在職全職 今日: 100|主題: 46463

如題.

我放完產假返左公司兩日，第三日放工收信law。

我係放產假前俾人炒咗, 因為佢揾咗個只係我人工三分一既人返來, 但係公司當係我放完產假後先炒我, 所以人工都俾到放完產假後一個月只不過事先通知我喎.

我個朋友放完產假第一日返工就接大信封,
仲要佢即刻執嘢走添

Dear WahMingTung:

好擔心你呀！而家搵到野做未呀！

bettylam ?-( ?-(

mud唔係唔可以炒大肚婆嫁咩?

我係放完產假返左公司兩個半月左右（舊上司在我放完產假前離職了），被一個新來及無料的賤人上司炒了，他更即時請了一個他的舊下屬來take up 我的工作．我要求他出reference letter 給我，他就一拖再拖，到今時今日都未出倒給我（老闆常駐大陸，他在公司隻手遮天），累到我現在找工作十分不便．

幸好，最近我知道他和他的舊下屬也被炒了，真係惡有惡報，我唯有直接叫老闆出reference letter 給我．

:-| :-| :-|

bettylam,
我非常好彩呀!係生完囡囡2個半月後, 我朋友公司請人, 個老闆好好人呀, 聽我朋友講原本佢地公司預咗俾13k or 14k 但係我上到去, 個老闆問我以前幾錢人工, 咁我咩照實講俾佢聽羅, 點知佢話俾返嗰個人工我呀, 雖然公司係無雙糧同花紅(美國公司), 但係都開心死我呀.
但係依家又有傳聞話公司會重組, 而我個老闆會返番去美國(唔係請我嗰個老闆). 咁我諗我都應該無得留低.
過咗年之後又要揾工啦.

Meli,
其實係唔可以架, 除非佢犯咗好大既錯, 但係我見佢俾足產假錢同一個月代通知金俾我, 我就悉事寧人羅.

mandy1808,
咁你依家揾到野做末架? 我之前揾親工, 佢地一聽到我啱啱生完b咁就無下文啦.

我有個朋友都係咁. :-(

而我想當年生亞仔時,放完產假一個月後就接到大信封,理由係部門重組,都係即刻執嘢走,我見補足所有錢就算,點知公司轉頭就登廣告請我個位啦. 舊老闆叫我去平機會告公司,但我都係個句,見補足所有錢就算,知你告佢,佢咪用第2個title請人.

好啦,到生亞囡時,放完產假一個月後做appraisal,份工係contract形式,所以要續約. 我老闆居然話我有3個月唔係崗位,唔清楚我表現,只續我6個月仲要冇人工加,其實佢係想逼我走,羅我head count請個高qual 及做sales既人,最終general manager睇唔過眼,cross out 6個月 寫續我一年,我先有得留低,佢見G.M.都撐我都冇計.

攪到我對提起生仔都怕怕. 有時都唔明d人點諗,自己有亞媽,有老婆,點解要岐視d有家庭既小女人,真係想去平機會告佢地家庭崗位岐視.

Hi WahMingTung,

多謝關心，我仍然在努力搵工，多數公司對啱啱生完b的applicant通常都係叫你等通知或將你的人工壓到低一低，問你做唔做，即係局你唔好做囉．

Dear WahMingTung:

你現在暫做暫搵，到時重組如何吾開心咪走左都有份新工攞．

bettylam
?-(

Dear WahMingTung,
Agree! 要以不變勝萬變.

Dear Mandy1808,
努力搵工! 加油!

janetc, bettylam,
Thank you!!!

mandy1808,
係啦, 你個b幾大? 我嗰個今個星期五就9個月啦.

我而家做間公司o個個位上一手都係生完bb比人炒架, 我仲剛剛開始放產假o忝! 其實我希望放完假比佢炒(最好即走), 因為有得保嘛. 唔使諗籍口走又要保一個月先走得, 如果佢唔炒我我都打算唔做. 因為想自己湊下bb, 又想出去試下其他工. 但聽你o地講生完bb搵工會比人歧視架? 咁點算好呢?

conylai826,
係呀, 如果佢唔炒你架話, 你真係要諗清楚, 因為有個b, 啲公司惊媽媽會成日請假.

Hi WahMingTung,

我嗰b在早兩日星期二剛剛１０個月大

未有B之前我都唔想係呢間公司做. 雖然老闆對我冇乜唔好, 但老闆個細佬極衰呢? 係公司又唔做野, 淨係識煲煙. 又想日鬼鬼祟祟睇我o地有冇係公司上網, 跟住就去督我們. 正廢柴!!! 總之個個同事都唔like佢啦!

我係比公司迫走嫁
我4月中放完產假返公司都好好哋
不過比公司d八婆金手指我
直到上星期老闆要我簽warning
我唔簽咪resign走人囉
我個仔下個月就一歲
本身諗住做full-time媽咪
拔我又想出黎做野
因可以儲多d錢比個仔將來用同埋唔想脫節
如果聽妳哋講咁咪實搵唔到野做
點算???? 都幾煩

conylai826,
返正你都諗住唔做咪由得佢督羅, 如果你老闆炒你先算啦. 不過你要小心啲個廢柴啲二手煙, 我以前公司個個同事都食煙, 雖然係工作時間佢地會係會議室食, 但係嗰啲煙都有走出來同埋個GM會係放工後係自己間房食, 咁我又坐係佢門口位, 吓吓食到正. 後尾囡囡早咗3個星期出世, 得嗰6磅1. 醫生話如果成日聞埋啲二手煙, bb會輕磅啲架.

conylai826 寫道:
未有B之前我都唔想係呢間公司做. 雖然老闆對我冇乜唔好, 但老闆個細佬極衰呢? 係公司又唔做野, 淨係識煲煙. 又想日鬼鬼祟祟睇我o地有冇係公司上網, 跟住就去督我們. 正廢柴!!! 總之個個同事都唔like佢啦![/quote]