好啲咩?


民房

積分: 26


發表於 23-1-22 21:28 |顯示全部帖子
本帖最後由 hihi123ah 於 23-1-22 21:44 編輯

回覆 Catty2020 的帖子

係我表達唔好,係自己讀一次封信俾信得過既人聽


侯爵府

積分: 20671


發表於 23-1-23 04:04 |顯示全部帖子

回覆樓主:

我有咁做,將自己想和親人講的寫在信中,儲埋,下次探(拜) 佢時燒俾佢


大宅

積分: 2128


發表於 23-1-23 14:07 |顯示全部帖子
CSS701 發表於 23-1-23 04:04
我有咁做,將自己想和親人講的寫在信中,儲埋,下次探(拜) 佢時燒俾佢
你每次燒完封信之後,你那位逝去的親人之後有冇回應你?如報夢之類。我那次燒信之後,過咗一陣子就夢見佢,不過唔知道係咪心理作用呢?!


侯爵府

積分: 20671


發表於 23-1-23 14:27 |顯示全部帖子
Catty2020 發表於 23-1-23 14:07
你每次燒完封信之後,你那位逝去的親人之後有冇回應你?如報夢之類。我那次燒信之後,過咗一陣子就夢見佢, ...

唔記得了
在她走後的1,2 年我經常夢見她,有幾個夢境仲好真實!
但呢2年很少,幾個月都無一次
她已走了7年了

首頁
1

尾頁

跳至
你需要登錄後才可以回帖 登入 | 註冊