吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 老公成屋女人冇來往都可以心寒

婆媳關係今日: 0|主題: 27749

收藏本版

發帖

返回列表

跳至頁

查看: 50758 | 回覆: 22

老公成屋女人冇來往都可以心寒 [複製鏈接]

mmk2

洋房

積分: 57

1^#

發表於 23-11-18 22:47 |只看該作者 |倒序瀏覽 |打印

結婚四年，講吓背景。老公大我十三年。
我同老公係閃婚，老公有一個家姐一個阿妹，從來唔會有節日聚會，家庭聚餐。可以話極少見大家冇電話號碼。
老公可能由細到大係女人堆中成長，脾氣eq勁好，我同佢從來唔會鬧交。家姐嫁唔出，同奶奶一齊住。不過老公亦都好驚家姐同奶奶，佢夾喺中間好慘好似成日要睇佢哋面色做人。做屋企生意，日日準時九點返工，除咗公眾假期有假，平時唔會有假期，衰啲講句慘過打工，打工都有年假。試過想連住公眾假期多兩日假都俾佢屋企啲女人俾說話佢聽又話做掛住玩唔做嘢。
結婚初期都會聽到奶奶打電話會問老婆有冇蝦佢？
.
待續

0 0 0

私人傳訊

mmk2

洋房

積分: 57

2^#

發表於 23-11-18 22:54 |只看該作者

本帖最後由 mmk2 於 23-11-18 22:54 編輯

mmk2 發表於 23-11-18 22:47
結婚四年，講吓背景。老公大我十三年。
我同老公係閃婚，老公有一個家姐一個阿妹，從來唔會有節日聚會，家 ...

有次睇我老公電話，見奶奶會無啦啦message佢話「你呢個老婆唔掂呀」但係我同佢冇接觸冇磨擦，睇返message都冇前文後理，完全get唔到有咩唔掂, 有啲躺着也中槍嘅感覺。

亦都見過佢阿媽message佢「而家經濟好差好多人失業，點解你老婆咁虛榮啊？喺屋企打邊爐食牛肉都要post出嚟。」我老公都覆返我奶奶，下Donki牛肉咋喎。我真係拗晒頭亦都睇到好心寒，心諗到底佢係小題大做，定係精神有問題？
但係奶奶並不是嗰啲非常樸素節儉嘅奶奶，係每次出來都會襯晒衫，襯晒鞋，H手袋嗰種。

私人傳訊

mmk2

洋房

積分: 57

3^#

發表於 23-11-18 23:00 |只看該作者

mmk2 發表於 23-11-18 22:54
有次睇我老公電話，見奶奶會無啦啦message佢話「你呢個老婆唔掂呀」但係我同佢冇接觸冇磨擦，睇返message ...

我同佢哋平時冇來往，直頭冇接觸，過時過節我又買下月餅叫人送過去。之前都會星期日同奶奶食吓lunch，不過因為有一次母親節我飛咗，我老公就即刻俾奶奶話佢唔理阿媽，奶奶仲要喊喎。我深感無奈，因為我心諗平時都冇儀式感㗎啦，做咩因為我哋飛咗而要即刻講到我哋好似特登唔同佢食飯咁呢？我老公就即時取消咗自己張機票，喺香港陪幾個女人食飯。我就同我媽同bb飛。
雖然我都很無奈，不過我都覺得好小事，加上我好獨立唔一定要老公陪，所以我冇問題佢取消咗張機票留喺香港。不過當然心裏面有啲委屈啦。不過自從呢件事之後星期日lunch就冇見過奶奶。

私人傳訊

mmk2

洋房

積分: 57

4^#

發表於 23-11-18 23:06 |只看該作者

mmk2 發表於 23-11-18 23:00
我同佢哋平時冇來往，直頭冇接觸，過時過節我又買下月餅叫人送過去。之前都會星期日同奶奶食吓lunch，不過 ...

自從呢件事之後就半年冇再同個奶奶食lunch，所以基本上同佢成家女人冇來往冇聯絡。

我自問唔計較，亦都費事理佢哋，最多做好自己，過時過節送吓禮就算。佢哋拎唔領情都好，唔關我事。

之前啱啱結婚初期，都見到佢阿妹有打小報告，話見到我着嘅衫好貴，價值幾多幾多錢叫我老公小心啲，驚死我用我老公錢咁。但係其實我自己有做生意。自己絕對買得起。我都睇到我老公又為我講說話。
不過我老公為咗唔想得罪女人，令到更加麻煩，所以都唔會鬧佢哋多管閑事。

私人傳訊

mmk2

洋房

積分: 57

5^#

發表於 23-11-18 23:11 |只看該作者

mmk2 發表於 23-11-18 23:06
自從呢件事之後就半年冇再同個奶奶食lunch，所以基本上同佢成家女人冇來往冇聯絡。

我自問唔計較，亦都費 ...

其實我同佢哋嘅過節應該就係起源於，佢哋一早講過直頭唔想我玩social media，佢哋兩姊妹會用自己Account偷睇我嘅嘢，奶奶唔識玩，但係可能有人同佢打小報告。佢哋係極之保守，我連大肚嘅時候影相，有人打小報告俾奶奶知，佢都話激親喎。初頭我真係覺得好委屈，我會覺得呢啲係我自己嘅事，我又唔係做啲咩好過分嘅行為，又唔係出去爛玩飲酒唔顧家。玩社交平台都係現今社會好平常嘅事，點解好似我好有問題咁？同埋點解連呢樣嘢都要控制我？
初頭我都會好唔開心，不過到最後我都冇屈服，我繼續我嘅嘢，因為我覺得根本冇問題。不過可能佢哋暗雅底就好不滿我冇聽佢哋話。

私人傳訊

mmk2

洋房

積分: 57

6^#

發表於 23-11-18 23:14 |只看該作者

本帖最後由 mmk2 於 23-11-18 23:23 編輯

mmk2 發表於 23-11-18 23:11
其實我同佢哋嘅過節應該就係起源於，佢哋一早講過直頭唔想我玩social media，佢哋兩姊妹會用自己Account偷 ...

再加上我諗佢阿媽寧願我老公單身都唔想佢結婚，所以我覺得應該任何女人佢都會睇唔順眼。
之後我就平常心了，我有時都會同自己講少來往少接觸，就算佢講我壞話都係背後講起碼唔係我面前講，都係好事嚟嘅，起碼唔使我面對。

不過間中諗到我都有同我老公講，我睇到佢哋咁樣喺背後話我，我覺得委屈。我覺得自己好似一個外人咁。不過其實都冇乜意思因為我老公夾喺中間都冇嘢可以做到。

我亦都冇諗過要修補關係，因為我諗如果佢地對我係有偏見，我都冇計。

我個人唔圓滑，唔會包裝，唔識刻意討好
如果你哋有好啲嘅諗法，不妨話我知，我都想知咁奇怪嘅關係有冇辦法可以解決？(emoji)