Taitaimui 發表於 23-10-24 17:15 
同埋都睇你打緊咩工
如果長期wfh…真係唔使做ftm都有ftm既好處，錢又有人又有
...
以前邊有咁多工可以WFH，疫情前一星期返足五日，我返八點放五點，好在準時放到工，不過都會有OT，但就係一年10次以下，以前仲有一年一次出差，後來公司要cut budget就冇再要我去。但我係仔女小學時必定請假去學校做義工，帶隊去field trip幫手搞活動，當時D大假都係用於仔女放假同呢D義工工作上，所以仔女覺得我係好多參與佢地學校活動，反而佢D同學有媽媽係FTM都懶得去學校。而家所謂WFH有時仲忙過返工，有時坐足一日對住部電腦，衰過返公司做嘢，係好在慳咗交通時間同唔駛化妝打扮。
星期六日我同老公帶仔女去上興趣班，去吓公園、圖書館、食吓嘢、陪我行街買餸已經滿足，佢地話只要有爸媽陪就夠。
親子關係絕對需要培養，而培養亦必須要時間同心機，FTM又好，WM又好，最緊要係放時間喺仔女身上，培養感情要嘅係心，就算係陪喺身邊但心不在焉都係冇用。我見弟婦放侄仔自己玩，佢一直喺旁邊玩手機，個仔叫佢陪佢砌積木，佢眼都冇離開過部手機，呢種FTM有鬼用，口講湊仔，其實根本冇理過仔。
花旗太太生活在花旗國，留意時差，你問我未必即時答到。
發表於 
返回列表
