吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 曾比特加盟英皇|宣布加盟英皇揭跳槽原因透露連串計劃: ...

自由講場今日: 167|主題: 1360947

收藏本版

回覆發帖

返回列表

跳至頁

查看: 1041 | 回覆: 11

曾比特加盟英皇|宣布加盟英皇揭跳槽原因透露連串計劃:俾..

elbar

公爵府

積分: 27084

發表於 25-11-7 14:18 |顯示全部帖子

▲ 曾比特跳槽加盟英皇。

《全民造星II》出身、以爆炸頭為標誌的實力唱將曾比特（Mike）正式加盟英皇娛樂。今日（11月7日）是Mike的生日，他特別在社交平台上宣佈這項好消息，並大晒苦練而成的六嚿腹肌相，原來Mike每個星期做足六日Gym，無論當日工作與否，都風雨不改每次做足兩個鐘，展現新開始的決心。

對於簽約Mike，英皇娛樂集團營運總裁霍汶希（Mani）表示：「《造星》時間已經有留意佢，不過一直未有機會合作。我哋睇到佢唔只係一個有才華嘅歌手，更係一個對音樂有堅持、肯不斷突破自己嘅藝人，亦都好欣賞佢對音樂嘅熱誠同埋嗰份純真。」

後來二人於一個場合認識後成為朋友，「呢個緣分就係咁開始，一直都想同佢合作，終於有機會合作到。相信佢加入公司之後，一定會帶俾大家更多驚喜。」提到加盟新公司契機，Mike指一切都是綠份，「係一個好自然嘅過程，雙方對音樂嘅理念好夾，感覺啱Channel，所以就決定一齊開展音樂新旅程啦！」

Mike表示新歌：慢工出細貨

加入新公司，歌迷最關心，當然是幾時有新歌聽，Mike就話：「慢工出細貨！想俾大家見到唔一樣嘅曾比特，所以喺揀歌上面都花咗唔少時間，同A&R都開咗好多會，希望呈現到一個最好嘅效果俾大家。」雖然直言「慢工」，不過他亦很識做，即刻補飛，「不過都會應承大家加快速度！」

至於開show，Mike則霸氣回應：「絕對會！」但他亦十分老實，「現階段歌曲嘅數量都比較不足，所以大家俾少少時間我，先用唔同嘅新歌去轟炸大家，等所有嘢準備好就會同大家開一個盛大嘅party。」他笑言已經問定老闆楊受成，指：「我已經事先問定老闆，老闆應該叫我去啟德唱，希望唔係啟德地鐵站，哈哈。」

提到公司眾多猛人，最想跟哪一位合作，他竟然將目標指向老闆！「希望可以同老闆合作出一首歌，因為平時都係聽老闆演講，但係甚少聽佢唱歌，所以我希望今次我入到嚟可以令老闆開金口，哈哈。」這願望認真特別！他續說終極期望是跟公每一位都合作一次。出碟則是短期目標，「當然要focus音樂同唱歌，同埋喺香港做返多啲show。」他又強調：「我覺得我係Live型歌手，一直好想透過Live同大家近距離接觸，將我嘅音樂上嘅能量傳遞俾大家。」

私人傳訊回覆引用

MRS.KAREN

水晶宮

積分: 63087

2025勳章蛇年勳章 2024年龍年勳章玩具勳章冬日勳章好媽媽勳章醒目開學勳章

發表於 25-11-7 14:22 |顯示全部帖子

回覆樓主:

呢個都有留意下，等睇佢之後發展如何

私人傳訊回覆引用

conniecheung

水晶宮

積分: 67792

父親節2025勳章母親節2025勳章 2024年龍年勳章好媽媽勳章醒目開學勳章畀面勳章

發表於 25-11-7 14:33 |顯示全部帖子

私人傳訊回覆引用

clyl03

伯爵府

積分: 17177

發表於 25-11-7 14:34 |顯示全部帖子

MRS.KAREN 發表於 25-11-7 14:22
呢個都有留意下，等睇佢之後發展如何

我記得早排呢度好多人話英x好衰，簽完返嚟就將佢投閒置散，今次等我留意吓先

私人傳訊回覆引用

lemontea520

珍珠宮

積分: 31717

2025勳章蛇年勳章貓狗褓姆 BK Milk勳章

發表於 25-11-7 14:39 |顯示全部帖子

elbar 發表於 25-11-7 14:18
▲ 曾比特跳槽加盟英皇。

《全民造星II》出身、以爆炸頭為標誌的實力唱將曾比特（Mike）正式加盟英皇娛樂 ...

可能佢要國內發展，上綜藝，英皇幫到佢。。。。

沒有暴政只有暴徒
香港媽媽不代表我

私人傳訊回覆引用

emilylam

水晶宮

積分: 66248

發表於 25-11-7 14:43 |顯示全部帖子

回覆樓主:

睇下英皇幫唔幫到佢更上一層樓，感覺佢係有實力嘅人

私人傳訊回覆引用

Tobbyy

珍珠宮

積分: 37229

發表於 25-11-7 14:44 |顯示全部帖子

希望霍汶希幫到佢，之前簽過幾個都冇聲冇氣。

私人傳訊回覆引用

上校車

水晶宮

積分: 73201

發表於 25-11-7 14:48 |顯示全部帖子

本帖最後由上校車於 25-11-7 14:49 編輯

環球真係唔多掂, 簽落幾多人都無用, 都捧唔起, PIXEL, AGA, Jace 全部都走

私人傳訊回覆引用

LoveCorgi2

公爵府

積分: 25754

發表於 25-11-7 14:49 |顯示全部帖子

clyl03 發表於 25-11-7 14:34
我記得早排呢度好多人話英x好衰，簽完返嚟就將佢投閒置散，今次等我留意吓先
...

都聽過呢個傳聞。都有諗應該唔會咁差掛，浪費咗資源。可能撞正嗰陣時唱片公司嘅問題，加上Mani有戀情又要去外地生女，有一排佢好似冇以前瞓身又或者交咗俾人搞。第一代英皇歌手都係靠Menu打造機會而家Mandy叫做好似回歸返投入返應該會好啲。

加上彼特事實係一隻金蛋。佢有佢獨特嘅才華同天份，又可以入內地發展，影響唔到旗下其他歌手。Joey同twin 都係內地發展多，有埋比特英皇搵內地錢更多