夫婦情感

跳至

首頁
1

尾頁
   0


複式洋房

積分: 217


發表於 05-1-18 12:38 |顯示全部帖子

好唔開心呀!!!

:cry:

早幾日發夢: 老公同以前個第三者再係埋一齊, 於是我就決定同佢離婚(在夢中).

我同老公講返個夢, 乘機問佢: 你仲有無找佢? 佢仲有無找你? (因為我唔准佢聯絡個第三者, 仲講如果個第三者聯絡佢, 佢一定要話我知)
佢當然求求期期答我話無啦.

心血來潮, 今早我 check 老公個電話, 個第三者真的昨日大約放工時, call 過我老公.
佢當然無話我知啦.

我出門口時, 我比佢知道我唔開心, 就走左. 佢今朝找我有事, call 我, 我無聽, 佢係 voice mail 問: 好地地, 你又做乜唔開心呀? 之後成朝都無call 過我啦.

我應唔應該清清楚楚問老公呢?
我問佢個第三者找佢做乜? 佢實話問電腦野, 或其他....

定係當乜事都無發生過?

我好唔開心, 係因為咁多年來, 佢都會因為這個第三者而講大話騙我.

咁多年我都放唔低這件事, 我真係好辛苦, 係唔係要離婚至可以解決到?


象牙宮

積分: 204574

精叻鼠年勳章 2020勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 05-1-18 12:56 |顯示全部帖子

Re: 好唔開心呀!!!

你問佢有無聯絡,佢梗係答你無架啦!你又唔想比佢知道你check佢call,又要知道答案,咁樣好複雜架喎!不如你選擇相信你老公,有聯絡並唔代表有嘢,而且係對方打比你老公,你老公可能無同佢講D咩呢!

我唔清楚你哋先前發生過D咩事,如果你哋之間存在過第三者,而你選擇咗原諒你老公既話,你唯一可以做既就係相信佢同埋自己唔好諗咁多嘢。


複式洋房

積分: 217


發表於 05-1-18 14:20 |顯示全部帖子

Re: 好唔開心呀!!!

我都覺自己好矛盾, 好似精神分裂咁.

一方面同自己講, 唔好亂諗, 要信老公, 佢係個負責任的人, 雖然之前試過有第三者, 但到最後都識收手.

但另一方面, 又會覺得, 點解佢仲會講大話騙我, 為左個女人, 而講大話傷害我. 唔通對我坦白係咁難. :-(

咁多年來, 佢地斷斷續續都有聯絡, 每次都係騙我, 但又無意之間比我知道, 每次都話下次同你講囉.

唉!! 係我比得太多機會佢, 佢唔識珍惜. 定係我要學: 唔好咁執著呢??


禁止訪問

積分: 205825

畀面勳章 環保接龍勳章


發表於 05-1-18 17:01 |顯示全部帖子

Re: 好唔開心呀!!!

提示: 作者被禁止或刪除 內容自動屏蔽

提示: 作者被禁止或刪除 內容自動屏蔽


別墅

積分: 633


發表於 05-1-18 18:05 |顯示全部帖子

Re: 好唔開心呀!!!

問下自己,起邊方面最吸引老公,若果只得兩樣以下,嘗試一下改變自己,變得更好,兩夫妻新鮮的感覺沒有了,會令男人想搵愛的感覺.
放開你的包袱,不要將唔開心的事不斷影響你的思維,鑽牛角尖,只會將不幸變成真.不斷向好處想,會令你的人生更美好.人有高低潮,才算是人生.海有潮漲及潮退,才叫海..
了解生命就是這樣的,何必傷神??
Our Baby is 2 years old


公爵府

積分: 25784

2020勳章


發表於 05-1-18 18:33 |顯示全部帖子

Re: 好唔開心呀!!!

唔好話我直接,每當知道D唔開心野問老公,老公實唔會講真相,事實女人好蠢咁認為老公係自己的令一伴,咩都會同自己講,其實男人先唔會咁,佢地越錫你越多祕密,因為唔想hurt到你.
我一向對婚姻有恐懼,因為我怕自己會婚姻失敗,連累小朋友.
我都好怕會有第3者的介入,但比著我唔會咁易放棄自己一手創立的家庭,我會逃避現實,除非老公要求離婚,否則我都唔會咁蠢去追問佢,因為我唔想知道答案!


複式洋房

積分: 217


發表於 05-1-20 11:03 |顯示全部帖子

Re: 好唔開心呀!!!

我到最後都無問到老公.
老公曾經問過我: 做乜唔開心呀!!
我話無野, 之後佢就無再提, 無再理我啦 :-|

男人係唔係永遠都係咁, 你唔出聲佢就唔出聲, 避得就避.


洋房

積分: 60


發表於 05-1-20 11:57 |顯示全部帖子

Re: 好唔開心呀!!!

你唔開心係好正常﹐試問有邊個女人會接受到個老公仲有同之前個第三者有聯絡﹖雖然話分手之後都可以做朋友﹐但都會驚佢地有一日會再走返埋一齊....但既然你之前已經原諒左佢﹐你就唔好再亂唸野喇~
雖然你老公呃你話已經無同個第三者聯絡﹐我唸佢都係驚你知道佢地有聯絡而唔開心﹐所以先同你講大話﹐對佢有d信心....千祈唔好比佢知道你check過佢﹐咁樣會影響你地之間既感情。
你都唔好咁唔開心喇﹗﹗


複式洋房

積分: 217


發表於 05-1-20 14:49 |顯示全部帖子

Re: 好唔開心呀!!!

thank you. :-|


複式洋房

積分: 217


發表於 05-1-21 09:57 |顯示全部帖子

Re: 好唔開心呀!!!

今朝早再 check 下老公個電話,
如我所料,
佢真係 delete 左個第三者星期一來電的記錄.

你話佢知唔知我 why 唔開心呀?
你話佢唔係身有屎, 洗乜 delete 左個電話記錄?
女人唔出聲, d 男人就會當乜事都無發生過??

:cry:

首頁
1

尾頁

跳至