自由講場今日: 166|主題: 1365789

收藏本版

回覆發帖

返回列表

跳至頁

查看: 1465 | 回覆: 19

胡家惠怒揭第二任前夫零家用欠債300萬拒還 [複製鏈接]

cacandy

男爵府

積分: 9523

2025勳章蛇年勳章 BB防敏心得分享勳章

1^#

發表於 26-2-13 14:18 |只看該作者 |倒序瀏覽 |打印

前港姐季軍胡家惠（Cathy）經歷兩段婚姻，去年11月宣布與第二任丈夫Manfred Lau結束3年婚姻，並自爆是「被離婚」。最戲劇性的是，Cathy單身不足兩個月竟火速覓得第三春。近日Cathy分別接受不同媒體訪問，就揭開第二任前夫真面目，她指對方婚後零家用，自己曾代對方還債300萬，更離譜的是前夫疑早已另結新歡，因急於帶新女見人，所以要求Cathy發文公告離婚！

Cathy的首任老公在她在陀細女期間出軌，二人因而離婚，結果Cathy患上躁鬱症；其後結識第二任老公Manfred Lau，婚後老公視一對繼女如己出，本來她自覺幸福無比，豈料婚姻到了第3年，在2025年10月卻突然收到老公Manfred的千字文WhatsApp通知，對方竟要求回復單身、想要自由：「他說他照顧我們的任務已完成，現在需要下車追尋他的個人理想。」

雖然Cathy當刻大受打擊，但仍在社交平台發文宣布離婚，原來這是前夫的要求，Cathy憶述：「我今日可以解釋俾大家聽，點解我會無啦啦走嚟講離婚？啲網民話使乜要高調講，我離婚關大家鬼事咩！其實呢個離婚post係對方要求我出，佢希望我喺社交媒體公開同大家講，我哋係和平分開，因為唔想不久嘅將來，唔係不久，佢話係好快嘅將來，佢會帶一個新嘅女伴出嚟，萬一俾人影到，啲人會話佢出軌，所以希望我配合澄清。」

Cathy續說：「講到咁，其實都無需再深究。第一次又出軌，如果第二次又出軌，好似胡家惠啲老公都係出軌，好肉酸，我嗰刻係咁諗，所以就配合呢件事，於是大家就見到我第一個離婚帖文。」驀然回首，Cathy覺得前夫出軌有跡可尋：「我哋搬去上海後，佢返嚟嘅次數越嚟越少，由每個禮拜返嚟一次，變成一個月先返嚟一次，當時佢話買機票都係錢，喺香港要畀錢住酒店，負擔重。」

Cathy更怒揭對方真面目，她指前夫婚後從未支付家用，她曾要求過有需要共同分擔生活費，可惜對方諸多藉口，她因害怕再次離婚而刻意漠視問題，甚至多次幫他還債：「嗰陣佢話佢會還，但係見到佢有錢返嚟嘅時候，都冇還過俾我，漸漸發現呢個人係自私，依家我哋離咗婚，欠我嘅錢就要還。佢本來爭我300萬，後嚟要求減到150萬，但都係還唔到，去到律師樓簽字，佢要減到至120萬先肯簽，仲要冇利息分6年還。」

Cathy再度離婚後，只想與兩個女兒繼續展開人生下一頁，但最終火速再拍拖，與認識20年的「霸氣總裁」共墮愛河，她坦言從沒想過這麼快再拍拖：「其實我根本都仲未復元，但佢睇住我20、30、40嘅經歷同成長，佢知道晒我所有嘅事，依家同佢一齊，可以做返自己，我覺得好舒服。不過我真係冇諗過再結婚，我覺得唔需要啦，接下來能夠好好相處，冇壓力，冇病冇痛，每日起身能夠呼吸，我覺得已經好幸福。」

佢個名就嚟變成離婚港姐