真係睇你想要咩,同埋對未來工作有冇規劃,我大、中、小公司都做過。
大公司原則上有制度,但一樣可以有彈性,要睇下部門主管同上司是否易商量,正常係穩陣D,不過都有機會裁員斬部門或換血,人事一般係複雜D,大公司文化可以養懶人,亦可以玩殘人,睇彩數同自己是否吃得開、睇得開。
細公司未必一定冇規限,人少有時仲要一腳踢,人手唔夠的話照樣做死,清閒又驚冇生意執笠。人事照計簡單D,但如果有人玩埋堆玩孤立,一樣可以好惡頂。
樓主做開細公司,去大公司要適應,每個月多2K唔係多好多,但保証有第13個月的話,除開就唔只多每個月2K。如果你自己都想學多D嘢,將來搏扎升職的話,襯年紀唔係大就去見識下。我自己寧願忙D好過冇嘢做,要扮忙仲慘過真係忙。
花旗太太生活在花旗國,留意時差,你問我未必即時答到。