板燒雞腿包單價只係$24.5,其實正價買套餐好搵笨!你睇吓單買飽同套餐嘅差距,會發現某些食品轉套餐係差異好大。我家常買芝士安格斯,轉套餐加$13,但板燒雞腿包轉套餐係加$17.5。所以你話平左$12,其實冇平咁多囉!
另外,脆辣雞腿包單價係$24套餐係$41.5,而板燒雞腿包單價係$24.5套餐係$42,但優惠卷竟然板燒雞腿包餐要加$6,但脆辣雞腿包餐唔使加錢!
當然,買優惠券之後板燒雞腿包套餐價錢係$31,薯條同飲品只需要額外加$6.5,係抵食左,但係如果你有麥樂會、PayMe、HSBC Red card咁你會發現好多優惠用唔到,一加一減之下,真係唔係相差得好遠。不過我都會買一/兩套,因為我仔囡鐘意食9件雞,平時我單買$26,而家套餐都係$25,呢個抵,優惠卷嘅其他包我屋企人都唔鐘意食!