夫婦情感 今日: 1 | 主題: 42589

積分: 105

發表於 24-11-29 21:32 |顯示全部帖子

最後我選擇了原諒，表面上大家如常生活，佢一如既往咁寵我，所有野都好似回歸正常咁。
但我心入面有個好差嘅想法，真係好差，我想報復，但唔係想離婚，只係想佢感受一下我所感受的，我想交友app識下人，傾下計，甚至可以上床。個想法壞到係想專登俾佢發現。我知道好唔理智，但呢個想法不停喺我腦度飄

私人傳訊回覆引用

積分: 2165

發表於 24-11-29 21:59 |顯示全部帖子

e75b10cc1bce73 發表於 24-11-29 21:32
最後我選擇了原諒，表面上大家如常生活，佢一如既往咁寵我，所有野都好似回歸正常咁。
但我心入面有個好差 ...

你咁樣唔係報復, 係玩自己，更加令老公越走越遠，直頭令老公對之前出軌的絲毫嘅內疚感都歸零，以後老公光明正大各有各玩，各自各精彩，你想要咁嘅生活？

私人傳訊回覆引用

singwin

男爵府

積分: 8597

發表於 24-11-29 22:03 |顯示全部帖子

回覆樓主:

一念天堂，一念地獄，善哉善哉

私人傳訊回覆引用

積分: 105

發表於 24-11-29 22:34 |顯示全部帖子

jojocatjojo 發表於 24-11-29 21:59
你咁樣唔係報復, 係玩自己，更加令老公越走越遠，直頭令老公對之前出軌的絲毫嘅內疚感都歸零，以後老公光 ...

公平d唔得咩，一人一次。點解得我一個痛，而佢可以無事人咁。我知我講左原諒就唔應該再諗返，唔應該再提，但係我好唔忿氣啊，我過唔到自己，但又唔想讓位俾個女人，我情願互相折磨。我呢刻嘅想法真係歪左，完全錯晒，對唔住

私人傳訊回覆引用

積分: 2165

發表於 24-11-29 22:53 |顯示全部帖子

e75b10cc1bce73 發表於 24-11-29 22:34
公平d唔得咩，一人一次。點解得我一個痛，而佢可以無事人咁。我知我講左原諒就唔應該再諗返，唔應該再提， ...

無論點樣出軌一方一定唔啱嘅，但婚姻搞成咁，好多時都唔係單方面做成，婚姻唔係維繫，發生事又不檢討，其實只係睇吓邊一方頂唔住，終有一天會真正破裂。如果你打算以後係老公面前無時無刻拎住佢出軌嘅往積做王牌，最終比紅牌趕出場就係你自己。

其實唔需要咁急迫自己作出原諒，假設係單方面嘅錯，要原諒就更加係要對方去爭取，用時間證明，你呢刻算係無條件原諒咗，男嘅可以話鬆一口氣仲有乜嘢要咁上心咁着緊。

私人傳訊回覆引用

john1977

別墅

積分: 577

發表於 24-11-29 23:09 |顯示全部帖子

e75b10cc1bce73 發表於 24-11-29 21:32
最後我選擇了原諒，表面上大家如常生活，佢一如既往咁寵我，所有野都好似回歸正常咁。
但我心入面有個好差 ...

你自己都知道呢個想法唔理智，唔係1個好方法。

我諗你既問題係得把口原諒佢，個心1直都未接受到，其實你背後有咩原因，一定要原諒佢呢？
冇人話一定要冇條件原諒，或者有冇啲野作賤佢而唔係作賤自己，會令你好過啲？

你有冇信任得過既朋友或者社工，可以同你傾訴下？

私人傳訊回覆引用

積分: 105

發表於 24-11-30 00:05 |顯示全部帖子

john1977 發表於 24-11-29 23:09
你自己都知道呢個想法唔理智，唔係1個好方法。

我諗你既問題係得把口原諒佢，個心1直都未接受到，其實你 ...

我唔想俾身邊任何一個朋友知道，完全無人可以呻，唯有上黎發下up瘋。
離唔開嘅原因可以話係我冇經濟能力，小朋友仲細，層樓仲供梗，我被照顧開完全無做過野，又冇學歷，我自己都唔知可以做乜。可能就係咁佢都知食硬我。所以我先諗米繼續扮無野囉，相敬如賓，當佢老闆出糧俾我，又有個sp 咁囉，好消極嘅諗法，但又好現實。

私人傳訊回覆引用

owla

男爵府

積分: 8287

發表於 24-11-30 00:16 |顯示全部帖子

你想報復咁你有冇分開既覺悟?
唔好諗住一人一次打和大家原諒對方再好好一齊,
現實多數結果係打和互不相欠咁分開

私人傳訊回覆引用

積分: 105

發表於 24-11-30 00:37 |顯示全部帖子

owla 發表於 24-11-30 00:16
你想報復咁你有冇分開既覺悟?
唔好諗住一人一次打和大家原諒對方再好好一齊,
現實多數結果係打和互不相欠 ...

無，我冇打算分開

私人傳訊回覆引用

cupid0627

伯爵府

積分: 16545

發表於 24-11-30 00:45 |顯示全部帖子

你實際上無原諒佢

私人傳訊回覆引用

owla

男爵府

積分: 8287

發表於 24-11-30 00:57 |顯示全部帖子

e75b10cc1bce73 發表於 24-11-30 00:37
無，我冇打算分開

唔打算分開就唔好亂嚟, 呢一刻原諒唔到就比d時間自己

私人傳訊回覆引用

積分: 2165

發表於 24-11-30 01:11 |顯示全部帖子

e75b10cc1bce73 發表於 24-11-30 00:05
我唔想俾身邊任何一個朋友知道，完全無人可以呻，唯有上黎發下up瘋。
離唔開嘅原因可以話係我冇經濟能力， ...

有時分唔分開，唔係你可以決定，但亦唔需要依家決定。有小朋友就唔好咁任性，諗咩不切實報仇咁傻，拍電視劇咩！你而家先得32歲，仔已經12歲，絕對有大把空間可以裝備自己，去搵嘢做兼進修，靠一個唔知幾時炒你魷魚嘅老闆，仲要做埋SP搞到咁委屈，扚起心肝靠自己行出第一步，你所謂被寵幸似公主嘅生活係時候要清醒

私人傳訊回覆引用

陳小b

子爵府

積分: 13949

畀面勳章

發表於 24-11-30 08:06 |顯示全部帖子

回覆樓主:

其實樓主有報復嘅諗法係好正常。。因為被背叛被傷害嘅感覺真係唔好受。但你諗下。。要傷害自己嘅身體去令對方難受。。咁係雙輸呀對是但一方有好處嗎？得益嘅只係比你當係sp嗰個人。你如果諗住一心想同你老公行落去嘅話不如比d時間大家睇下以後點去改善大家嘅關係仲好。

唔係幫男人講說話，對方出軌檢視下究竟係咩原因造成。有心維繫嘅就大家努力去改善。。而唔係各有各玩。

其實你小朋友都12歲。唔算細了。我係你嘅話拿拿聲出去搵份野做pt又好。多少都好，起碼叫有份收入。唔使好似個犯人咁唔知幾時等個官判自己有罪。。

如果因為冇錢又冇感情而離唔開。仲要日日對住。扮冇野囉。好辛苦囉。

女人要愛自己先有人愛你。千祈唔好諗住作賤自己唔值得。知道嗎

私人傳訊回覆引用

積分: 105

發表於 24-11-30 08:25 |顯示全部帖子

jojocatjojo 發表於 24-11-30 01:11
有時分唔分開，唔係你可以決定，但亦唔需要依家決定。有小朋友就唔好咁任性，諗咩不切實報仇咁傻，拍電視 ...

唔係，我已經40幾了，仲有個大嘅廿幾歲，我地結婚已經廿幾年了，你有睇我上一個貼。

私人傳訊回覆引用