回覆樓主:
各人選擇唔一樣,冇話全職主婦或全職工作邊樣好d, 睇你自己性格同仔女需求。我仔女仲係bb時,我好想做辭工湊大佢地,兩次都同老公吵大鑊,佢話唔好為仔女做咁大犧牲,職場最現實,之後幾年未必揾到好嘅(當時份工彈性大,時間ok), 我有媽媽幫手睇住仔女,於是就繼續做全職工作,每個月請假去學校做義工,每晚有時間pillow talk, 如是者,仔女已經就快上大學,我同佢地感情好好,雖然兩個都到咗反叛年齡,我地一家冇雞飛狗跳,相處好融洽。不過我地冇點去旅行,冇去過主題公園,一來仔女唔太有興趣,二來d錢儲俾佢地上大學。
我想話唔一定全職主婦就會母慈子孝,全職工作一樣可以。
花旗太太生活在花旗國,留意時差,你問我未必即時答到。