吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 1-3歲› [已解決] 雙職家庭同小朋友相處時間

1-3歲今日: 2|主題: 19359

收藏本版

回覆發帖

返回列表

跳至頁

查看: 21361 | 回覆: 21

[已解決] 雙職家庭同小朋友相處時間 [複製鏈接]

patpat6688

別墅

積分: 853

1^#

發表於 23-3-2 13:22 |只看該作者 |倒序瀏覽 |打印

本帖最後由 patpat6688 於 23-7-4 16:09 編輯

4/7/2023 最新update:
趁BB準備18月個大, 已向嬤嬤提出7月起接佢番屋企訓
接左兩日, 朝早早半個鐘起身送佢去嬤嬤度,
食完晚飯再接佢番屋企訓

試左兩日, 結論係夜晚好唔夠訓, 朝早接送到出哂汗
但臨訓前同起身都見到BB覺得好滿足
覺得盡左媽媽責任, 精神健康都好左
都唔怕同媽媽唔親
同唔再擔心唔夠時間相處
因為覺得抱佢周圍行果段路已屬相處
btw, 多謝咁多位JM比既寶貴意見

----已解決, 保留作參考-----

13個月大囡囡放左係住附近既嬤嬤湊, 星期一至五兩公婆都要返工, 放工7點返到去嬤嬤屋企食飯. BB八點半飲睡前奶然後同嬤嬤訓, 我地兩公婆就返自己屋企過二人世界。
放工得一個鐘可以真正同BB 相處, 中間仲有好多打擾

諗過放工接BB 返自己屋企，但返到去得訓覺, 訓醒要帶去嬤嬤到, 等於無相處

雙職既家長你地返工係邊個幫手湊, 平日係點爭取同BB 相處既時間, 而你地相處時又會做D咩去加深你地間既關係?
同埋你地放假又會同BB做D咩架?

0 0 0

私人傳訊回覆引用

LOVE074

子爵府

積分: 10091

2^#

發表於 23-3-2 14:13 |只看該作者

patpat6688 發表於 23-3-2 13:22
13個月大囡囡放左係住附近既嬤嬤湊, 星期一至五兩公婆都要返工, 放工7點返到去嬤嬤屋企食飯. BB八點半飲睡 ...

未生B前懷孕三個月左右，已預測到以上問題，同老公一致認同請工人

私人傳訊回覆引用

Nbs

水晶宮

積分: 55826

3^#

發表於 23-3-2 15:39 |只看該作者

回覆樓主：

本帖最後由 Nbs 於 23-3-2 15:52 編輯

請工人
我都係7pm放工，返到屋企通常小朋友已經沖咗涼。咁我地就一齊食飯，食完飯就可以玩一陣，以前要泵奶就邊泵邊食或邊泵邊玩。細嗰個8:30pm瞓，大嗰個就9:30至10pm. 我搞掂大嗰個佢瞓着後，細嗰個係同我瞓的。
因為我有兩個，大嗰個又比較demanding, 所以其實我比細嗰個嘅時間好少，但係佢都好痴我。我覺得最大原因係因為夜晚我同佢瞓，佢好醒瞓但我都係自己湊返晒。

私人傳訊回覆引用

uckukuku

男爵府

積分: 9047

4^#

發表於 23-3-2 20:18 |只看該作者

夜晚有二人世界好開心，無時間相處因為要俾嫲嫲湊要跟佢時間

如果覺得親子時間緊要啲，我寧願唔要夜晚的二人世界，請工人，BB放返係自己屋企，節省移動時間，早上起身可以見到BB，晚上回家可以陪玩一陣唔駛頻撲差好遠

私人傳訊回覆引用

uckukuku

男爵府

積分: 9047

5^#

發表於 23-3-2 20:24 |只看該作者

13個月大行路ok未，你親子時間少到咁，唔需要唸到好複雜，捉小朋友陪你去屋企附近買下日用品，去公園瀡兩下滑梯，全程捉緊她隻手瘋狂傾偈已是很高質的親子交流

私人傳訊回覆引用

CCHINGC

子爵府

積分: 10441

6^#

發表於 23-3-3 12:37 |只看該作者

我地都係雙職家庭，請工人姐姐，朝早起身老公負責叫醒細仔，換片、換衫、刷牙等，我就叫醒大囡，處理大女嘅事，4個人一齊食早餐，之後我送大女返學，有時會帶埋細仔，送左大女入學校，就帶細仔去買餸，之後返工，星期一至五，大概兩至三日會咁做，餘下我需要返早，就由工人姐姐送返學，細仔由住係隔離嘅老爺奶奶幫手睇，放學就由老爺幫手接。

晚上我老公大約6點左右返到，會睇住佢地，我就7點左右回到家，一齊食晚飯，之後我就睇下大女功課，老公就同細仔玩，再四個人一齊玩、食水果，然後仔女瞓左(各自係自己床瞓)，我同老公就會傾下偈、二人世界一下先瞓。

星期六早上我帶細仔上playgroup，下午返工或者同大女去玩，星期日、公眾假期一定係一家四口出動周圍去，而平日紀念日、生日等，晚上就會二人世界去食餐飯，由工人姐姐睇住佢地。

如果每日有固定而優質嘅相處時間，即使係父母都要工作，親子關係仍然可以好好，我比較好彩老爺奶奶住隔離，可以幫下眼，平日都唔會只係工人姐姐係屋企，同時，我份工又比較彈性，所以，我亦盡量抽時間送返學，教育責任始終係父母度，其他人只可以分擔照顧個部份

私人傳訊回覆引用

cpycpyhelen

男爵府

積分: 6325

7^#

發表於 23-3-5 11:29 |只看該作者

patpat6688 發表於 23-3-2 13:22
13個月大囡囡放左係住附近既嬤嬤湊, 星期一至五兩公婆都要返工, 放工7點返到去嬤嬤屋企食飯. BB八點半飲睡 ...

既然住附近，會唔會夜晚湊返屋企自己湊，朝早先放係嫲嫲度？

私人傳訊回覆引用

monitorliu

複式洋房

積分: 199

8^#

發表於 23-3-5 18:35 |只看該作者

patpat6688 發表於 23-3-2 13:22
13個月大囡囡放左係住附近既嬤嬤湊, 星期一至五兩公婆都要返工, 放工7點返到去嬤嬤屋企食飯. BB八點半飲睡 ...

我會揀早上放係嫲嫲到，夜晚一齊食飯後接返。雖然辛苦 D ，但可增進BB關係

私人傳訊回覆引用

你估我唔到

男爵府

積分: 6938

牛年勳章 2018復活節勳章開心吸收勳章

9^#

發表於 23-3-10 14:49 |只看該作者

放工就接BB返屋企..
你呢句 "諗過放工接BB 返自己屋企，但返到去得訓覺, 訓醒要帶去嬤嬤到, 等於無相處", 唔知你有冇真係試過? 你BB咁乖晚晚都一覺訓天光唔會有扭下計/發下夢/喊下咁??
如果你BB會, 你同佢訓, 半夜都係你抱返佢攬返佢拖實佢手, 半夢半醒佢聽到既係你把聲拖住既係你隻手, 而唔係嫲嫲, 佢訓醒第一個見到既人又係你...果種bonding已經爭好遠...

私人傳訊回覆引用

Nbs

水晶宮

積分: 55826

10^#

發表於 23-3-10 17:58 |只看該作者

你估我唔到發表於 23-3-10 14:49
放工就接BB返屋企..
你呢句 "諗過放工接BB 返自己屋企，但返到去得訓覺, 訓醒要帶去嬤嬤到, 等於無相處", ...

你講得好啱，我表達能力無你咁好
我一路都係同細女瞓。每朝起身佢第一句係"媽媽", 然後見到我會笑。早咗醒的話我地會喺床到攬下錫下抱下。都係好重要的bonding.

私人傳訊回覆引用

平凡是我

大宅

積分: 2079

11^#

發表於 23-3-14 13:55 |只看該作者

未返學，可以午睡多一次，夜晚唔洗咁早訓，可以見耐d，不過唔係自己湊要睇照顧者意向，不過你應該想想打算以後呢個模式生活下去？小朋友唔會同你關係好親密了

私人傳訊回覆引用

fafaryry

大宅

積分: 3602

12^#

發表於 23-3-14 16:15 |只看該作者

本帖最後由 fafaryry 於 23-3-14 16:16 編輯

我、老公、小朋友同老爺奶奶一齊住。唔單止係雙職父母，老爺奶奶都係有工作。
由小朋友3個月起，我放完產假，就要6點幾起身，餵完奶就湊佢去公司附近既保姆姨姨到再返工。
放工就接返佢走，返屋企親自照顧返佢，包括之後預備加固既食物都係自己親自做，直到佢2歲入到N班，都依然係我接送放學。

係辛苦，係勞累，但係好開心，因為親自睇住佢成長，照顧到佢係自己同老公既責任。當然有時奶奶老爺都會幫手，間唔中有一晚就同老公拍拖睇戲食飯，但九成時間都係我同老公主力照顧、陪玩、陪訓，星期六日既時間都會帶佢周圍行，周圍玩。

小朋友同我地既關係都好好，好開心，我同老公都好清楚佢脾性，了解佢需要，有好好既親子關係，呢啲係時間陪伴儲返黎。

如果第時大個你同先生都唔後悔，小朋友由細到大都係親嫲嫲，有咩第一時間搵嫲嫲，咁可以唔作任何改變。

私人傳訊回覆引用

小嘍囉

複式洋房

積分: 190

13^#

發表於 23-3-18 14:16 |只看該作者

我都係雙職家庭，不過同奶奶一齊住，我女依家21個月大，由細到大都係奶奶湊，冇工人。我同公放工返到去會接手湊返。我放工返到屋企18:30-19:00，會叫我女先，等佢知我返咗，之後我即刻去沖涼接手湊返（奶奶煮飯），餵女食飯我自己餵（阿女食飽，到我老公接手湊住先），我9秒9食飯，盡量20:15食飽。之後3人一齊落街行15分鐘，同阿女互動下，抬頭一齊望下月亮、星星、街上車車等，傾下計(我講阿女聽，因我女未講嘢，但明白我講咩嘅），製造係親子時間。
返上樓差不多9點，會即刻開奶準備訓教。奶未啱飲前，會喺床唱一兩首歌先。一般21:30-22:15訓著。朝早7:30-8:00起身，我跟手換片、擦牙、抺面，出廳奶奶會做好阿女早餐(多數湯通粉、麥皮…)大多數我餵早餐，之後我先返工。(返10點)

星期六、日自己湊返，可以報下playgroup，有啲堂6個月就有得上~

唔洗擔心，阿女會感受到你係媽媽~
加油！

私人傳訊回覆引用