自由講場今日: 2742|主題: 1315758

收藏本版

回覆發帖

返回列表

跳至頁

查看: 10659 | 回覆: 72

新同事的行為

12 3 4

momoo

男爵府

積分: 6903

發表於 24-8-3 14:52 |顯示全部帖子

本帖最後由 momoo 於 24-8-3 15:07 編輯

（長文）公司最近嚟咗個新女同事，大約三十幾歲，我唔敢話佢係衰人，但係佢啲行為，引起咗大家嘅討論，即管睇吓大家有咩睇法！

事例一：大家都知道同事A一直好擔心自己個仔會排位派得差，一番努力下，結果佢個仔去咗入一間佢好心儀嘅學校，佢好開心同我哋分享，兼且講出一直以來嘅努力，結果，新同事冷冷地講咗一句：「乜你咁驕傲㗎」，結果全場靜晒。

事例二：新同事走去同事B個座位，皺晒眉問佢：「你個位咁凌亂，咁多雜物，你估你可唔可以有一個大紙袋俾我用？」，同事B真係俾咗個紙袋佢，新同事回應：「呢個紙袋咁細，你冇其他咩？」，結果同事B叫佢自己去雜物房度搵。

事例三：我哋個舊同事返嚟探我哋，帶咗好多西餅返嚟，因為舊同事同我哋好熟，又買多咗西餅，舊同事話：「你哋攞多件啦！」，結果我哋真係走去食多件，新同事話；「嘩！你哋班人貪心嘅？！仲咁大食！」

事例四：我哋個小鮮肉同事最近失戀，成日都好唔開心，有一次lunch time，我哋個中女靚女未婚同事（同事C)為咗安慰佢，叫埋佢join我哋一齊大班人食飯，類似講咗句：「快啲過嚟陪我哋食飯啦」，自此之後，每次小鮮肉去同其他人lunch , 呀新同事就會講：「你做乜拋棄同事C呀？你兩個散咗啦？！」，結果又係全場安靜。

事例五：新同事每次遇到工作上嘅問題，都會二話不說跑去詢問有關同事，包括我，其實大家都做緊自己嘅工作，佢要人立即解答佢嘅問題，甚至乎會立即跑去老細房叫老細回答佢嘅問題，我哋暗示過其實你可以用電郵發問，又或者問佢嘅問題係咪真係咁緊急，但係佢都照樣企喺你旁邊睇住你做嘢，直至你回答佢嘅問題。

事例六：有一次大老細嚟同大家見面，大家都係客氣對答，佢知道新同事住得偏遠，類似問佢：「你住新界邊處？」新同事當眾冷笑回答：「新界咪新界囉」，大家都感覺到大老闆好尷尬。

我唔敢話新同事係衰人，起碼（暫時）佢都冇害過大家，但係我真係有啲驚鬼咗佢，其實應該點樣形容呢位新同事嘅行為呢？謝謝觀看。

私人傳訊回覆引用

volan

子爵府

積分: 12004

發表於 24-8-3 14:59 |顯示全部帖子

男人婆

私人傳訊回覆引用

yurijm

珍珠宮

積分: 46187

發表於 24-8-3 14:59 |顯示全部帖子

回覆樓主：

本帖最後由 yurijm 於 24-8-3 15:00 編輯

樓主呢堆故事
令我諗起有港漂同事分享之前去外派公幹半年
對家公司又係有類似性格嘅同事
個個人當呢個同事係「公司寵物」喎
話每日總有笑料同話題
應該無人同佢講過佢待人處事點點點
只係靜靜地睇佢爆金句
某程度上我係覺得有啲嚇人，好似小說世界咁
但俾着係我，我又應該係閑事莫理
成為其中靜默既一分子