意見反饋
義工

少年成長 今日: 5|主題: 14714

查看: 945 | 回覆: 3
Trouble 2 點教好呢?


洋房

國民生產總值:226


發表於 05-1-26 16:51 |顯示全部帖子

Trouble 2 點教好呢?

我個仔最近成日講大話, 冇信用, 應承o左唔算數!
成日周屋跳, 做錯事唔認, 仲發脾氣打人o添!
點教好呢?


珍珠宮

國民生產總值:33323

好媽媽勳章


發表於 05-1-26 23:54 |顯示全部帖子

Re: Trouble 2 點教好呢?

佢得二歲,咪咁認真啦,keep住話佢知咁唔


大宅

國民生產總值:3637


發表於 05-1-28 12:37 |顯示全部帖子

Re: Trouble 2 點教好呢?

我囡囡現在2歲11個月,Trouble 2 都就到尾聲,雖然佢會變得幾百嚴 (大人角度o黎睇)、又變得好固執、要有自己主見,但是我地做爸媽的要記住用好大的耐性、愛心去處理。

問:我個仔最近成日講大話

答:其實佢地咁細個應該未認講大話o架,因為腦筋真係未轉得咁快、諗計仔o黎駁妳,妳試o下誘導o下佢想講的意思,如果妳仍然認為佢是講緊大話便應該指明,同佢講唔可以咁講o架、咁樣叫做講大話、是壞的小朋友先做,而且個鼻個好似小木偶咁比藍仙女變長o架 (當然要比木偶奇偶記佢得過先啦)。

問:冇信用, 應承o左唔算數!
答:都係個句,咁細個小朋友的記憶是很短暫的,未必記得自己講過乜、做過乜o架、咁就要成日提住佢,但妳可以轉一轉營式,不要講佢冇信用、妳可以當做提一提佢,話:"亞囝~唔係喎,你之前明明應承o左媽媽啊,你唔記得o左呀??" 最緊要是做爸、媽的不怕煩,時時提o下囝囝就得o架,妳可以順便叫佢學習記o下自己所說的、所做的。

點解唔好隨便說囝囝講大口、有口齒之類較負面的說話? 因為其實佢地未知自己是怎樣的人,全部都是在日常生活中慢慢學習返o黎,但如果週邊的人常說他是怎樣的人,一早label o左佢咁耳濡目染之o下佢就"以為"自己是那類人,到大個小小時開始知多點時,有可能令到小朋友的自我型像很低了,會影響他日後建立自信o架。

問:成日周屋跳
答:話佢知屋企不可以跳啊、因為會嘈住樓下、隔離屋的"小朋友"訓覺啊、會嚇親佢地咁就好慘、好可憐啊。用其他小朋友做個朝點,因為囝囝也是小朋友會親同感受一點,引發佢的同理心,知道要顧及別人的感受。而且向他說要跳就等媽媽帶他到公園先至跳、咁當然妳要真係帶他到公園比他跑、由他跳,等他發洩多餘的精力,順便當是做力運動都好嘛。

我自己會等星期六、日便帶囡囡到公園,由她跑、由她跳。當然之前要約法三章,叫佢只可以在沒有那麼多人的地方才可,仲要留意身邊有冇危險......之類的說話。

問:做錯事唔認
答:直接解釋利敝便可。不要怕煩啊。

問:仲發脾氣打人o添!
答:即時制止、要教佢打人是會整到別人痛、要認錯講Sorry、仲會被媽媽罰企、罰冇糖食、冇電視睇.....之類。咁妳都要不論在何時何地都切實實執行,不要怕在街上亞囝鈕計驚被其他人眼望望、怕監介所以就留返返屋企先至處理,咁樣就會比囝囝找到的的弱點了。

問:點教好呢?
答:耐性、愛心、不要怕煩啊,仲要學埋做播音機,要重不停重復、重復、又重復咁提佢呀、講呀。冇辦法做爸媽想小朋友好就好睇頭頭的幾年,我覺得幼教做得好就算到小朋友上到小學都唔駛怕佢變壞。

長氣了點,不過希望幫到妳。
Hi~Hi~大家好,我係家姐Christy抱住細佬佬Brian係媽媽的小樹熊啊 :lol: :lol: [img align=left]http://www.dotphoto.com/SAN1/92/EE/8F/i92EE8F4B-1C48-48B1-87BD-50E0FF12FDBF.jpg[/img]


洋房

國民生產總值:226


發表於 05-1-28 16:37 |顯示全部帖子

Re: Trouble 2 點教好呢?

小樹熊:
好多謝妳o既意見, 好有用! 我會嘗試!
不過, 仲有少少問題:

問:我個仔最近成日講大話
答:有時佢真係講大話o架! 佢講完就話"我扼妳之o麻!" 其實我都有講"狼來了","小木偶"o既故事佢聽, 但佢都係咁! 唔知佢係咪想試o下講完之後我o既反應呢?! 我諗真係要remind多d佢講大話o既後果!

問:冇信用, 應承o左唔算數!
答:其實我覺得佢唔係唔記得, 只係有時有d o野佢唔想做, 例如:剪頭髮, 未到果刻佢會乜都應承, 但要佢真係去做就反悔!

不過, 我都知教小朋友唔係一朝一夕, 我都會好努力!
Thanks!


© Baby-Kingdom.com Limited. All rights reserved.