吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 歐錦棠解開廿年前《人生馬戲團》遇襲内幕揭鍾嘉欣楊思 ...

自由講場今日: 2314|主題: 1370609

收藏本版

發帖

返回列表

跳至頁

查看: 4767 | 回覆: 34

歐錦棠解開廿年前《人生馬戲團》遇襲内幕揭鍾嘉欣楊思琦. [複製鏈接]

elbar

公爵府

積分: 28708

1^#

發表於 25-6-25 11:01 |只看該作者 |倒序瀏覽 |打印

▲ 前TVB男星解謎《人生馬戲團》遇襲案内幕，還原鍾嘉欣楊思琦失蹤真相。

TVB劇《人生馬戲團》拍攝至今已經有20年載，其劇主角包括陳浩民、唐文龍、楊思琦、鍾嘉欣等。不過劇集最為人所知的並非劇本故事或演出，而是當年劇組在內地廣州市番禺區拍攝期間遇襲事件。

歷年來常有傳當時兩位女主角，鍾嘉欣和楊思琦失蹤72小時疑遭歹徒辣手摧花，不過近日有有份參演劇集的前TVB男星歐錦棠，在其個人YouTube頻道

「乜乜棠水舖」中重提當年事件，還原鍾嘉欣和楊思琦失蹤72小時真相。

歐錦棠避過一劫

歐錦棠在YouTube頻道「乜乜棠水舖」中揭秘當年《人生馬戲團》廣州遇襲案内幕，以及還原鍾嘉欣和楊思琦失蹤72小時真相。歐錦棠解釋到，自己一有假期就會回香港，因而也幸運地「避過一劫」。

儘管案發當日他並不在場，不過他亦從其他人口中得悉事件，「大家都知道中間有過不愉快事情，劇組俾當地啲流氓斬，唔係一個半個，係一班流氓！據講係兩架車，嚟到佢哋嗰日用膳嗰間酒家，喺二樓，兩架車落咗嚟就上去劈友，開車門啲友就擸水喉刀，都講唔到長刀、牛肉刀定西瓜刀，講唔到，總之香港興『老牛』，上面用咩刀唔知，總之都係大把，見人就打，見人就劈！」

他形容當時場面極其混亂，有同事受傷入院，稱：「當然好多同事爭相走避，奪門而出，撞爛對玻璃門，都有同事受傷，劈到隻手入醫院，好彩無大礙。」歐錦棠認爲事件為「無妄之災」，不解事態爲何會如此嚴重，又慶幸避過一劫。

某男演員去夜店惹禍？

他認為事情十分吊詭，「整個香港攝製隊上去內地拍攝，而讓當地流氓斬，如果要查一定查到。」他不解問到，「乜嘢咁大仇口呢？分分鐘會搞出人命喎，乜嘢仇口會動用到兩架車，上嚟見人就打、見人就斬呢？」

他解釋，若是黑社會「收陀地」一般最多是騷擾拍攝，更甚者打爛器材，但今次事件明顯是嚴重得多。他得悉有傳聞指某演員去夜店撩到某些大哥的女人，對方嚥不下這啖氣，所以要動手，「真係未必同錢有關，同啖氣有關，邊個惹呢個事端呢？唔知喇。」

公司的「禁止」聲揚事件

他又揭露，劇組沒有報公安，即使已有新聞報導相關事件，但公司的「禁止」聲揚最終讓事件仍不了了之，「奇就奇在公司叫大家唔好再講呢件事，嗱嗱聲拍咗返香港，真係又無事，當無事就唔查，咁就不了了之。」

之後，歐錦棠又談到鍾嘉欣楊思琦失蹤傳聞，表示：「因為啲人四散，啲人追住你劈，真係四散，各有各走。人哋梗係講到好唔好，女仔唔見咗、失蹤咗幾多分鐘，跟住出現返，之後冇嘢，懷疑佢哋遭受到一啲『辣手摧花』，有唔好嘅事情喺度，好陰功嘅呢樣嘢。」

證實兩女講訴經歷為事實

他以理性角度分析事件，從兩女對媒體講的版本，再綜合劇組人員版本，「兩個女演員走，畀人追，佢哋走咗好遠，因為當地啲街燈唔係咁充足，亦都有啲地方比較村落性，荒蕪一啲，呢個我記得係思琦講，俾人追，佢就行到一處有條橋，就跳咗落去，佢見到有啲草叢有啲垃圾，佢跳落去就匿埋。」

歐錦棠續指：「唔理喇，就拉嘉欣匿埋，跟住啲人走過咗，佢哋一路喺度匿咗大概超過半小時，真係肯定冇人返轉頭，亦冇人行過，佢哋先走出嚟然後返酒店。」

歐錦棠指出，有些人寧願信「衰嘢」多過真相，因爲思琦和嘉欣不熟路，所以未能確實講出藏身之處，但其實歐錦棠推斷出在哪裡。

他表示：「我就鍾意行去一度，距離住宿酒店嗰度，大概都有十幾分鐘嘅路程，如果行路。有個生果檔，我會喺嗰度買啲生果返房自己食，係得嗰度有生果檔，好得意。」

歐錦棠坦言事件為遇過最荒謬事情

歐錦棠回憶稱：「去生果檔之前，我諗相隔大約十呎左右，一條乾涸咗嘅河流，應該叫河床，因為冇水㗎喇，中間嗰度有一條，普通（路），汽車就唔夠，電單車、手推車過到去嘅一條橋，嗰條橋都係用水泥鋪，上面好多泥土，睇唔清楚，好舊。咁個河床乾涸咗，所以生咗好多好高嘅野草出嚟，加上當地人將垃圾抌落去，嗰啲唔係一般垃圾，係大件嘅木板，一塊塊咁抌落去，有時有膠桶咁，佢唔會有惡臭。」

他續說：「原來我講嗰個地方，好多同事都唔知嗰度有生果賣。呢個之後我就聽咗，印證咗思琦佢哋講話喺個度匿埋，佢話唔知嗰度係咩地方，因為夜晚，後尾一路跟住街燈返去酒店，佢話有咁嘅地方，一講我就知，就係exactly我話我去買生果必經之處，嗰條橋下面乾涸咗嘅河床。」

歐錦棠解釋，自己不是想幫誰講公道話，但覺得做藝人真的很可憐，「我最百思不得其解，唔俾人出聲又唔講點解有件咁嘅事，又唔追究，大家嘻嘻哈哈，受傷冇賠償，真係搞出人命點算呢？」，他坦言，自己當日雖然不在場，但這個可謂他拍攝以來遇過最荒謬的事情。

0 0 0

私人傳訊

uwjs

伯爵府

積分: 18658

2^#

發表於 25-6-25 11:07 |只看該作者

點解吾劈攪佢女人果个
要劈成組人？

私人傳訊

lovemisha

侯爵府

積分: 20703

馬年勳章 2024年龍年勳章虎到金來勳章牛年勳章

3^#

發表於 25-6-25 11:24 |只看該作者

回覆樓主:

不在現場沒有親身經歷非當事人聽返黎推斷出黎

即係冇真相又r返舊事黎講消費舊公司舊同事

私人傳訊

咩都唔識

伯爵府

積分: 19507

2025勳章蛇年勳章 2024年龍年勳章

4^#

發表於 25-6-25 11:32 |只看該作者

冇睇佢頻道, 剩係睇篇文D字, 下半段完全唔明佢想表達D乜, 詞不達意
究竟係佢講野有問題定篇報導有問題

可唔可以搵人解釋下

我~好~幸~福~呀~

私人傳訊

Nancy20090615

瑪瑙宮

積分: 140402

5^#

發表於 25-6-25 11:38 |只看該作者

搏眼球?

私人傳訊

lily-of-valley

寶石宮

積分: 263727

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章