少年成長今日: 2|主題: 15999

收藏本版

回覆發帖

返回列表

跳至頁

查看: 7003 | 回覆: 2

眼見為真 [複製鏈接]

csir3290

子爵府

積分: 11884

1^#

發表於 25-5-11 12:52 |只看該作者 |倒序瀏覽 |打印

早兩日食晏行過公園，附近幼稚園學生啱啱放學，多咗小朋友喺公園度玩，見到有個細路仔喺度喊緊，咁應該都係喺公園度玩嘅時候跌親喊得好大聲，佢媽媽當然埋去安慰但係最奇怪嘅，就係個阿媽叫個仔鬧過地下，話個地下做乜咁衰整親個仔，個阿媽仲攞隻拖鞋打過地下，一路打仲一路鬧個地下仲叫個仔用力踩個地下。其實都幾好笑。細路仔玩跌親可以話成日都會發生，但係唔知點解關個地下事，竟然係鬧個地下。當然我明白過媽媽想個仔快啲收聲唔好喊，但係其實安慰攬一攬，繼而要話返畀佢聽下次要小心啲，係咪個效果仲好呢？而呢位家長嘅做法好容易就會聯想到其實家長平日教小朋友嘅時候，究竟會唔會教佢承擔責任，其實家長只不過係灌輸緊一個價值觀畀個細路仔就係乜嘢都係人哋有問題，自己冇問題。教個細路仔唔需要反省，不過講真如果連家長自己都唔識得反省嘅話，細路仔又點會識得反省，喺咁樣嘅環境長大嘅細路仔只不過到最後會發展成為乜嘢都係人哋有問題，唔懂得承擔責任，我明白家長可能只不過係想個細路仔唔好唔開心，但係喺細路仔嘅成長過程入面，其實更加重要嘅就係教佢哋承擔責任。

另外，又係早兩日揸車全家人出街食飯，駛過路口見到前面架車打曬死火燈停咗喺度，個司機就企咗喺路邊，咁我哋以為前面架車有故障，但係嗰個又係一個必經嘅路口，正在諗住過線爬頭嘅時候，就見到企咗喺路邊嘅司機，原來就係正在等緊喺公園入面玩緊嘅兩個細路仔，佢雖然動作上好快咁叫嗰兩個細路仔快啲上車，但係嗰兩個細路仔仲係施施然咁行出嚟跟住上車，上咗車之後個司機仲要去開車尾箱擺好曬佢哋嗰啲物品然之後先至開車，全個過程雖然唔係好耐，但係都有幾分鐘，而嗰個係必經嘅路口後面啲車就畀佢就咁塞住。我亦明白嗰個公園冇停車場，但係都唔需要就到啲細路咁緊要，係咪行多兩步都唔得，真係要停正架車喺個公園門口，等嗰兩個細路仔就好似公主同王子咁施施然上車呢！我又明白佢哋又係只不過係一個細路仔，所以可能家長唔想佢哋行咁遠啦！但係係咪行下又有好大問題呢！但個細路仔可能就會學到原來為咗自己方便，就可以唔理規則，因為嗰度係係一個路口唔畀停車嘅地方，亦都為咗自己方便就可以令到其他人唔方便呢！其實畀佢塞住嗰幾架車都算係好耐性，因為有冇響安又冇鬧，可能大家都覺得佢哋只不過係一個細路仔，就算係鬧都係鬧個家長，但係鬧呢啲家長亦都冇用，因為如果佢懂得守規矩同埋唔好影響到他人，就唔會咁樣停架車喺度方便自己嘅仔女上車。

好多家長以為要專登同仔女講道理，先至係教仔，但係其實佢哋每一日所做嘅一言一行，先至係影響得細路仔最深遠，先至係真真正正教緊自己嘅仔女。講到厭嘅身教重於言教，平時把口不停教細路仔點樣要守規矩點樣要有公德心，但係仔女每一日用眼睛睇到嘅先至係真真正正佢哋學到嘅嘢。

0 0 0

私人傳訊回覆引用

零食狂

男爵府

積分: 8915

2^#

發表於 25-5-12 02:55 |只看該作者

本帖最後由零食狂於 25-5-12 03:10 編輯

1 事件 : 打地鬧地係引開情緒 ( 止哭而笑 ) , 踩多幾腳地 , 係教佢腳要用力踏才不會跌。下次再跌就不哭 , 腳要再硬些踩。人生就是屢敗屢戰 ~

2 事件 : 香港特點係人多路窄 , 購物方便 , 生活方式是你忍我讓 ~

孩童是以身教( 家庭模式 , 相處之道 ) 為首立