少年成長 今日: 2|主題: 16133

chaiwawa 寫道:
我個仔依家2歲半多D,8月要讀書了,都唔知佢係咪知我好蝦,成日我講一佢做二,例如假日我湊番佢,要煮野比佢食之前,都要問佢食乜先?佢話食粥,你唔好煮粉,佢話食飯,你唔好煲粥,否則佢一啖都唔食...又例如出街食飯,我屋企對面有兩間冒險樂園,每次都要同佢去玩足兩個至肯同你食飯,否則想佢入間餐廳都難..仲要每次食飯都要揀卡位坐,因為佢會落地...搭地鐵,佢又係車卡內走來走去,捉都捉佢唔住,...哎..都唔知點解佢會咁..係咪有過度活躍症??平時11:00pm我已好眼訓,叫佢訓覺,佢話唔眼訓,每晚都要攪到成點至訓..哎..個保母話平時佢至訓個幾兩個鐘咋..都唔算多呀??總知湊住佢,我就快變了燥狂症了

paiwai 寫道:
chaiwawa: 我都有同感呀~ 覺得...對住個仔(2歲3個月大)...我真係無晒EQ...成日都控制唔到自己....好惡咁話佢~(有時都打下佢)佢有時又唔肯拖我..有時行一兩條街就要我抱...仲要一定係我WOR...爸爸抱都唔得...食野又坐唔定...夜夜都唔訓...不過我好過你 :lol: 我係全職媽咪, 仲咩都要自己整 玩具又唔見佢自己執 真係比佢激死~~~~

happy_k 寫道:
chaiwawa，paiwai．

1 ) 唔可以比佢hat住架,如果煮左佢唔食,妳就同佢講,依家要食野先,唔可以比佢話事,如果叫多幾次都唔食就要係佢面前倒左佢,但妳唔好"北"咁多先,肺是浪費,如果佢肚餓妳就同佢講,係因為妳唔食要媽咪倒哂d飯,所以妳依家肚餓,我要罰你冇野食,妳等佢餓多3分鐘再"北"比佢食,咁佢就唔會再老點妳架喇.

2 ) 如果佢成日都掛住去冒險樂園玩,死都唔很走,妳就返屋企將佢所有玩具收埋,妳就同佢講,你唔聽話,我要罰你,如果你想去玩,我地只可以係星期六,日先可以去,如果佢唔識睇日子,妳就畫日曆比佢睇,或者用貼紙貼上去玩既日期.

3 ) 如果佢到餐廳食飯唔聽話,妳大可帶佢入厠所,close door就打佢同鬧，打完佢先講，要佢唔咸先帶佢返出去，繼續食飯．

我主張有小量的體罰，等佢地要知道咩時候有獎，咩時候需要罰，我都係咁教我個囝架，都ｏｋ架，最少唔會野蠻
同埋係唔適當既地方另到我地尷尬先．

paiwai 寫道:
chaiwawa: 我都有同感呀~ 覺得...對住個仔(2歲3個月大)...我真係無晒EQ...成日都控制唔到自己....好惡咁話佢~(有時都打下佢)佢有時又唔肯拖我..有時行一兩條街就要我抱...仲要一定係我WOR...爸爸抱都唔得...食野又坐唔定...夜夜都唔訓...不過我好過你 :lol: 我係全職媽咪, 仲咩都要自己整 玩具又唔見佢自己執 真係比佢激死~~~~

chaiwawa 寫道:
但如果比着我個仔,你帶佢返出餐廳外,咪仲合佢心意,佢唔會再入去架啦..所以如果我同家人食飯,要輪住出外睇住佢...如果要佢坐埋一齊食呢,就要搵野引佢,否則佢無咁好耐性坐足咁耐同你地食飯..又譬如去一D熟悉的地方,佢知道邊度有遊樂場,就會自己走去玩,想靜靜地飲餐安樂茶都唔得..佢係都要人陪佢去玩,大佬呀..出面鬼死咁猛太陽,我至怕,多多美白都補唔番

[quote]
Super-Man 寫道:
我都係咁教個仔, 以前佢試過你餐廳發癲, 我忍佢, 點知佢越喊越大聲, 瘀到爆, 而家佢一扭計時, 我就帶佢出餐廳或toilet鬧佢, 等佢應承我唔扭計先帶返佢入去. 呢個辦法次次都work. 但一定要好惡, 我惡起出黎唔係人咁品.

chaiwawa 寫道:
我個仔平時比隔離屋師奶湊咯,佢唔會'仲'佢架,相反會鬧佢同打鑊咁佢架..我個仔都驚佢,但又會黐佢喎..佢平時食完LUNCH,會訓個幾兩個鐘,跟住去公園玩架啦...但佢係由細到大都蝦我,一D都唔驚我,就算我拿住滕條,佢都唔會驚架..

依家佢未開始返學,都未有時間觀念,有時我咪比十個COINS佢,話玩完就無晒,佢有時會聽你講,玩完就走,但有時就賴死唔走..所以..佢都好鬼麻煩,只寄望返左學,可以比老師教下啦!