吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 宣萱曾誤當第三者, 知對方有女友自覺好傻開始唔信男人 ...

自由講場今日: 117|主題: 1365859

收藏本版

回覆發帖

返回列表

跳至頁

查看: 1493 | 回覆: 16

宣萱曾誤當第三者, 知對方有女友自覺好傻開始唔信男人 [複製鏈接]

大聲公

珍珠宮

積分: 38889

馬年勳章 2025勳章蛇年勳章 2024年龍年勳章笑得好勳章

1^#

發表於 26-1-6 09:13 |只看該作者 |倒序瀏覽 |打印

宣萱近期活躍於threads，更吸引了一批年輕支持者。而她有份主演的《尋秦記》近日上畫，她接受傳媒人金成的YouTube頻道「叔叔的愛」訪問，期間罕有談到感情觀及情史。宣萱較為人熟知的戀情，是與張衛健的兩年情，她亦先曾與富商榮文瀚、牙醫陳建緯及外籍獸醫Ruan等交往，惟最終都未能走到最後。宣萱一直以來都是女強人形象，為人亦不平則鳴，但她透露自己曾被朋友取笑戀愛時是兩個樣：「有啲朋友都笑我，你做嘢好『行』，原則唔變唔郁，但係一拍拖就會郁。」

被金成問到拍拖時是否過份遷就與容讓，她坦言年輕時會，亦不覺辛苦：「你鍾意嗰個人， OK啦，有啲嘢唔係咁重要就OK囉，唔係講屈我個人，要我性格去轉變，當然有啲嘢係講緊，我相信係啱嘅人自然就會夾到好多嘢，可能嗰啲人係唔啱，但而家睇返轉頭，我又覺得有啲經歷係好好喎，因為我而家好清晰自己要啲乜嘢，好清晰，就算當年有啲朋友問『你究竟想要乜啫？』我話搵一個夾同愛嘅人，大家相處舒服，佢話你咁樣咪錯囉，佢話你梗係要搵個有錢啦，真係係咁同我講，我望住佢，喺我角度係錯㗎囉，我覺得唔係咁。佢話你咁樣咪唔實際囉，你唔會搵到呢個人，我好深信呢個世界一定有。」

她覺得「對的人」要相處過才會知道，她也頗欣賞外國情侶相處時的互相尊重、當大家好友的平等關係：「唔係話我搵錢多過你，我就有多啲say，唔係咁樣，中國人我會睇到身邊有啲朋友Situation係咁樣，我覺得我唔得，自己經濟獨立，呢個係好幸運嘅一樣嘢，我可以去揀，好基本。價值觀好緊要，要相近，當價值觀唔同朋友都做唔到，唔好話男女朋友。」縱然如此，宣萱也不覺得要跟外國人拍拖，她自言曾與華人、外國人交往，但各自都有「夾唔到」的地方，譬如外國人都不明白為何華人子女要買樓畀父母、供養父母之類，因此她認為與人種無關：「純粹嗰個人本身，要遇到一個啱嘅人我相信就會啱，價值觀自然會似，似你先會相吸。」除價值觀外，宣萱找男伴亦必需要風趣幽默和識得自嘲。

宣萱過往曾在訪問中談及自己曾當第三者，金成就問她有否分析過原因，會否跟性格太強或太弱有關，宣萱表示：「我覺得未必因為你弱，所以佢覺得可以瞞天過海，反而好講嗰個人自己。」她提到初戀男友當時跟前度分手後，就與宣萱拍拖，不過後來女方與新男友分手後，又回頭找宣萱當時的男友，二人因而分手：「可能佢真係好好愛嗰個女仔，只不過佢冇咗，咪同第二個囉，咪同咗我囉。咁咁啱嗰個女仔搵返佢，佢仲好愛佢，咁佢咪做咗呢樣嘢囉，嗰時梗係好傷心啦，但係而家睇返當時大家都後生，後生嘅男仔未必咁成熟去處理咁多問題。」

至於第二任男友，就令宣萱慘成第三者，她透露：「第二個好明顯係原來我係第三者我自己都唔知，係我啲大學同學，佢哋識嗰個男仔，忍無可忍同我講，話其實佢有個女朋友，你唔好以為佢係第三者，其實我先係第三者，嗰時又係晴天霹靂，覺得咁係自己傻囉，係你自己唔知。佢花心係一樣嘢，但係佢呃到我，嗰時真係驚，第二次真係驚。」宣萱坦言自此不信男人，並謂：「會小心好多，但係又冇真係影響到我唔想拍拖，唔係嘅，只不過你再識到嘅時候，你會留意多少少，但係唔多唔少一定有啲影響，你一sense到佢做咗啲嘢同嗰個人好似，我會驚，會即刻縮。」至於現時，人大了、經歷多了，不論拍拖或工作，敏感度都比以前強，有時對方「趷起條尾」宣萱已知對方意圖，她更說：「其實有問號已經係一個問題，嗰個人冇問題，你唔會有問號，如果大家相處係開心。」

0 0 0

私人傳訊回覆引用

泡菜芝士

大宅

積分: 2116

2^#

發表於 26-1-6 10:01 |只看該作者

希望佢可以搵到幸福

私人傳訊回覆引用

333s

象牙宮

積分: 238524

3^#

發表於 26-1-6 10:03 |只看該作者

泡菜芝士發表於 26-1-6 10:01
希望佢可以搵到幸福

宣萱

無工做, 靠咩為生??

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊回覆引用

apple220

侯爵府

積分: 20280

4^#

發表於 26-1-6 10:15 |只看該作者

333s 發表於 26-1-6 10:03
宣萱

無工做, 靠咩為生??

宣萱無工做

你有冇睇佢電視劇同電影？

私人傳訊回覆引用

ff520

侯爵府

積分: 23298

馬年勳章 2025勳章蛇年勳章畀面勳章

5^#

發表於 26-1-6 10:23 |只看該作者

apple220 發表於 26-1-6 10:15
宣萱無工做

你有冇睇佢電視劇同電影？

仲有廣告添

私人傳訊回覆引用

yuyumon

伯爵府

積分: 15018

2025勳章蛇年勳章 2018復活節勳章醒目開學勳章

6^#

發表於 26-1-6 10:27 |只看該作者

其實佢有冇同過羅家良。。。。

私人傳訊回覆引用

tungtung0907

別墅

積分: 932

7^#

發表於 26-1-6 10:31 |只看該作者

當年傳得好勁，好似羅因為佢離婚

私人傳訊回覆引用

angelywl

大宅

積分: 1963

8^#

發表於 26-1-6 10:36 |只看該作者

tungtung0907 發表於 26-1-6 10:31
當年傳得好勁，好似羅因為佢離婚

真定假？因為佢離婚？就係呢個第三者？

私人傳訊回覆引用

volan

侯爵府

積分: 23547

9^#

發表於 26-1-6 10:37 |只看該作者

獨當一面更叻

氣宇軒昂

清爽旋風

神采飛揚

赤馬飛馳

私人傳訊回覆引用

my005

瑪瑙宮

積分: 144870

父親節2025勳章母親節2025勳章 2025勳章蛇年勳章 2024年龍年勳章牛年勳章 2018父親節勳章 2018復活節勳章開心吸收勳章醒目開學勳章 15週年勳章親子王國15週年勳章

10^#

發表於 26-1-6 10:54 |只看該作者

我只記得佢同佢老友陳芷菁反面事件啫。

這個世界上所有的愛都是以聚合為最終目的，只有一種愛以分離為目的，那就是父母對孩子的愛。父母真正成功的愛，就是讓孩子盡早成為一個獨立的分個體﹗

私人傳訊回覆引用

ccc_connie

大宅

積分: 3564

2025勳章蛇年勳章

11^#

發表於 26-1-6 10:56 |只看該作者

my005 發表於 26-1-6 10:54
我只記得佢同佢老友陳芷菁反面事件啫。

同陳芷菁反面？為咩反面呀？

私人傳訊回覆引用

my005

瑪瑙宮

積分: 144870

12^#

發表於 26-1-6 11:01 |只看該作者

ccc_connie 發表於 26-1-6 10:56
同陳芷菁反面？為咩反面呀？

網上COPY：

陳芷菁與宣萱原是好友，有指二人需要與TVB商量續約一事，當時宣萱向陳芷菁訴苦指薪金低，於是陳芷菁向宣萱傳授與高層的談判技巧。但未料宣萱在高層面前提及此事，並指自己不用加太多人工，令陳芷菁不獲續約，而她則步步高升，至此二人不再是朋友。

係唔係咁呢？詳細我唔記得。我只記得佢同陳芷菁夾計傾續約，而煽左陳一鑊。