自由講場今日: 1826|主題: 1364876

收藏本版

回覆發帖

返回列表

跳至頁

查看: 743 | 回覆: 4

蔡瀾大讚魚腩粥執笠告別兩餸飯店頂上首進駐港島東 [複製鏈接]

elbar

公爵府

積分: 28210

1^#

發表於 26-3-13 12:40 |只看該作者 |倒序瀏覽 |打印

屹立鰂魚涌多年的「生記粥麵」因租約期滿，將於2月28日正式結業。這家以主打傳統粥品的老店，多年來吸引無數街坊捧場，就連美食家蔡瀾亦曾親自到訪，大讚店內的魚腩粥。

生記粥麵執笠不久，即獲新租客承租，為著名兩餸飯店權發小廚，據網上飲食平台資料，權發暫時沒有在港島東設立分店，是次為首度進駐；此外，權發早前亦在網上指出，將於荃灣兆和街開設新分店，意味短期內連開兩店。

生記的粥品選擇豐富，其中魚腩粥加入肉丸、魚腐，層次分明，湯頭濃郁。蔡瀾曾提到，生記的魚腩粥配上薑蔥醬油，粥底綿滑，魚腩鮮甜，風味極佳。

除了粥品，店內的清湯牛腩河同樣遠近馳名。牛腩、牛筋、蘿蔔等全是店內自製，湯頭清甜不膩。此外，辣椒油亦是自家調配，香辣有層次。

早前生記結業的消息傳出後，有網民在Facebook發文：「生記是我們鰂魚涌街坊的飯堂，呢區長者多，大家唔想煮飯就直接入去食碗麵、買碗粥。一碗鯪魚球麵有六、七件大大舊魚肉，$35碗鮮牛肉粥仲附送薑蔥鼓油，真係好抵食。」該網民更感慨道：「一碗粥一分情，今後碗粥真係唯有自己煲。」

帖文迅速引來大批網民共鳴。有食客表示：「我好鍾意食佢嘅肉丸粥，久唔久都會特登去買嚟食。」另一位網民則感嘆：「之前金峰（另一間已結業的鰂魚涌粥麵店）執咗，冇咗炸両食已經好慘，依家連生記都執，真係生意難做！」

不少街坊打算把握最後機會重溫味道：「咁要趁呢兩日再去幫襯吓，平時最愛佢嘅鯇魚骨腩粥，以前病咗都會去買白粥。」亦有經常光顧的食客表示：「lunch成日去呢度食，唔使等好耐位，又好味，真係好唔捨得。」

更有網民慨嘆傳統食肆逐漸消失：「好可惜……一間間好味粥舖執笠，剩低只有嗰啲唔似樣嘅連鎖粥舖，仲邊度有以前嗰種味道。」