fivebeanrice 發表於 23-12-7 18:15 ![](static/image/common/back.gif)
佢已經改善左,只係遲左20分鐘,以前唔出聲,佢可以遲1小時,至少3次
遲20分鐘好似唔係太耐,但已經顯示呢個人嘅計劃能力好差,亦關乎自制力。我老公有個朋友好經典,永遠唔準時,普通遲1小時,慢慢去到個半鐘、兩個鐘、三個鐘,幾個相熟朋友每次約都會估吓呢個朋友果次又遲幾耐,後來有次夾埋約呢個人時,大家齊齊遲個半鐘,點知呢個人依然係最遲果個,後來大家都放棄再約佢。到我同老公結婚(我老公係朋友中最遲婚果批),呢個朋友居然冇遲到(唔算早到),真係俾面啦。
我有一個朋友嘅前男友又係遲到大王,約咩人都遲到,最令朋友頂唔順嘅係每次約朋友屋企人食飯都遲,我朋友每次約人都係一早化好粧換好衫,但永遠都等佢男友換衫剃鬚梳頭,男人之家兩三小時先出到門口,搵位泊車又奄尖,永遠都係兜圈搵位好耐,有次前男友同事擺酒,佢遲大到,所有賓客都已經坐好晒,已經上到炸子雞,我朋友望下個錶再望入酒樓裡面就掉頭走,叫佢前男友自己入去,佢自己去食完飯再call去一齊返屋企。。。朋友覺得前男友遲到係唔尊重人嘅表現,最後亦都係令到佢地分手嘅最後一根稻草。
花旗太太生活在花旗國,留意時差,你問我未必即時答到。