少年成長

跳至

首頁
12

尾頁
   0


大宅

積分: 3239


發表於 05-4-21 16:28 |顯示全部帖子

18個月bb食飯好煩?

bb 食飯好煩, 第一啖飯會唔肯食的, 用手撥閞我, 到真係吃了第一啖飯後, 佢會繼續食, 但吃左一半左右, 佢便會扭計, 由於佢係坐high chair , 我餵佢食飯的, 佢便會周圍指野, 看見枱上有什麼便指什麼, 要我拿給他, 他才肯吃飯, 以前我會照拿給他的, 但後來一位朋友叫我不要這樣, 不可以給他,要他吃完飯才比玩, 如果喊都不要理會, 喊得一兩天他便會乖的, 於是當他指住d野時, 我不拿給他, 有時佢都肯食完半碗飯的, 但有時真係好勞氣! 怎也不吃, 就算肚餓都不吃, 我試過罵他, 困佢在房裡, 唔比佢出來, 佢會大喊的, 到婆婆心軟抱回佢出來, 佢都係唔食, 最後可能要溝湯才吃, 因為佢好鐘意飲湯, 我地比遲d 佢飲都會大叫, 係食飯好麻煩, 點樣處理好?

晚餐我地會比半碗飯+餸bb 食, 我會剪爛d 餸溝埋飯一齊, 同埋有時佢好似玩野咁, lur 返d 飯出來, 攪衫褲地下都有飯! 食完飯先飲半碗湯


男爵府

積分: 5891


發表於 05-4-22 00:59 |顯示全部帖子

Re: 18個月bb食飯好煩?

曉晴
安安以前都係咁,不過要睇你夠唔夠忍心,我只會比25分鐘食飯時間,過左25分鐘無得食,呢個方法幾好架,每次安安唔多願食飯,我會同佢講而家幾点,仲有15分鐘,唔食無得食,因為佢知我真係會倒晒,通常都會乖乖咁食,至於lur飯,可能d餸唔啱口味


大宅

積分: 1112


發表於 05-4-22 16:03 |顯示全部帖子

Re: 18個月bb食飯好煩?

冷靜d, 首先你朋友說得沒有錯, 吃飯時不要同時滿足佢玩的欲望, 你之前這樣做會使bb唔專心.
另外, 就算bb點頑皮都好,千萬不要關起佢, 你咁做會使bb對你無安全感,之後的親子關係就會好差.
我的做法就係:
1) 先了解BB唔食的原因, 如果係因為唔專心, 我同爸爸就當睇唔到, 然後好似好開心咁一邊讚食物好味,一邊食俾佢睇. 好自然佢就會學我地一起吃.
2) 如何因為不喜歡那種食物, 佢都會吐出來,成身都係, 但係你千萬不要有太大的反應, 好自然咁清理一下, 繼續吃飯, 唔好指責佢. 當佢下一次吃下食物時, 就大力讚佢, 好WORK.
3) 當佢大喊大叫時, 當聽不懂, 唔好理佢, 當然所有在場的人都要一致, 千萬不要同佢有眼神接觸, 繼續食飯, BB好自然咁會自行收聲吃飯-佢都會自覺無聊(這幾天我都係咁樣收拾我阿B).
4) 不過最主要係, 你應該俾BB學習自己食飯啦.


男爵府

積分: 7526


發表於 05-4-23 07:48 |顯示全部帖子

Re: 18個月bb食飯好煩?

CL322 ...完全同意

曉晴~~
你要嘗試...完全放手去做!!
任何時候都唔可以心軟!!!!!
我同CL322的方法相同...亞仔由歲半起,我完全唔駛煩惱佢食飯 :-P


大宅

積分: 2216


發表於 05-4-23 15:23 |顯示全部帖子

Re: 18個月bb食飯好煩?

Hello,
請問你們由幾大開始比bb食飯仔?我bb剛剛18個月大,仲係食緊粥仔,之前試過畏佢食飯仔,但佢只肯吃幾口,請問你們是不是用電飯煲來煮,唔知點解我就算加了很多水落電飯煲去煮,到個煲自動跳制時,d 飯仔都係唔係好軟。請指教,唔該!!!!
I love baby


大宅

積分: 1391


發表於 05-4-24 22:38 |顯示全部帖子

Re: 18個月bb食飯好煩?

lv222 寫道:
Hello,
請問你們由幾大開始比bb食飯仔?我bb剛剛18個月大,仲係食緊粥仔,之前試過畏佢食飯仔,但佢只肯吃幾口,請問你們是不是用電飯煲來煮,唔知點解我就算加了很多水落電飯煲去煮,到個煲自動跳制時,d 飯仔都係唔係好軟。請指教,唔該!!!!


lv222:

我BB因佢唔肯食粥,所以一歲左右就食爛飯仔啦!至於仔話加了很多水落電飯煲去煮D飯都唔係好軟,係咪你煮個隻米比較唔受水,所以煮唔軟呀!你可以試下去買小小散裝米返去用同一個方法煮睇下個效果一唔一樣,如唔一樣就代表你而家食個種米唔受水,如一樣,你可以試下用3分2珍珠米,3分1普通米混合一起先用水洗淨浸30分鐘再煮效果會好d!


大宅

積分: 3239


發表於 05-4-25 10:41 |顯示全部帖子

Re: 18個月bb食飯好煩?

littlepaco, CL322,
多謝你們的意見
我嘗試過比囝囝自己拎spoon 食飯, 佢舀左兩三次食咁, 就在飯上 "督督" 下, 跟著就唔自己食了, 仲想將spoon 掉落地下, 我跟著再餵他, 他已不肯食了
要佢自己食飯, 係咪真係食到一身一地都係架? 會唔會玩飯多過食飯呢?

有時食飯係好勞氣, 同樣都係餵, 食粥就好快手, 食飯就 "me me麼麼"
我發覺佢好鐘意食木瓜的, 因我們有時會煲木瓜湯的, 咁我咪木瓜+落d 飯到, 咁d 飯好似好爛咁, 佢食晒! 冇理由餐餐食木瓜架, 食其他餸, 若果 "no" 飯後唔夠爛, 佢又唔食


男爵府

積分: 5931


發表於 05-4-25 11:46 |顯示全部帖子

Re: 18個月bb食飯好煩?

我個囡(兩歲)而家都係食到天一半,地一半. 總之, 佢一食飽, 就會開始攪攪震. 一係就


大宅

積分: 1112


發表於 05-4-25 13:50 |顯示全部帖子

Re: 18個月bb食飯好煩?

曉晴,
唔好咁灰心.
我估你bb係喜歡食較"林"的食物. 不仿用各種材料做爛飯俾佢食, 會easy 點吸引bb自己食.
其實食嘢係本能需要, 只要佢肚餓, 就會食. 你可以在飯前同佢勁玩一番, 當佢覺得好肚餓時, 什麼都吃.
因為bb的手眼協調還未成熟, 攪到一身都係, 是好自然的. 好似我bb自七八個月起便自己吃糊仔, 到現在十八個月,都有天一半地一半的情況, 不過比較起以前當然好好多啦.
比耐心點堅持, 你bb會因此而獲益的. 加油呀.


別墅

積分: 894


發表於 05-4-25 14:12 |顯示全部帖子

Re: 18個月bb食飯好煩?

我個女八九個月大, 我就調較時間俾佢同我地一齊食飯, 果時我就餵粥, 但係會煮d 豆腐/蛋俾佢自己用手食, 到一歲多d 就試下俾佢用匙/叉, 到左十六個月就完全由自己食, 食大人d飯送, 揀d 林飯同淡味送俾佢, 剪碎d 送, 飯就加少少湯, 通常先俾d 淡味野佢, 例如先食飯, 出街都係咁自己食.

初初都要鋪晒報紙係地, 又試過食完即刻要換衫, 一天一地係必經階段, 幾時學都要經過, 我以前睇書話, 早d俾bb自己食會減低養成偏食冒習慣. 不過我都會睇情況, 好似日頭得工人同bb係屋企, 我就俾佢開住電視餵bb.


男爵府

積分: 7559

好媽媽勳章


發表於 05-4-25 14:56 |顯示全部帖子

Re: 18個月bb食飯好煩?

我個囡21個月大啦!食野都好麻煩呀!

每次食飯都要一邊玩一邊食呀!
2006年12月28日 出世-----3.41kg 1個月---5kg 2個月---6.04kg---58cm(自己度) 4個月---7.72kg---65cm(自己度)


大宅

積分: 1112


發表於 05-4-25 16:38 |顯示全部帖子

Re: 18個月bb食飯好煩?

gavial,
我都係同你一樣, 在晚餐會跟bb同枱食飯, 咁佢就好容易投入吃飯的樂趣.


大宅

積分: 3239


發表於 05-4-25 17:53 |顯示全部帖子

Re: 18個月bb食飯好煩?

CL322,
bb 晚飯都係同我一齊食的, 我要招呼完佢先有得自己食呀, 到自己食時, 都已經冇乜餸同埋d 餸已經凍了
其實爛飯唔 "林" 咩, 粥都係 "林" 架? 粥反而食得比較快d, 不過粥就由婆婆餵囉

你地大概train 左bb 幾耐呀? 其實有冇一些模擬食飯的遊戲或動作可教bb 手眼協調?


子爵府

積分: 14648


發表於 05-4-25 22:56 |顯示全部帖子

Re: 18個月bb食飯好煩?

我個仔18個月 , 佢食飯時要選餸黎食
又成日食左又吐番出黎 , 好煩呀
仁德厚澤載福慧輝炫矢志盛風華


男爵府

積分: 5774


發表於 05-4-26 09:57 |顯示全部帖子

Re: 18個月bb食飯好煩?

曉晴,

Adonis晚飯時間是甚麼時候? 在晚飯前的一、兩小時前有沒有其他食物?

我發現如果在7點食飯, 在4點就算只有一小塊餅乾, 都會令小朋友不想食飯。

之前我亞爸為了令玫瑰不扭計, 會給她餅乾, 幾乎是她要乜有乜

之後我就嚴禁我父母在4點之後給玫瑰任何食物(生果除外), 就算水都不可以飲, 這樣玫瑰便能乖乖的在15分鐘內完成一碗飯


大宅

積分: 1112


發表於 05-4-26 11:59 |顯示全部帖子

Re: 18個月bb食飯好煩?

曉晴,
其實一齊食的目的是俾機會佢模仿大人吃飯, 若你只專注餵他, 已失去原有意義. 不如你試下先餵他半飽, 再同佢一起吃, 由得佢自己吃(盡量俾佢用自己的方式,唔好左右佢,如果唔係佢就會無興趣再吃).
至於我bb, 在開始食糊仔不久, 便俾佢自己拿匙子,然後我用手guide住匙子送入口. 之後,在佢開始掌握到點樣把食物送入口時, 我便放手由得佢自己吃, 不過糊仔比較"杰"好易掌握.
其實沒有特別train佢, 只是俾適當的自由佢, 千萬不要在吃飯的過程中俾太多的指示佢 (張心比己, 你也不喜歡在學習時有人在身邊喋喋不休啦!), 再加些鼓勵.....我相信你bb一定掂.


王國長老

積分: 68768

好媽媽勳章 醒目開學勳章 畀面勳章 王國長老


發表於 05-4-26 17:25 |顯示全部帖子

Re: 18個月bb食飯好煩?

曉晴,
其實你需不需要執著於小朋友要食晒一碗飯嗎? 已一個18個月大既小朋友黎講, 佢仲講學手眼協調.. 所以好多時佢地畢飯食會天一半地一半.. 但只要多練習, 佢好快會學到..

現今好多家長就係怕佢地攪到地方"wo jo". 所以寧願餵個小朋友, 咁佢地變相冇得訓練.. 久而久之變左飯來張口便可..

你小朋友是否10月BB呢.. 我個仔而家2歲半啦..

其實各媽咪都已分享佢地既經驗.. 你可以留意下佢
1. 是否因為唔係好餓而唔食
2. 因大人仲緊張過佢, 佢可以唔駛自已食, 有人餵便可
3. 會否環境太多野望 (如有電視), 令佢食飯唔夠專注
4. 食物唔吸引

想問下而家你煮既爛飯仔係用咩煮呢? d 送有冇source? 如係冇乜味.. 可以落少少吊一吊佢..

仲有, 如佢真係唔鍾意食飯. 你可以改煮粉/麵 / 米粉等等比佢試下..

我重來唔迫個仔食飯.. 因為食係人既根本需要, 佢餓自然會吃多一點.. 如佢夜晚個餐食得少, 相對夜晚餐奶會飲多d..

仲有, 我發現我個仔返左幼兒園後, 佢既自理能力係好左好多..
主愛我
生活世上幸福多,樣樣豐富主愛我;
天父造人像首歌,開心音符天天播。
星為我伴奏,風跟我握手;
天地海合奏,都表明主的愛。


大宅

積分: 3239


發表於 05-4-28 12:26 |顯示全部帖子

Re: 18個月bb食飯好煩?

JoJo, CL322, & all mami,
這兩晚食飯, 我已嘗試比佢自己拎spoon 吃飯, 舖埋報紙在地下, 費時天一半地一半, 點知佢食左幾啖, 就拎住 spoon "督督" 下唔食, 仲用雙手 拎住個飯碗比我, 我將飯碗放底, 佢又拎返比我, 又唔係要我餵喎, 唔知咩野意思, 我真係怕佢成碗飯掉落地下呀!! 我地冇理佢呀, 不過最後飯已凍了, 婆婆唯有餵佢囉, 成日扭扭擰擰, 我地都食完飯啦!
我想問下, 婆婆係咪唔應該餵佢呢? 如果我地都吃完飯, 而bb 仲有未食, 係咪唔好理bb, 倒左d 飯佢呢?
該用戶已被刪除

發表於 05-4-28 13:42 |顯示全部帖子

Re: 18個月bb食飯好煩?

提示: 作者被禁止或刪除 內容自動屏蔽


王國長老

積分: 68768

好媽媽勳章 醒目開學勳章 畀面勳章 王國長老


發表於 05-4-29 09:50 |顯示全部帖子

Re: 18個月bb食飯好煩?

曉晴,
我想問下你有冇煮下其他野比你仔仔食.. (e.g. 通心粉, 麵, 米粉)比小朋友食呢.. 因我發覺好多小月友都鍾意食d 粉麵類rather than 飯喎..

其實我想講如果你真係對於小朋友食野有煩惱及問題, 你可以打電話去健康院到問.. 佢地d 姑娘好專業, 亦好willing去解答問題家..

我想問下佢初初佢十五分鐘有冇好肯食.. 因為小朋友一食飽佢地都會玩唔食家..

仲有想問下你仔仔既表達能力去到邊度, 能否講到單字及簡單命令? 如果佢係明你講乜.. 你能否同佢講下道理..

其實食一餐飯, 一定要係愉快既心情下食..

所以好多時我都會開住音樂.. 大家好開心咁食飯.. 久而久之當我仔仔知道咁上下鐘數要開飯仲主動話播碟添..

揍一位小朋友, 真係要綿乾碎濕咁揍大佢.. 食又怕佢食得多, 唔食又怕佢餓..
主愛我
生活世上幸福多,樣樣豐富主愛我;
天父造人像首歌,開心音符天天播。
星為我伴奏,風跟我握手;
天地海合奏,都表明主的愛。

首頁
12

尾頁

跳至