婦女醫護 今日: 0 | 主題: 34036

積分: 192

1^#

發表於 10-6-30 09:57 |只看該作者 |倒序瀏覽 |打印

我本身有甲亢04年到而家,自從有甲亢後,身體差左,皮膚差左,重好暗啞,係勁暗啞,我去睇中醫,醫師話我甲狀腺好返就會面色,氣色好返

聽人講甲狀腺係因為肝唔好,所以,影響面色,氣色

有冇人都係咁樣?大家傾下~

0 0 0

私人傳訊

積分: 45253

好媽媽勳章

2^#

發表於 10-6-30 10:36 |只看該作者

我有甲亢7年幾, 復發了多次. 那7年, 皮膚又差又乾, 頭髮暗啞和稀薄, 因為一復發就勁甩頭髮. 脾氣亦比較大, 易緊張和敏感, 情緒大起大落, 夜晚又常常失眠, 訓覺成日發惡夢.....失眠和脾氣大最傷肝.

其實我醫生形容甲亢就像一架開行turbo的車, 長期高速行駛, 機件 (即係你的身體) 不勝負荷, 長此落去, 身體會易衰老, 而且長期甲亢, 年老時較易有骨質疏鬆症.

我拖左7年都唔肯飲碘水, 因為之前覺得太恐怖, 又生想bb, 但因為害怕骨質疏鬆症這點, 我先肯飲碘水. 4前年我前後飲了兩次碘水才控制到甲亢, 雖然最後都要食補充劑, 但這幾年身體明顯好左, 唔似甲亢時咁易累, 脾氣亦收斂左, 最明顯係皮膚, 髮質和面色有所改善.

當然, 飲碘水會有後遺症, 就係食補充劑食一世, 無得番轉頭, 所以, 唔係多次甲亢復發, 都唔好揀這條路.

私人傳訊

積分: 192

3^#

發表於 10-6-30 13:46 |只看該作者

回覆 2# jaycee_mami 的文章

我3月中飲左碘,但面色都重好暗啞,而係係人見到你都覺得暗啞,同埋好乾,頭髮又好乾

已經3個月都重係咁....醫生話吸收碘每個人都唔同,會係幾個月或這半年就吸收哂...我好擔心飲完重係高,d皮膚搞唔好~

我d親戚好多都有,而且,佢地都飲左碘水好返無番發,我先飲,因為我唔多唔少甲狀腺影響我情緒,總之就好辛苦

私人傳訊

積分: 192

4^#

發表於 10-6-30 13:48 |只看該作者

最近係tv度見到李連杰話有甲亢,我見佢無哂光彩,眼突,甲狀腺唔係咩重病...但一中招就慘...長手尾

私人傳訊

積分: 45253

好媽媽勳章

5^#

發表於 10-6-30 14:27 |只看該作者

我都有留意李連杰有這病, 雙眼有點突.

你3月飲完碘水, 咁你最近有無驗血? 指數係咪仍然咁高?

我記得未飲碘水前, 係1日1粒綠色藥. 12月飲完第一次碘水, 都控制唔到, 仿然勁緊張勁脫髮, 要在2月再飲第二劑.

飲完後一個多月內, 醫生仍然要我食綠色藥, 因為D碘要時間吸收. 醫生那時1日要我食12粒 (每次3粒, 1日4次), 我阿媽同樣有甲亢, 佢話有無搞錯呀, 1日食12粒咁多, 驚醫生睇錯份量食死我, 要我打去醫院問. 但我記得清楚醫生係咁講, 所以我照食, 跟住1個多月後我再返去覆診, 醫生就叫我即時停藥, 話控制到甲亢啦, 唔駛再飲碘水了 (佢話極少數人要飲第3次).

指數回落及穩定後, 之前甲亢的病徵會慢慢無左, 個人精神有明顯改善, 面色和之前真係好唔同.

私人傳訊

積分: 192

6^#

發表於 10-6-30 23:57 |只看該作者

我上網睇,佢話呢個病係有d關遺存,有一群人本身佢地有家族遺存,當受壓後有可能誘發呢個病出黎,有d承受到壓力就無事,即係就算遺存都要睇下本身個人既生活壓力有關,通常唔知係發病前幾多星期定幾多個月壓力爆就引發出黎~以我記得就係咁~

我3月18日飲左,我媽咪望我條頸就話細左,手震心跳都無咁勁,但情緒都好波動,皮膚面色都重未有進展,都係怕熱,我未有甲亢前,我係o個d手凍腳凍既人,冬天對手好似雪條,痛到入骨,而家一d唔都怕凍....

我最高鋒時每日三次,每次三粒,後來我飲碘水前都重係每日一次,每次兩粒,上個月睇報告話我正常,但半年後再check先準

其實醫生話如果甲亢長期食藥,因為佢d藥係抑制d甲狀腺素低返,而甲減只係一種補給品令甲狀腺素多返d,所以,甲亢食既藥食傷d同多d副作用

如果今次佢再話我高左,我好想割左佢,
因為有d人飲完第二次,可能到四十幾歲時又再番發,我好驚,因為我唔想年紀大,d情緒又再咁樣,我有左甲狀腺病我要食抗抑鬱藥,未有甲狀腺時個人好開朗,有左甲狀腺後乜都變差

私人傳訊

積分: 45253

好媽媽勳章

7^#

發表於 10-7-2 07:21 |只看該作者

原帖由 cclaw21 於 10-6-30 23:57 發表
我上網睇,佢話呢個病係有d關遺存,有一群人本身佢地有家族遺存,當受壓後有可能誘發呢個病出黎,有d承受到壓力就無事,即係就算遺存都要睇下本身個人既生活壓力有關,通常唔知係發病前幾多星期定幾多個月壓力爆就引發出黎 ...

你講得對, 甲亢藥的副作用真係比甲補充劑多. 甲補充劑是沒有任何副作用架.

私人傳訊

積分: 26853

8^#

發表於 10-7-7 18:33 |只看該作者

但我睇新聞,李連杰瘦左唔知10定20磅,以為自己癌症,原來都係甲亢,但佢唔醫,我都想唔醫,但我亞姨係醫護人員,佢話唔醫,裡面D心啊個D會負荷唔到,好易心臟衰竭死.........
我已經第2次反發,醫生話我咁高,都應該要一世食藥~佢話我食埋今次可以考慮飲唔飲碘...
我爸都係飲碘好反,佢之前成廿年都係不停反發....佢已經唔使食藥個d成十年~
但醫生話做手術就有風險同埋割多割少都要食藥..........................................
好似都無得簡咁,絕症一樣
另外,我都覺得真係會影響skin同hair..............D頭髮真係會好似枯死咁樣架,好得人驚

[ 本帖最後由 mini_yan 於 10-7-7 18:34 編輯 ]

私人傳訊

積分: 26853

9^#

發表於 10-7-7 18:37 |只看該作者

原帖由 cclaw21 於 10-6-30 23:57 發表
我上網睇,佢話呢個病係有d關遺存,有一群人本身佢地有家族遺存,當受壓後有可能誘發呢個病出黎,有d承受到壓力就無事,即係就算遺存都要睇下本身個人既生活壓力有關,通常唔知係發病前幾多星期定幾多個月壓力爆就引發出黎 ...

我既情況同你差唔多一樣....係未飲碘><''不過應該都無得走雞...
我又係搞到抑鬱要食血清.....
藥煲咁,好煩...

私人傳訊

shshwby

大宅

積分: 3889

10^#

發表於 10-7-8 10:24 |只看該作者

回覆 2# jaycee_mami 的文章

Dear Jaycee_mami,

我2006年開始有甲亢，睇私家醫生，食完第一個療程後唔駛一個月就翻發(食綠色丸)，後來轉介到政府跟進，開始食第二個療程(而家度數正常)，但醫生多次同我講以我個case應該食藥是不能醫好，只是控制keep 住正常度數(我一隻眼有少許突)，他們建議我飲碘水，但如果要避免影響眼發炎，先要食幾個月類固醇，而最嚴重的會影響眼球不能轉動。而做手術又會有風險及條頸會有疤痕等....

其實我唔到最後都唔想做以上兩治療，醫生又話如長期食藥，副作用會血管發炎，我而家都唔知點好，我知道你飲了2次碘水，情序是否如以上醫生所說一樣? 因我好怕食完類固醇會影響身體，又驚隻眼會有事。

請 jaycee_mami或曾有經驗的姊姊們可否給我一些意見，Thanks !

私人傳訊

積分: 192

11^#

發表於 10-7-8 12:36 |只看該作者

原帖由 mini_yan 於 10-7-7 18:33 發表
但我睇新聞,李連杰瘦左唔知10定20磅,以為自己癌症,原來都係甲亢,但佢唔醫,我都想唔醫,但我亞姨係醫護人員,佢話唔醫,裡面D心啊個D會負荷唔到,好易心臟衰竭死.........
我已經第2次反發,醫生話我咁高,都應該要一世食藥 ...

我見到李連杰話自己有甲亢

係電視度見到佢無左以前o個種光采同埋佢眼比較明顯突出

http://hk.news.yahoo.com/article/100701/3/iybt.html

http://hk.news.yahoo.com/article/100607/4/ih61.html

我有段時間食藥都覺得食唔好,曾經停過,但心跳,手震愈來愈多,我就係唔想再食藥,中醫叫我睇佢睇到甲亢好返,但我已經睇左好多次,身體係好左d~不過,甲亢係長期,要用中醫黎醫好似燒銀紙咁...

同埋食藥係有副作用,不如一次過傷又傷一次,我決定飲碘水,再唔得我就割,因為識人佢係甲狀腺都割左好多年都無野lu,但比我選當然飲左先,唔得先入手術室...

[ 本帖最後由 cclaw21 於 10-7-8 12:40 編輯 ]

私人傳訊

積分: 192

12^#

發表於 10-7-8 12:42 |只看該作者

原帖由 mini_yan 於 10-7-7 18:37 發表
我既情況同你差唔多一樣....係未飲碘>

我有個朋友,既朋友佢又係有甲狀腺之後有抑鬱...

我覺得好大關係,以前乜都笑一餐,而家樣樣都唔開心

我都考慮想甲亢好返,希望抑鬱都有改善

私人傳訊

積分: 26853

13^#

發表於 10-7-8 13:21 |只看該作者

原帖由 cclaw21 於 10-7-8 12:36 發表

我見到李連杰話自己有甲亢

係電視度見到佢無左以前o個種光采同埋佢眼比較明顯突出

http://hk.news.yahoo.com/article/100701/3/iybt.html

http://hk.news.yahoo.com/article/100607/4/ih61.html

我有段時間食 ...

yes~但佢話唔醫~我都想咁做.....但依家咪好熱既,如果咩都再快好多,真係好辛苦
但我之前因為第2D問題去睇中醫,我多口問句,如果第時甲亢反發可唔可以睇佢黎醫,佢暗示中醫係唔能夠醫好甲亢的~(雖然西醫都係....)~既然咁,學你話頭,睇中醫真係燒銀紙咁....
YES~普遍都會係咁做~但手術真係有可能會割多/割少,咁就要食成世藥..
基本上都無一樣野可以百份百令甲亢斷尾..
雖然我爸飲左碘成10多年都無再反發,但醫生都話唔擔保之後真係唔會反發架~不過佢呢幾年間唔中去下旅行,一個星期行2.3次山,食完飯又行下海皮,心境開朗,希望可以唔再反發~
最重要係碘好毒架.....亞姨暫時唔建議><''

私人傳訊

積分: 26853

14^#

發表於 10-7-8 13:26 |只看該作者

原帖由 cclaw21 於 10-7-8 12:42 發表

我有個朋友,既朋友佢又係有甲狀腺之後有抑鬱...

我覺得好大關係,以前乜都笑一餐,而家樣樣都唔開心

我都考慮想甲亢好返,希望抑鬱都有改善

YES~我以前都唔係咁架,零脾氣,成日都傻下傻下,嘜都笑餐飽...
但自從咁樣之後,D情緒好波動,小小野都發哂脾氣同喊,成日都想死左佢,一了百了
我爸話係咁個喎,佢個時都係咁..
雖然我無問過醫生有無關係,但我覺得好關...始終都係內分泌
同埋呢,你有無問過你個主診西醫,關唔關壓力事而誘發甲亢...?
我上次見醫生個時問佢,佢話唔關事個喎..佢話你要病發,你好開心都會病發...><但我一向聽(身邊D人講)/睇(網上資料)都係話關壓力事個喎

私人傳訊

積分: 45253

好媽媽勳章

15^#

發表於 10-7-8 15:34 |只看該作者

原帖由 shshwby 於 10-7-8 10:24 發表
Dear Jaycee_mami,

我2006年開始有甲亢，睇私家醫生，食完第一個療程後唔駛一個月就翻發(食綠色丸)，後來轉介到政府跟進，開始食第二個療程(而家度數正常)，但醫生多次同我講以我個case應該食藥是不能醫好，只是控制keep 住正 ...

我因為甲亢, 對眼有少少突, 但不嚴重. 飲碘水前, 醫生無同我提過要食類固醇來避免眼發炎.

但飲完第二次碘水後一至兩個月, 因為碘需要時間讓身體吸收, 那段時間仍要食綠色甲亢丸, 那一至兩個月, 對眼真係好乾好澀, 乾到你唔想上網唔想睇電視, 返工回家就要合上眼休息. 但過左一兩個月, 覆診時醫生話甲指數回復正常, 可以停藥, 對眼就回復正常, 以上唔知係咪你醫生提及的眼發炎症狀?

私人傳訊

積分: 192

16^#

發表於 10-7-8 23:32 |只看該作者

原帖由 jaycee_mami 於 10-7-8 15:34 發表

我因為甲亢, 對眼有少少突, 但不嚴重. 飲碘水前, 醫生無同我提過要食類固醇來避免眼發炎.

但飲完第二次碘水後一至兩個月, 因為碘需要時間讓身體吸收, 那段時間仍要食綠色甲亢丸, 那一至兩個月, 對眼真係好乾好 ...

開頭對眼乾澀,o個時我一出街就覺得好乾,不停滴眼藥水都乾,乾澀到感覺又乾對眼又熱,又痛,但我飲完碘水呢樣又真係改善到,不過,重有好微好微好微既手指震...

私人傳訊

積分: 192

17^#

發表於 10-7-8 23:34 |只看該作者

原帖由 mini_yan 於 10-7-8 13:21 發表
yes~但佢話唔醫~我都想咁做.....但依家咪好熱既,如果咩都再快好多,真係好辛苦
但我之前因為第2D問題去睇中醫,我多口問句,如果第時甲亢反發可唔可以睇佢黎醫,佢暗示中醫係唔能夠醫好甲亢的~(雖然西醫都係....)~既然咁 ...

其實,當然又有得醫就要醫好佢,唔好唔醫,我曾經都放棄,但你知呢個病一拖,只會影響到自己身體再差d,遲早都要醫,當然早d醫啦~唔好放棄!!

私人傳訊

積分: 45253

好媽媽勳章

18^#

發表於 10-7-9 08:22 |只看該作者

原帖由 cclaw21 於 10-7-8 23:34 發表

其實,當然又有得醫就要醫好佢,唔好唔醫,我曾經都放棄,但你知呢個病一拖,只會影響到自己身體再差d,遲早都要醫,當然早d醫啦~唔好放棄!!

唔好唔醫呀, 拖落去對眼會突, 影響外觀架.

我22歲開始病發, 甲亢了7年, 當時知道要飲碘水, 都係難過得要死, 因為人人講到好恐怖, 又話會生cancer又話同桌食飯都唔得. 但我細心睇瑪麗醫院派俾我的小冊子, 有解釋話無證據證明飲碘水後生cancer, 另外其他要注意的事項, 例如要沖廁二次, 不可靠近幼童和大肚婆等等, 其實只限於飲碘後兩星期內. 兩星期好快過去.

我想講就係, 我飲左兩次碘水後, 反而有點"重生"的感覺, 因為身體上的不適改善左好多好多, 最重要一點係, 過往咁多年醫生唔俾我生bb, 但我飲碘後13個月, 醫生見我甲指數很穩定, 終於批准我開工生仔. 好慶幸, 我過左1個月就bingo了, 然後懷胎十月生左仔仔. 他出世時健康和正常, 而家兩歲半了.

雖然而家每日要食補充劑, 而且要食一世, 但我身心反而舒服了. 因為甲亢復發係來得很急很快, 一兩個月後指數可能升到無譜. 反之甲低係來得比較慢, 慢到有些人唔為意自己有這病, 最終要驗血先知, 唔似甲亢咁大上大落. 而且在政府醫院飲完碘水後, 有得每3個月覆診一次, 每次要磅重和問下病情, 每6個月就有得免費驗血一次, 有問題好快會幫你調教藥的份量.

私人傳訊

積分: 192

19^#

發表於 10-7-9 08:52 |只看該作者

我飲完碘水後,覆診一次,佢就叫我半年後先再覆,係咪正常呢?

私人傳訊