心聲留言

跳至

首頁
12

尾頁
   1


大宅

積分: 3744


發表於 24-1-12 10:17 |顯示全部帖子
我爸爸已離開了9個月,每天都很想念他,最近的節日,如中秋,冬至,新年都喊,不能和他一起過節了,節日對我嚟講已無意義。

同時想起另一位至親,回想以前農曆新年,佢身體仍可以時,會整蘿蔔糕俾我地食,好好味,是1份温暖和心思。但永遠都食唔到了,懷念她的一切,她已經離開8 年了,非常掛念她。唔知佢依家點呢?響邊呢?希望她在另一世界過得開心。


別墅

積分: 833


發表於 24-1-12 11:32 |顯示全部帖子
不知不覺我爸爸都離開左我幾年, 平時都無野, 睇到你個post, 我竟然o係office喊左. 人老左總有離開一日, 係自然o既事, 只能慢慢接受. 爸爸走左之後, 我每日都會諗起佢. 見唔到佢, 但佢o係我心入面.


大宅

積分: 3744


發表於 24-1-12 11:38 |顯示全部帖子
本帖最後由 ToChu001 於 24-1-12 11:38 編輯
Sweetsis 發表於 24-1-12 11:32
不知不覺我爸爸都離開左我幾年, 平時都無野, 睇到你個post, 我竟然o係office喊左. 人老左總有離開一日, 係 ...

抱歉觸動了你的情緒

是,面對生命的流逝,很無奈,無助,只可接受

其實我成日諗佢依家點,有時覺得佢好似無離開過,但再諗,其實佢真係走左,我永遠唔會響呢個世界見到佢

前幾日突然好想可以同佢一齊食飯,但已經無可能

講到呢度,我響office都眼濕濕,但忍住眼淚


複式洋房

積分: 235


發表於 24-1-12 18:44 |顯示全部帖子
親人應該在天上看守住我哋,我地要活得好好的活得開心啲,唔好令佢哋擔心。
我都好掛住呀


男爵府

積分: 6004


發表於 24-1-15 13:37 |顯示全部帖子
ToChu001 發表於 24-1-12 11:38
抱歉觸動了你的情緒

是,面對生命的流逝,很無奈,無助,只可接受

樓主,我也是時刻想著家姐,好想變回從前,一起食早餐,去街,去旅行,去買餸,去睇戲,什麼也可以有佢相伴,但回到現實根本已冇可能了,到而家我也會喊,流眼淚,總之佢離開已1年幾了,但我個腦從未停止諗佢,有時我也會去骨灰位拜拜佢,清潔下,但每次自己獨自離開時,個種傷感難以言喻


大宅

積分: 3744


發表於 24-1-22 13:00 |顯示全部帖子
Abull 發表於 24-1-15 13:37
樓主,我也是時刻想著家姐,好想變回從前,一起食早餐,去街,去旅行,去買餸,去睇戲,什麼也可以有佢相 ...

我每日都會諗起,成日同自己講,就算點哭點想,時間不能重回,在這個空間永遠見唔到佢地,其實時間係淡化唔到,反而太耐無見,更思念佢地,特別是節日。


男爵府

積分: 6004


發表於 24-1-22 13:54 |顯示全部帖子
ToChu001 發表於 24-1-22 13:00
我每日都會諗起,成日同自己講,就算點哭點想,時間不能重回,在這個空間永遠見唔到佢地,其實時間係淡化 ...

同妳一樣感覺,每天時刻都想,根本唔會淡化,但我們能做到什麼,只有靠時間一天一天咁過,順其自然去到最終的一天,給我們再遇上自己想見番的親人。又到過年了,真係好怕,再沒有我家姐同我一起去做任何事,諗起又滿眶眼淚


複式洋房

積分: 229


發表於 24-2-10 16:38 |顯示全部帖子
本帖最後由 chowwan1 於 24-2-10 17:09 編輯
ToChu001 發表於 24-1-12 10:17
我爸爸已離開了9個月,每天都很想念他,最近的節日,如中秋,冬至,新年都喊,不能和他一起過節了,節日對 ...

非常理解你們思親嘅心情。我也非常掛住我過咗世一年幾嘅外婆,所以臨農曆新年我買咗貴機票比屋企人飛返嚟香港拜佢『新屋』,彌補我心裡對佢嘅思念和缺失我自己間唔中向身邊人提及她的往事,發覺可以幫助到自己傷心嘅情緒。甚至乎上年返香港我仍然會講『我哋返阿婆屋企』雖然屋企人叫我唔好再咁講喇因為阿姨同舅父仲喺到住。入到屋我仍講『阿婆我返嚟啦』。其實潛意識自己呃自己阿婆仲喺度,對我嚟講都work嘅。

P.S. 屋企人拜完佢第二日,我竟然照顧個同我阿婆90-95%相似嘅菲律賓病人,唔知係咪佢知我嘅 『意思』啦,因為佢好錫我但過程我好平和,無牽涉到情緒。

五年前阿婆最後係佢屋企門口捉住我隻手同我講嘅一句係『婆婆最錫係你』,但我果刻無應佢因為怕醜同一啲無謂心結。跟住我轉身就走飛返去外國。我好後悔好衰仔,估唔到果一別果一句就係永遠所以我好想好想同我阿婆講我永遠永遠都咁愛佢! 希望遲啲返嚟香港親口喺佢龕前同佢講返啦。珍惜眼前人呀!


男爵府

積分: 6004


發表於 24-2-10 22:02 |顯示全部帖子

回覆樓主:

今日係大年初一,又一年沒有家姐係到的新年,我真係好寂寞,悶,煮好晚飯後,睇陣電視,而家去訓了。家姐希望妳在天上過得好,開心。


大宅

積分: 3744


發表於 24-2-11 09:55 |顯示全部帖子
Abull 發表於 24-2-10 22:02
今日係大年初一,又一年沒有家姐係到的新年,我真係好寂寞,悶,煮好晚飯後,睇陣電視,而家去訓了。家姐希 ...

今年是第一年爸爸不在的新年,很懷念他的一切,還有以前和他一起過年,好想知佢依家點,響邊,是否已投胎了....

我同你一樣,感到好寂寞和孤獨,其實每天都是有如此感覺。


男爵府

積分: 6004


發表於 24-2-11 10:35 |顯示全部帖子
ToChu001 發表於 24-2-11 09:55
今年是第一年爸爸不在的新年,很懷念他的一切,還有以前和他一起過年,好想知佢依家點,響邊,是否已投胎 ...

真的,每天都是這樣感覺,心內好掛住佢,究竟佢而家是怎樣,我何時可同佢重聚番,大家仲記唔記得大家呢?


別墅

積分: 705


發表於 24-2-11 13:02 |顯示全部帖子
ToChu001 發表於 24-2-11 09:55
今年是第一年爸爸不在的新年,很懷念他的一切,還有以前和他一起過年,好想知佢依家點,響邊,是否已投胎 ...

我也過了不一樣的新年,
一到節日情緒反差更大,
自然想起往年歡歡欣欣,,,,,
我這2天也夢見已過世的太太,
但夢中是和她分離及受困的情境,
真的十分掛念她。


男爵府

積分: 6568


發表於 24-2-11 13:08 |顯示全部帖子
ToChu001 發表於 24-2-11 09:55
今年是第一年爸爸不在的新年,很懷念他的一切,還有以前和他一起過年,好想知佢依家點,響邊,是否已投胎 ...

好多年啦,化啦!半年無咗兩個最親嘅,大時大節最討厭別人熱鬧,年三十晚半夜嘔身邊一個幫手都無,已經兩日無出過街無講過野!


男爵府

積分: 6568


發表於 24-2-11 13:14 |顯示全部帖子
深碎的人 發表於 24-2-11 13:02
我也過了不一樣的新年,
一到節日情緒反差更大,
自然想起往年歡歡欣欣,,,,,

有年平安夜夢見同佢燭光晚餐,好真實,佢著得好靚,傾咗一兩句,就醒咗,唔記得叫侍應幫我哋合照留念。之後斷斷續續都有夢見


大宅

積分: 3744


發表於 24-2-12 23:15 |顯示全部帖子
Abull 發表於 24-2-11 10:35
真的,每天都是這樣感覺,心內好掛住佢,究竟佢而家是怎樣,我何時可同佢重聚番,大家仲記唔記得大家呢?
...

我好無用,過年都一樣喊,剛先喊完

你有試過非常非常掛住你家姐,好想好想見返佢,但現實你永遠見唔返佢,非常傷心,呢種痛苦真係唔識點形容


大宅

積分: 3744


發表於 24-2-12 23:17 |顯示全部帖子
Miss_Yellow 發表於 24-2-11 13:08
好多年啦,化啦!半年無咗兩個最親嘅,大時大節最討厭別人熱鬧,年三十晚半夜嘔身邊一個幫手都無,已經兩 ...

明白你個種孤單既感覺
take care


男爵府

積分: 6004


發表於 24-2-12 23:36 |顯示全部帖子
ToChu001 發表於 24-2-12 23:15
我好無用,過年都一樣喊,剛先喊完

你有試過非常非常掛住你家姐,好想好想見返佢,但現實你永遠見唔返佢 ...

係呀,其實我一諗到佢根本已化成灰已不在世上了,我永遠都唔可以跟以往一樣同佢一起生活,內心個種痛難以形容,我真係好錫我呢個家姐,諗番起佢初去的時刻,我晚晚放工邊行邊流淚,我竟然撐過那段好傷感的時間,醫院亦都入過,家姐以前會同我講過,人總是要靠自己的,絕對正確,總之家姐我永遠最愛妳,妳要在天上開心。


大宅

積分: 3744


發表於 24-2-17 18:44 |顯示全部帖子
Abull 發表於 24-2-12 23:36
係呀,其實我一諗到佢根本已化成灰已不在世上了,我永遠都唔可以跟以往一樣同佢一起生活,內心個種痛難以 ...

我又想起了離開的至親,好傷心,好痛苦,好想見返佢,好想同佢傾吓偈

其實真係無人可以幫到我,只可以靠自己


男爵府

積分: 6004


發表於 24-2-17 20:29 |顯示全部帖子
ToChu001 發表於 24-2-17 18:44
我又想起了離開的至親,好傷心,好痛苦,好想見返佢,好想同佢傾吓偈

其實真係無人可以幫到我,只可以靠 ...

係我都覺得是,最後都係要靠自己的,有邊個會咁了解到妳同妳爸爸的感情有幾深,只有妳自己最清楚。我地嘅痛心只有我地自己最知道,保重呀JM


大宅

積分: 3744


發表於 24-2-18 19:52 |顯示全部帖子
Abull 發表於 24-2-17 20:29
係我都覺得是,最後都係要靠自己的,有邊個會咁了解到妳同妳爸爸的感情有幾深,只有妳自己最清楚。我地嘅 ...

你以前會唔會咩都同你家姐講架?

我爸陪我走過很多屋企和工作的低谷,我咩都同佢講,又成日同佢WhatsApp, 我地仲會一齊食飯同去旅行。之後佢患病,我陪佢去覆診,響佢臨離開打左鎮靜針,好似昏迷咁,我同佢講,到將來我地再見返,我會調轉去照顧佢,帶佢周圍去玩同食野。講到呢度,依家不停流眼淚

自佢離開後,我覺得好孤獨,無人同我分享,亦無人明白我

我成日發夢有事揾佢,有野想同佢講,當我想去揾佢時,我就迷迷糊糊醒左,醒覺原來佢已經唔響度了,覺得好失落。

我知到依家我仲未接受同放低佢已離開呢個事實。

首頁
12

尾頁

跳至
你需要登錄後才可以回帖 登入 | 註冊