自由講場今日: 288|主題: 1366765

收藏本版

回覆發帖

返回列表

跳至頁

查看: 6866 | 回覆: 81

經典姑奶（生日會篇）

[複製鏈接]

12 3 4 5

averymom

子爵府

積分: 11646

畀面勳章

1^#

發表於 26-1-2 17:55 |只看該作者 |倒序瀏覽 |打印

上個行李post見大家都為我抱不平，多謝你哋沖淡咗我嘅怒氣。想再同大家分享多一個經典姑奶故事。
上個月係我仔生日，book咗喺一間餐廳開生日會，4-6pm。姑奶帶埋佢個女到場，都有傾幾句同埋同小朋友影相，但佢冇送禮物。其實我哋冇所謂，叫佢只因驚我個仔講返話佢開咗生日會，姑奶怪我哋冇邀請佢。
Party開始咗冇幾耐已經唔見咗佢，我問佢個女，話可能佢去咗廁所，我就冇再深究，繼續招呼其他家長。當時佢個女都係自己坐喺一邊玩電話，完全冇參與過個party。到完場，送走晒啲人客，我見唔到姑奶，佢個女先同我講原來佢一直無返過嚟。嗰時已經講緊接近兩個鐘頭，咁我就狂打姑奶電話，點知都係長響冇人聽，咁我哋拎住好多禮物，而且之後約咗公公婆婆去酒店食buffet，我老公就話不如帶埋表妹上車先。到到6:45，姑奶終於打電話俾我哋⋯
姑奶：你哋去咗邊？
我：呢個問題唔係應該我問你？party六點已經完咗。
姑奶：吓！咁早？
我：個party 完咗咪走，我哋仲有下場，公公婆婆要同小朋友食buffet慶生
姑奶：我頭先去咗shopping，返到嚟你哋已經走晒。咁你帶埋我個女去食buffet啦
我：吓，唔係幾方便，我哋已經book咗位
姑奶：叫餐廳迫迫地加多個位俾佢囉
我（火起）：我哋架車坐唔落，仲要去車公公婆婆過去酒店
姑奶：叫佢哋自己搭的士過去咪得
我：唔該你即刻過嚟接走你個女！
我老公搶左個電話：你發咩癲呀，即刻過嚟接走你個女啦！
姑奶：我等緊改條褲仲要等多半個鐘
當時我真係超級勁嬲，最後因為趕時間，又唔可以留低佢個女一個，我就自己搭的士，其他小朋友就跟我老公車去接公公婆婆再去酒店。＂
我又再準備核爆，但為咗小朋友我就忍住，佢個女全程食飯喺度自己撳電話，連切生日蛋糕唱生日歌都係咁，連我阿媽都問我叫埋佢嚟做乜，我心諗你估我想嘅咩。
到到食完飯，諗住車返佢個女去姑奶屋企，點知姑奶話佢去咗街，叫個女嚟我屋企瞓一晚。我話我屋企冇小朋友牙刷同內衣褲俾佢着，佢竟然話：「我個女平時都唔刷牙，唔使理佢。是但俾你個仔啲衫佢着住就得」我當時白眼應該反到上太空，之後佢就收咗我哋線。我問佢個女你姐姐去咗邊，我叫佢嚟接，原來返咗菲律賓放假，唔怪之得要嚟我屋企託兒。
佢個女果然同佢阿媽講嘅一樣，唔刷牙，入去沖涼1分鐘出返嚟，成個頭都係乾嘅，但我已經冇好氣再理佢。
第二日我哋同小朋友去飲茶，之後去公園玩，佢都係全程望住手機完全唔理我哋。夜晚11點，姑奶終於捨得來接返佢個女走。完