想生BB 今日: 0|主題: 109618

收藏本版

回覆發帖

返回列表

跳至頁

查看: 2148 | 回覆: 19

仁安IUI [複製鏈接]

wongderful

複式洋房

積分: 126

1^#

發表於 26-3-28 12:46 |只看該作者 |倒序瀏覽 |打印

記錄下自己喺仁安第一次IUI
三月頭第一次睇李天照教授，同傳聞一樣教授好好人

去到reception登記，如果老公一齊嚟佢都要一齊登記。填好問卷再量血壓，跟住姑娘會比張號碼紙你等見醫生

見教授嘅時候診症室會有兩位姑娘
一位負責幫教授記錄，另一位負責超聲波

第一次見教授見左四五個字到，同教授講返自己問題想做IUI，佢意見係點同埋照超聲波

嚟M第一日打俾姑娘，第二日去診所驗血（E2&FSH)先，跟住再開始食排卵藥，連續食五日

Day7返去見教授，照咗超聲波見到有兩粒大卵子，教授話食排卵藥效果幾好，不過想再加打排卵針，連續打四日gonal f

Day 11 再返去見教授，照超聲波見到有三粒大卵子，同埋內膜有黃金三條線，當日打剩低嘅gonal f, 夜晚再打破卵針準備day 13做。先生當日留左精，點解呢因為我哋原先以為會Day 11做，所以儲咗四五日精，雖然教授話其實儲一個星期都冇問題，但係我哋就諗如果11同13都留一次，兩次加埋用可能會好啲呢。只不過咁做就會多咗雪精費同埋解凍費。

Day 13 朝早先生去留咗一次精，兩個鐘後返去IUI。預先飲定水因為要急小便做，但今次長知識原來因為我子宮後傾唔使太急，子宮前傾先要好急。

因為今次係右邊卵巢排卵，教授特登將啲精子放到有咁近得咁近（所以有啲唔舒服，再加上膀胱已經好急），做完留少少啡同埋好似M痛嘅感覺，不過都係正常，再唞一陣就走得啦。臨走前再見多次姑娘，confirm多次day 14開始要食兩星期黃體酮藥，再俾多咗張驗孕紙兩星期後驗，驗到有可以WhatsApp俾佢哋。

我五六年前試過喺寶徳做一次IU I，整體我覺得仁安更好

1）首先之前嗰次我記得醫生只係將精子放入子宮中間就完啦，冇話特別貼近邊一邊輸卵管先放

2）雖然仁安個流程分開好多步驟，但係每個步驟都好清晰，例如睇完醫生要抽血就會分流你去抽血房，要攞藥就去另一間房見姑娘，跟住再去俾錢。睇嘅人都比寶德多好多，但係完全冇混亂嘅情況

3）我同教授講過啲乜佢哋真係一五一十寫晒落個電腦度，例如做IUI嘅時候姑娘A見我之前試過過塞藥搞到陰道炎，會同我再三確定陣間開口服俾我。做完去見姑娘B，佢又會知因為我嚟緊去日本，所以如果假設今次失敗會開定排卵藥俾我。以一個要處理咁多人嘅診所我覺得真係跟得好足，同埋有啲咩事佢會叫你打電話去仁安醫院急症，如果你喺私人診所做就冇呢樣嘢了

而家只係期待兩星期後有好結果(emoji)(emoji)(emoji)(emoji)