自由講場今日: 1760|主題: 1370674

收藏本版

發帖

返回列表

跳至頁

查看: 853 | 回覆: 6

我减肥误区（二）：以为斋靠捱饿就真系可以瘦落嚟 [複製鏈接]

yinyu111

洋房

積分: 35

1^#

發表於 25-7-21 18:14 |只看該作者 |倒序瀏覽 |打印

上次同大家分享过我去健身房跟教练餐单都减唔成功嘅经历。之后成日上网睇文章同片，见到好多人讲同一个观点：减肥就系要「食少啲」至得！初初觉得好有道理，心谂：只要我忍到口，坚持住，实瘦！

就咁，我加入咗唔同嘅减肥群组，试匀晒啲流行方法，生酮饮食、16+8断食... 日日为自己设计新餐单。无论早午晚，我嘅总食量比以前少咗一半有多。开头嗰一两个礼拜真系最辛苦，成日饿到个人打冷震，头晕眼花。但每一次肚饿，就会谂起老公出轨嗰件事，我咬实牙关，死顶！期间我几乎冇食过「放纵餐」，运动都系以行吓街为主，好少做剧烈嘅。

咁样坚持落去，效果真系见到㗎！每日睇住个磅数字跌少少，真系好开心！但系，后遗症亦都好明显。首先，身体明显差咗，成日冇精神，个人好攰。最惨系试过几次低血糖，坐耐啲或者踎低起身，成个头天旋地转，要扶住墙企定定。连月经都开始唔准时，乱晒龙。捱咗两个几月，体重真系落咗唔少，但我已经撑唔到落去了。我本身系一个好钟意食嘢嘅人，对美食冇乜抵抗力。食量慢慢又大返，结果？体重反弹得仲快过之前！

经过呢次，我真系明白咗一件事：对我来讲，想斋靠捱饿、食少啲嚟瘦落嚟，真系好难！老土讲句，民以食为天，我天生就系一个为食嘅人。靠捱饿系可以瘦，但代价好大：身体顶唔顺，机能变差，而且只要一放松，啲肉就好快会返嚟！呢啲系我亲身经历嘅血泪教训。

点讲都好，各位姊妹一定要记住：女人，千祈唔可以懒，一定要好好经营自己，令自己靓啲！冇丑女人，只有懒女人！自己变靓咗、有自信咗，先至可以留住老公、男朋友个心。祝大家减肥成功！