吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 四個月BB囡俯仰時不肯挺起半身

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1526 | 回覆: 14

[2009年] 四個月BB囡俯仰時不肯挺起半身 [複製鏈接]

s997351

別墅

積分: 619

1^#

發表於 10-3-29 09:20 |只看該作者 |倒序瀏覽 |打印

我囡囡四個月喇,俯仰時死都唔肯用手仔挺起半身,只係用力整起個頭仔。而家每日訓練佢,佢就喊晒。我擔心佢係發展遲緩,或者係D手腳有問題。但係佢坐又坐得好好,仲識得拉住我雙手用力向前傾。請問有冇媽咪面對同一個問題,同埋有冇方法解決?
謝謝各位

0 0 0

私人傳訊

hagupit

子爵府

積分: 13136

2^#

發表於 10-3-29 14:02 |只看該作者

我囡囡都係, 可能我好少將佢俯仰

私人傳訊

joycebaby06

大宅

積分: 2686

3^#

發表於 10-3-30 21:02 |只看該作者

原帖由 s997351 於 10-3-29 09:20 發表
我囡囡四個月喇,俯仰時死都唔肯用手仔挺起半身,只係用力整起個頭仔。而家每日訓練佢,佢就喊晒。我擔心佢係發展遲緩,或者係D手腳有問題。但係佢坐又坐得好好,仲識得拉住我雙手用力向前傾。請問有冇媽咪面對同一個問題 ...

唔怕啦, 我囡都係咁

1 mon 10lbs 9oz

10wk4d 4.6cm 2yr9mons 95cm
11wk5d 4.7cm
20wk6d 494g
29wk1d 1.48kg
37wk5d 2.97kg

私人傳訊

puffy0305

男爵府

積分: 5815

醒目開學勳章畀面勳章

4^#

發表於 10-3-30 23:07 |只看該作者

你都好呀...我個囡連頭都唔抬起...不過佢都係坐得好好同識得拉住雙手用力向前傾...

私人傳訊

Yoio

大宅

積分: 2338

5^#

發表於 10-3-31 08:33 |只看該作者

我仔仔淨係間中抬頭ja... 想問下你地BB點樣坐? 乜都冇support就咁就坐到?! 我俾仔仔坐bumbo就ok囉, 又或者要捉住佢手仔俾support...

私人傳訊

ncls

大宅

積分: 4375

6^#

發表於 10-3-31 14:17 |只看該作者

原帖由 hagupit 於 10-3-29 14:02 發表
我囡囡都係, 可能我好少將佢俯仰

my son too

私人傳訊

giselle1012

大宅

積分: 2692

7^#

發表於 10-4-1 20:10 |只看該作者

原帖由 Yoio 於 10-3-31 08:33 發表
我仔仔淨係間中抬頭ja... 想問下你地BB點樣坐? 乜都冇support就咁就坐到?! 我俾仔仔坐bumbo就ok囉, 又或者要捉住佢手仔俾support...

無可能咁快無野support就坐到架宜家條脊骨都未彎曬平時我用我個枕頭比阿B佢可以挨住咁坐我見好多媽咪用U型枕不過坐一陣就好啦呢個時候BB條腰唔夠力坐得多都唔好

DEL

私人傳訊

giselle1012

大宅

積分: 2692

8^#

發表於 10-4-1 22:00 |只看該作者

原帖由 s997351 於 10-3-29 09:20 發表
我囡囡四個月喇,俯仰時死都唔肯用手仔挺起半身,只係用力整起個頭仔。而家每日訓練佢,佢就喊晒。我擔心佢係發展遲緩,或者係D手腳有問題。但係佢坐又坐得好好,仲識得拉住我雙手用力向前傾。請問有冇媽咪面對同一個問題 ...

唔肯唔代表唔識可能系驚驚可能系懶又有可能系唔識用邊個部位用力
我有自創獨門方法 Rebecca都試過佢都話有改善

不過我既方法只系練習到BB用手掙撐起個身唔系用手掌如果系用手掌既話個力度系需要更加大

你可以試下首先同BB系大人坐系床一邊一玩邊傾計一陣玩乜都得最好比佢郁動下D手腳仔（只要佢開心同埋唔好太累啱啱飲左奶就要過半個鐘-1個鐘先好試）玩到BB好開心既時候大人mark開少少大腿 BB頭靠近大人重要部位比阿B好似趴住咁面對你佢既手掙以下要放系大人大腿上面如果你同佢本身玩得夠開心體力又OK既話佢呢個時候應該會系頭岳起望住你呢個時候大人要按住佢對手令佢手掙對落位置保持貼住大人大腿同時兩隻手仔距離唔好太闊唔系支撐唔到上半身（呢個時候記住要不斷同BB玩或者講野我會同阿B伸脷扮怪聲唔知點解佢好中意笑到咔咔聲呢個時候其實自己都無手同佢玩我諗伸脷或者做奇怪表情又或者好抑揚頓挫同佢講野都可以吸引到佢注意力最好就唔好比其他人同佢玩費令佢事分心）當佢覺得好玩又唔驚既情況下佢唔會以後驚左唔做呢個練習試下同BB咁樣玩兩三次早午晚有時間有機會bb情況又OK既話做住幾次之後可以進行第二部份如常好似得先既情況同佢邊玩邊按住佢手仔跟住趁佢開心既時候慢慢將佢對手放系床上面注意兩隻手距離唔好咁遠唔系好辛苦實唔夠力呢個時候佢可能會驚用說話安撫BB情緒佢如果佢心口唔肯抬起就輕輕托住佢令佢個頭望到你如果佢頭同勁抬得起但系對手唔識發力就要一邊協助佢一邊同佢講手要點樣放要點樣用力如果BB保持到手掙撐床頭岳得起既姿勢就繼續同佢玩儘量拖長時間但系頭一兩次就唔好比佢咁辛苦啦練習好之後幫佢按摩下頸仔同背脊佢會好舒服好開心跟住乘機同佢玩其他佢中意既野 tum下佢同埋比佢有個錯覺就系之前既野系玩唔系逼佢做運動
我隻晢晢仔好細膽又懶唔中意趴系度一趴系度就喊唔好話要撐起個身佢好似乜都做唔到但系掙扎就好大力所以我就諗左呢個方法同佢試試左兩日佢就識用手掙起身啦

平時聽到既方法都系個兩三種 BB如果用個D方法唔得就要唯有媽咪自己變通變通你個BB我覺得無事你試下啦唔好俾佢就咁趴系度啦好大可能同我個仔一樣驚驚喊到收唔到聲

仲有唔好比BB坐咁多呀佢唔中意累就好停啦尋日我系網上見到一個讀育兒既媽媽講學抬頭學爬學行大人都可以協助下但系坐系唔需要因為坐對BB黎講系需要好大既腰力要夠力先可以承托到上半身如果佢既腰唔夠力但系你要佢坐反而會傷到佢既腰同埋脊骨當BB以後識爬既時候佢爬累既時候佢就好自然會識坐(爬系需要頸力腰力四肢既力同埋平衡力）呢樣都系尋日咁啱見到大家分享下

DEL

私人傳訊

giselle1012

大宅

積分: 2692

9^#

發表於 10-4-1 22:29 |只看該作者

原帖由 puffy0305 於 10-3-30 23:07 發表
你都好呀...我個囡連頭都唔抬起...不過佢都係坐得好好同識得拉住雙手用力向前傾...

又一次既痛苦經驗分享我個仔之前都有咁既問題佢仲要仲慘D 因為佢之前條頸好好力但系打完針之後突然無力擔心到我死死下每次同佢練趴系度佢就驚驚喊我照顧佢既同時一有時間就上網查下有咩方法但系發現個D方法都唔適合我個B練因為佢就算唔系驚驚就系懶後來我發現有個學育兒既媽咪話 BB抬頭系非常重要因為越早抬頭既BB就會越早識爬同行而更重要既系越早識抬頭既BB智力都會好D 之後我就開始心急但系阿B依然都系唔肯趴系度無計可施之下就唯有自己自創方法

第一個方法：打直抱住佢同佢照大塊镜引下佢開心專注望鏡既自己既時候頭就會向高向前岳抱住佢慢慢轉左轉右可以練埋佢條頸轉左右既靈活性
第二個方法：打直抱住佢系屋企比佢望下野同時我會好似好開心好興奮同佢形容下見到既系乜嘢系點樣乜嘢顏色有乜嘢用廣東話叫乜英文叫乜普通話叫乜。。。令佢好專注留意見到既野同埋同佢講呢樣安全如果中意可以摸下呢兩招發覺幾有用宜家佢除左8掛對於好奇既野佢會挨前用手摸下
呢兩個方法我發覺對我阿B好得練習10日由岳起條頸兩三秒變到幾分鐘我會推介比D懶啦細膽或者貪玩既BB。。。（因為我個仔就集呢3個特質于一身呵呵）當打直抱住BB條頸夠力啦就可以試下比佢手放系媽咪大腿既方法學撐起上半身
我阿B宜家條頸夠達標唔系講笑系用左我好多淚水汗水仲有口水換返黎擔心佢我都唔知喊過幾多次陪佢玩練習抱住佢跳跳扎扎引佢玩抱高抱低望唔同既野幾消耗體力對住BB講一大堆野就系為左吸引佢既興趣搞到我聲沙日日不停飲水我同BB苦練10日既成果除左系連佢條頸夠力仲令我10日瘦左4磅 ...我好耐無上黎BK 今日有個媽咪系Facebook問我有乜方法可以改善BB條頸我就即刻上黎同大家分享我既心得就系唔系每個方法都適合曬所有BB BB如果真系唔中意點逼都無用就算有用效果同時間可能都唔系好理想最好都系媽咪做多D功課上網搵下資料（不過香港既網太少參考資料鬼佬網睇得明黎又曬好多時間。。。英文差呵呵無辦法我呢排上得最多系大陸既搜尋網站因為我諗住大陸十幾億人自己BB情況應該會有好多大陸BB都會有 search下D人既講法分析歸納下有時都搵到好多有用既資料）同埋媽咪變通一下利用BB既性格改良D原有既方法同BB練習只要安全BB開心試多幾次一定見到成效再keep住做好快就可以達標