故事好長，長話短說，前夫出軌，5要我同個囡。傾離婚時，前夫答應將名下嘅居屋轉名俾我。因為冇咩其他爭議，前夫話5請律師，由佢入紙攪。但我想有多啲保障，因始終牽涉有層樓，所以，我請律師處理，做「申請」個一方，佢冇搵律師。
年初，出左「絕對離婚令」，點知就係惡夢嘅開始。我拎齊文件向房協申請「居屋轉名」，但房協拒絕，原因係根本5可以轉名，因我響e間居屋係「冇名」。
居屋係前夫同前99響N年前聯名購入，一直係佢地兩母子居住。我婚後曾經住過響居屋一段短時間，當時冇加名，亦5知道要加名。婚後一年儲夠首期，我同前夫就搬出，居屋就一直由前99居住，直至前99因病過世，間居屋就一直丟吉。
自從搬離居屋，我同前夫同埋個囡一直住響自置私樓，再後來我哋賣左私樓租屋住。
離婚時，律師有提醒前夫先處理前99居屋除名嘅手續(因已過世)，但就冇提過要我先加名。直至房協拒絕，我問番律師點算，律師噏咗一堆嘢，簡單講就係話房協5批准都冇辦法。我問：「我聘請你地就係要保障我嘅利益，點解E家攪成咁？」佢哋就即刻撇清關係，話：「你聘請我地係攪離婚，咁你而家已經離到婚，我哋已經做妥曬野。」
我徬徨無計，又打番去問房協可以點處理，來來回回解釋咗一堆嘢，大概意思係要我先補地價，補左地價，居居就當成私樓性質，可由前夫轉名俾我。補地價係天文數字，談何容易⋯我嬲自己無知(5知要加名)，又嬲律師樓嘅卸責，曾經諗過索性5要間居屋，一了百了就算，但屋企人話點都應該要間屋，覺得係我應得嘅，而且同個囡亦要有瓦遮頭，寧願借錢俾我補地價⋯掙扎左一輪，最後唯有決定補地價。
因為已經唔再相信原本的律師樓，我另外搵過一間，電話查詢時，我將個故事大致講左俾個師爺聽。師爺話層樓係「送贈樓」，第時新樓契上會寫「$0」，有啲銀行未必肯做按揭。下？真係晴天霹靂，新買家未必做到按揭，咁層樓咪即係賣5出冇價值？
1.請問係咪真係如師爺所講，層樓會成為「送贈樓」？
2.請問「送贈樓」係咪真係會有機會做5到按揭？
3.如果層樓真係做5到按揭，只可自住，咁仲應唔應該補大筆地價落去，定係真係放棄5要呢？
4. 除咗補地價之外，請問仲有冇其他更好嘅方法解決呢？
身心疲累，以為終於可以告一段落，點知又要面對重重波折。律師撇清關係，一句話就開脫了。孤立無援，又5敢將煩惱嘅事講咁多俾屋企人知，只好求助BK JM，請高人指點，謝謝各位！
發表於 
返回列表
