吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶嘅說話真係難聽過粗口

婆媳關係今日: 0|主題: 27763

收藏本版

回覆發帖

返回列表

跳至頁

查看: 33885 | 回覆: 28

奶奶嘅說話真係難聽過粗口 [複製鏈接]

kinkiyan

大宅

積分: 1069

1^#

發表於 24-10-17 22:26 |只看該作者 |倒序瀏覽 |打印

本人育有一個小朋友，最近食飯奶奶笑笑口叫我生多個。係其他人眼中可能係一句好普通嘅說話。對我黎講就係一句令我勾起慘痛回憶嘅說話，令我非常唔好開心。事源當年我生完小朋友幾日後出現大出血情況，差d連命都冇。呢件事我每次提起都覺得好驚，當時冇抑鬱已經算好叻。成件事佢係知情，所以我真係好嬲。我自問平時對佢都尊重，當佢呀媽咁照顧。之前佢唔舒服我仲買埋材料，放假都校定鬧鐘起身煲湯俾佢。佢呢一句生多個嘅說話真係令我失望到一個點，如果佢真係將我當係佢個女，我諗佢一定唔會咁講。講真我都有父母生嫁，我冒住生命危險去為男家生小朋友，條命都差d冇。稍有良心嘅人都唔會講得出呢d咁冇人性嘅說話。平時佢為人控制狂我都當係佢對我嘅一種關心，但今次我真係徹底嬲左佢。連電話都唔想接。我曾經叫自己原諒佢，但係我內心真係原諒唔到。每當記起果3個字就有種無名嘅憤怒，甚至連我老公都嬲埋。

0 0 0

私人傳訊回覆引用

KATHY3706

大宅

積分: 4270

2^#

發表於 24-10-17 23:02 |只看該作者

晤好嬲親自己，個個99 都係一樣似住自己係長輩講咩晤使負責任好好照顧好自己別為佢1 句半句說話上心反正佢都晤會改開心地過自己生活
加油希望幫到你開心返dd

私人傳訊回覆引用

kinkiyan

大宅

積分: 1069

3^#

發表於 24-10-18 08:02 |只看該作者

KATHY3706 發表於 24-10-17 23:02
晤好嬲親自己，個個99 都係一樣似住自己係長輩講咩晤使負責任好好照顧好自己別為佢1 句半句說話上心 ...

多謝你明白我，有時真係覺得自己一個仲開心，至少唔需要受人地氣，自由自在。好多時為左息事寧人都係忍，但今次真係忍唔到，連自己嘅內心都叫我要反抗。我自問條件唔差，有學歷有工作，屋企環境唔會比佢屋企差，結婚後從來冇要過老公俾家用，家庭所有開支我都有份俾，我從來都冇欠佢地任何野。唔明佢憑咩覺得自己可以咁講野。

私人傳訊回覆引用

kwhkwh

公爵府

積分: 28884

2025勳章 2025勳章蛇年勳章 2024年龍年勳章牛年勳章

4^#

發表於 24-10-18 15:54 |只看該作者

有得前事，老人家說話的确難聽。

既然你唔系冇底氣，當佢發up 瘋。反正唔係要佢錢冇必要extra 招呼佢。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

kinkiyan

大宅

積分: 1069

5^#

發表於 24-10-18 23:37 |只看該作者

kwhkwh 發表於 24-10-18 15:54
有得前事，老人家說話的确難聽。

既然你唔系冇底氣，當佢發up 瘋。反正唔係要佢錢冇必要extra 招呼佢。 ...

我發現最唔開心嘅除左果句說話之外，就係我老公明明聽到都佢咁講都冇企係我果邊，叫佢呀媽收聲。原本我以為會保護我嘅人，原來根本唔會保護我。或者係我自己太天真。

私人傳訊回覆引用

kwhkwh

公爵府

積分: 28884

2025勳章 2025勳章蛇年勳章 2024年龍年勳章牛年勳章

6^#

發表於 24-10-19 16:18 |只看該作者

kinkiyan 發表於 24-10-18 23:37
我發現最唔開心嘅除左果句說話之外，就係我老公明明聽到都佢咁講都冇企係我果邊，叫佢呀媽收聲。原本我以 ...

好多野針唔吉到肉，生育損傷真係只有女性先知。男人點會有感觉。就算有，随时间消退。

男人係米媽寳我唔知，但佢冇跟老人家口up up 係囉，生啦。你到时仲激氣。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

cecelc

水晶宮

積分: 65125

2025勳章 2025勳章蛇年勳章 2024年龍年勳章 2023年兔年勳章畀面勳章

7^#

發表於 24-10-20 19:01 |只看該作者

如果你老公係錫老婆既，應該同佢呀媽講 : 我結紮左，唔洗再講xxx。

私人傳訊回覆引用

purple_lily

大宅

積分: 3546

8^#

發表於 24-10-20 22:45 |只看該作者

本帖最後由 purple_lily 於 24-10-20 22:46 編輯

kinkiyan 發表於 24-10-17 22:26
本人育有一個小朋友，最近食飯奶奶笑笑口叫我生多個。係其他人眼中可能係一句好普通嘅說話。對我黎講就係一 ...

樓主，千祈唔好勞氣！我有類似經歷，99嘅說話就好似切返開已埋口嘅傷口，再喺上面灑鹽，又嬲又難受

不過，這一輩嘅99真係一種痴筋嘅生物，講嘢唔經大腦

唔使原諒佢，不過唔好再將佢講嘅嘢聽入耳，最好佢講你冇反應，仲要即刻行開
加油！！生bb係唔容易嘅事，你要愛惜自己同bb，咪鬼理佢

咁鍾意生，叫佢自己想辦法生啦

私人傳訊回覆引用

kinkiyan

大宅

積分: 1069

9^#

發表於 24-10-20 23:13 |只看該作者

purple_lily 發表於 24-10-20 22:45
樓主，千祈唔好勞氣！我有類似經歷，99嘅說話就好似切返開已埋口嘅傷口，再喺上面灑鹽，又嬲又難受
...

多謝大家嘅鼓勵。呢件事我體會到只有自己係最愛自己。無論我付出幾多，老公同小朋友都一樣覺得係理所當然，仍然覺得唔足夠。就算我每日好辛苦返工，返工第一時間去買餸再返去湊小朋友，小朋友到頭來都係覺得姐姐比媽媽更重要更親密。我真係好失望(emoji)，就好似一把一把刀插落個心咁，呢幾年為左家庭我幾乎一收工就趕返屋企。出去食飯次數10隻手指數得晒，我唔係要人感激我，只係冇諗過會係咁。真心覺得在職媽媽好可憐。

私人傳訊回覆引用

crazypaper

珍珠宮

積分: 40903

10^#

發表於 24-10-21 08:53 |只看該作者

回覆樓主:

你既問題，我經歷過。你預咗每年都會提吓你生多個。你每次都唔開心唔值得。我聽咗起碼10年。用行動證明俾佢知，佢有佢講，你有你生活。老公唔會為呢啲事特別去頂撞佢母親大人，所以你唔好期望個老公會幫你口話佢呀媽。因為生仔嗰個唔係佢，係你。下次99再講，你咪問當面問吓你老公，生多個喎，你有無錢同時間呀？到時幫手一人顧一個小朋友呀！我唔得閒照顧兩個。

私人傳訊回覆引用

kwhkwh

公爵府

積分: 28884

2025勳章 2025勳章蛇年勳章 2024年龍年勳章牛年勳章

11^#

發表於 24-10-21 15:46 |只看該作者

kinkiyan 發表於 24-10-20 23:13
小朋友到頭來都係覺得姐姐比媽媽更重要更親密。我真係好失望(emoji)，就好似一把一把刀插落個心咁 ...

小朋友大大會明, 邊個大D 架啦。
針無2頭利既, 換另一角度睇, 姐姐對小朋友好, 你米有動力出去搵錢。好過你返返下工擔心。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

hkgra

侯爵府

積分: 23287

2024年龍年勳章

12^#

發表於 24-10-21 16:57 |只看該作者

回覆 kinkiyan 的帖子

放過自己，愛自己多０的，唔好期望其他人會感激你，佢地只會覺得理所當然

私人傳訊回覆引用

黃金米媽媽

複式洋房

積分: 177

13^#

發表於 24-11-1 12:53 |只看該作者

有D奶奶真係咁, 當人生仔機成日想人生多件比佢玩咁(緊係唔係仍生又唔洗佢湊,做玩BB果個)。我依家果件3個月大, 但由我生完(仲坐緊月)到依家奶奶耐唔耐都講起叫我生多件, 真心想爆佢就黎唔忍架啦。有一次佢係老公面前提過,
老公: 冇錢養呀, 係咪你養?
奶奶: 我都冇錢(笑住講)
但之後都仲KEEP住同我媽講話想我生多件....
老實講, 依家成日諗覺得奶奶都好自私, 好多野剩係諗自己都唔諗下人地感受, 明明自己都做人呀媽, 佢係咪隔左太耐唔記得左自己生2件既感受呢

私人傳訊回覆引用

kinkiyan

大宅

積分: 1069

14^#

發表於 24-11-17 23:15 |只看該作者

黃金米媽媽發表於 24-11-1 12:53
有D奶奶真係咁, 當人生仔機成日想人生多件比佢玩咁(緊係唔係仍生又唔洗佢湊,做玩BB果個)。我依家果件3個月 ...

係呀，自從佢上次講完之後，我真係冇辦法釋懷。我最近都冇再上佢屋企，因為真心唔想委屈自己去見一個唔重視我嘅人。本身要返工，放工又要照顧小朋友已經好忙，唔會將時間浪費係一d根本冇在乎我感受嘅人身上。我以前對佢係好好嘅，就算平時佢經常想控制我地，我都尊重佢，每晚都叫小朋友打俾佢，但係呢件事令我好心淡。你都好好照顧自己，生完小朋友情緒容易波動，唔好比奶奶影響到。